मत्ती 8:22 - चेपाङ

²² “लौ ङाकुस् द्याह् वाङ्अ दा। सीसा खेःओ मान्‍तालम्इ लयःकोः सीओकायः पाम्‍ह्‌ती वाय्‌पानी” त येसु दाय्‍ह्‌ती त्‍याङ्आ।

मत्ती 8:22 ပူးပေါင်းရင်းမြစ်များ

मत्ती 8:21

ओहाङःसै यात्‌चाक् अरु येसुकुस् वाह्‌ती मुओ मान्‍ता वाङ्‌ती “लौ प्रभुय ङाकोः आपा सीती पाम्‍ह्आक्‌तीको नाङ्‌कुस् वाह्‌सा दोःपाङः” त दाय्‍ह्‌ती येसुकः तेतो

मत्ती 9:9

ओहाङःसैको कीम्‌सै आल्‌ती येसुइ यात्‌चाक् मत्ती त तोओ पैसा उथावओ मान्‍ताकायः लयःकोः आफीस्‌हाङः च्‍यवःती क्रुस्आकान्। ओउःकायः क्रुस्‌तोक्‌हाङः “लौ ङाकुस् वाह्अ” त दाय्‍ह्‌ती येसुइ तोआथै। तोआक्‌तीको उया मत्ती चीङ्‌ती येसुकुस् वाह्आकाच।

मर्‌कस् 2:14

ओहाङः वाह्‌तोक्‌हाङः येसुइ आल्‍फीयस् त तोओकोः चोः लेवीलेः त तोओ पैसा उथावओ आफीस्‌हाङः काम् जाङ्‌ह्‌ती मुओ च्‍यवःआकान्। ओउःकायः च्‍यवःती “लौ ङाकुस् वाह्अ” त दाय्‍ह्‌ती येसुइ तोआथै। इत तोआक्‌तीको उया लेवीपाय् चीङ्‌ती येसुकुस् वाह्आकाच।

लुका 15:24

इ ङाकोः चोःजा सीओ खेःतो द्याह् स्‍याक्‌ती दाह्ओआः। ङ्‌हापाय् मीह्‌ती वाय्ओ खेःतो द्याह् दाह्‌ती वाङ्ओआः बत्‌ताङःआः ङ। ओउःत झ्‍यान्‍ते ओउःकायः चोङाय्‌ती त्‍याक्‌सा खेःनाःतय्‍ही’ त दाय्‍ह्‌ती ओउः आपामा सबै कीम्‌कोः मान्‍तालम्‌मा चोङाय्‌ती स्‍याह्‌ती मेती मुओ खेःइतो।

लुका 15:32

इ नाङ्‌कोः हौजा सीओ स्‍याव्आक्‌तीको द्याह् स्‍याक्‌तीलेः दाह्ओआः। ङ्‌हापाय् मीह्ओ खेःतो द्याह् च्‍यवःओ लेःआः बा ओउःत झ्‍यान्‍ते तेन् चोङाय्‌ती भोस् जेःती मुसा स्‍याव्‌नाः’ त दाय्‍ह्‌ती ओउः आपा त्‍याङ्आ” त दाय्‍ह्‌ती येसुइ तोआथास।

लुका 9:59

ओहाङःसैको अरु यात्‌चाक्‌कायः “लौ ङाकुस् वाह्अ” त दाय्‍ह्‌ती येसुइ तोथातो “अ प्रभु ङाकोः आपा सीती पाम्‍ह्आक्‌तीको ह ङा नाङ्‌कुस् वाङ्‌चाङः” त दाय्‍ह्‌ती ओउः मान्‍ता त्‍याङ्आ।

लुका 9:60

“खेःल ओउः सीसा खेःओ मान्‍तालम्‌खेइ लयःकोः सीओलम्‌कायः पाम्‍ह्‌ती वाय्‌पानी नाङ्‌खे परमेस्‍वर्‌कोः राजीकोः पेओ कुरा थोल्‍ह्‌ती तोलाङ् आल्अ दा” त दाय्‍ह्‌ती येसुइ तोआथै।

युहना 1:43

ओहाङःसैको उनम्‍ह्‌कोः स्‍याङ्‌ह्‌लोहाङः येसुपाय् गालील त तोओ अन्‍चल्‌ताङ् आल्‌सा म्‍हर्‌आ। आल्‌ती ओहाङः दाह्आक्‌तीको फीलीप् त तोओकायः क्रुस्आकान्। क्रुस्आक्‌तीको “लौ ङाकुस् वाह्अ” त दाय्‍ह्‌ती येसुइ तोआकान्।

युहना 21:19

एत तोती परमेस्‍वर्‌कायः ताङ्‌ह्‌ताक्‌सा थेङा पत्रुस् गत हायःती सीसा खेःतो त येसुइ छ्यान्‍ह्आकान्। ओउःत तोआक्‌तीको “लौ ङाकुस् वाह्अ” त पत्रुस्‌कायः तोआकान्।

युहना 21:22

“लौ ङा वाङ्‌धाङ्‌माःखा च्‍युक्‌कायःलेः ‘ओउः तुतो स्‍याक्‌पाः’ त ङा झाक्‌चाङः त खेःया ओउःपाय् नाङ्‌कायः दोह्‌मा दयःतेःल। नाङ् ङाकुस् वाह्अ दा” त दाय्‍ह्‌ती येसु त्‍याङ्आ।

एफेसस् 2:1

ङ्‌हापाय् नीङ्इ रेव्‌तो काम् जाङ्‌ह्‌ती झ्‍यान्‍ते सीती वाय्ओलम् खेःतेःइतो।

एफेसस् 2:5

ङी रेव्ओ काम् जाङ्‌ह्‌ती सीती वाय्‌सा खेःओ बेलाहाङः ओउःइ ख्रीस्‌कुस्‌लेः रौ जीङः बयःआतय्‍ही। ओउःतलेः परमेस्‍वर्‌इ नीङ्‌कायः राप्‌तीमा योनःती योती दल्‌तेःताक्‌तेःआकाय्।

एफेसस् 5:14

फेरी पेतो च्‍यवःताक्ओपाय् थोङ्ओ लेःआः। एतलेः लेखती मुनाः “अ नाङ् एनःती मुओ चाक्‌य सीओलम्‌सै उह्‌ती च्‍योक्‌तेःपाः ओहाङःसै ख्रीस्इपाय् थोङ्‌तेःताक्‌तेःनाः” त दाय्‍ह्ओ लेखती मुनाः।

कोलसी 2:13

ङ्‌हाखे नीङ् परमेस्‍वर्‌कोः चीन्‍ह लात्ओ मान्‍तालम् खेःआक्‌तेःइली। रेव्ओ काम्‌लम् जाङ्‌ह्‌ती झ्‍यान्‍ते नीङ्‌पाय् सीसा खेःओ खेःतेःइतो द्याह्‌खे नीङ्‌कोः रेव्‌झ्‍याङ्‌कोः क्‍युम्‍ह्‌ती वाय्‌ती परमेस्‍वर्‌इ ख्रीस्‌कुस्इ उह्‌ती च्‍योक्‌ताक्‌ती रौ जीङः बयःतेःआकाय्।

१ तीमोथी 5:6

सुसु बुधा सीओ मोमःचोःखे लुङ्‌ह्‌जेःती मुनै ओउःपाय् द्याह् सीओ लेखालेः मुनै।