मत्ती 8:19 - चेपाङ

¹⁹ ओउःत तोतोक्‌हाङः यात्‌चाक् धर्‌मा स्‍यान्ओमयः येसुकःताङ् वाङ्‌ती “लौ गुरुय गाःहाङःलो नाङ् आल्‌तेःचाः ओहाङःपाय् ङामा गुल्‍ह्‌ती वाङ्‌नाङः” त दाय्‍ह्‌ती ओउः मान्‍ता दाय्‍ह्आ।

मत्ती 8:19 ပူးပေါင်းရင်းမြစ်များ

लुका 14:33

इतलेः नीङ्‌मा ङाकुस् वाह्‌सा बोङःतेःनानी त खेःया ङ्‌हासै ‘लौ येसुकुस् वाह्‌साकायः ङाइ लीह्‌सीःओ गोरःसामा सबै फेसामा खेःनाङः’ त ल्‍हुङ्‌हाङः चीःआक्‌ती ग्‍यासा खेःतेःनै बा।

१ कोरीन्‍थी 1:20

तेन्‌छ्याङ्‌कोः व्‍हाय्‌तो नोःसा चीःओ मान्‍ता दोह् त चीःनाःइसी गत स्‍याव्‌नै त दाय्‍ह्‌सा। ल्‍हाव्‍ह्‌दैबाङ्‌कोः मान्‍ताइ नोःओ व्‍हाय्ओ कुराकायः “ओउःपाय् भ्‍यामःतो नोःओ लेःआः” त परमेस्‍वर्‌इ छ्यानःआकान्।

१ कोरीन्‍थी 16:6

नीङ्‌कःहाङः दाह्आक्‌तीको नीङ्‌कुस् मुसा दोःनाङः यादो य्‍हुदा महीनालम्‌च्‍युक्‌कायः ङा मुसा दोःनाङः यादो। नीङ्‌कुस् मुआक्‌तीको गाःहाङः ङा आल्‌सा खेःनाङः आल्‌तोक्‌हाङः नीङ्इ ङाकायः दाम्‌ती ल्‍होक्‌सा खाय्‌तेःनेःनानाङ्‌स।