मत्ती 8:17 - चेपाङ

¹⁷ ओउःत हायःती उय्‍ह्‌लेकोः परमेस्‍वर्‌कोः कुरा छ्यानःओ एसायाइ तोओ कुरापाय् ताप्‌ताक्आकान् “लौ ओउःइपाय् ङीकोः जीक्ओलम् लयःलेः ल्‍हाङःती लात्‌ती आलःती वाय्‌बत्आताङी” त दाय्‍ह्‌ती दाय्‍ह्ओ येसुइ ताप्‌ताक्आकान्।

मत्ती 8:17 ပူးပေါင်းရင်းမြစ်များ

मत्ती 1:22

इत स्‍याव्ओ कुरा उय्‍ह्‌ले यात्‌चाक् परमेस्‍वर्‌कोः कुरा छ्यानःओ मान्‍ता दाय्‍ह्आ

मत्ती 2:15

मीस्रा देस्‌ताङ् क्रव्‌ती दाह्‌ती वाङ्आक्‌तीको ओहाङः हेरोद् राजाकोः सीधाङ्‌माःखाच्‍युक्‌कायः मुआकाय्। एत हायःती “लौ ङाकोः गोय्‌चोःचोःकायः मीस्रा देस्‌सै गोत्आलाङः” त दाय्‍ह्‌ती यात्‌चाक् परमेस्‍वर्‌कोः कुरा छ्यानःओ मान्‍ताइ लेखओ कुरापाय् द्याह् ताप्‌तो स्‍याव्आ।

मत्ती 2:23

ओहाङःसैको ओउःकायः फेरीलेः परमेस्‍वर्‌इ माङःखाहाङः गानाक्‌ती तोती झ्‍यान्‍ते युसेफ् गालील देस्‌ताङ् आल्‌ती नासरेत् त तोओ गाव्‌ताङ् याक्आकाय्। ओउःत हायःती येसुकायः “ओउःकायःपाय् ‘नासरेत्‌कोः’ त तोनानी” त दाय्‍ह्‌ती उय्‍ह्‌लेकोः परमेस्‍वर्‌कोः कुरा छ्यानःओमयःइ लेखओ द्याह् ताप्‌तोलेः स्‍याव्आ।

मर्‌कस् 1:32

ओहाङःसैको जेःती भ्‍याआक्‌तीको राम्‍हसैलो न्‍याम् ब्‍लक्‌खेःओ बेलाहाङः सबै जीक्ओलम्‌कायःमा लान्इ ङायःओलम्‌कायःमा येसुकःताङ् वानःआथास।

लुका 4:40

ओहाङःसैको जेःती भ्‍याआक्‌तीको न्‍याम् ब्‍लक्‌खेःओ बेलाहाङः सबै खाल्‌कोः जीक्ओ मान्‍तालम् येसुकःताङ् वानःआकानी। ओउः जीक्ओलम्‌कायः येसुइ क्रुत् झाम्‍ह्‌तीलेः स्‍याक्‌ताक्आथास।

२ कोरीन्‍थी 12:10

माः रैस ख्रीस्‌कोः काम् जाङ्‌ह्‌तोक्‌हाङः ङा जीक्ओया अरुइ ङाकायः हेला क्‍लाःओया लीह्‌सीःओ बयःओया ओउः बेलाहाङःलेः ङा चोङाय्‌ती मुनाङः दोह् हायःती दाय्‍ह्‌सा काम् जाङ्‌ह्‌सा लोमालोहाङः प्रभुकोः ग्‍वम् दोःनाङः।

१ पत्रुस् 2:24

येसु ख्रीस्इ ङीकोः रेव्‌तो हायःओ पेङ्‌कलःती वाय्‌साकायः क्‍ल्‍याय्ओ सीङःहाङः लयःकोः आङ् बयःती ङीकायः ल्‍हाङःती सीआ। ओहाङःसैको ङीपाय् रेव्‌तो हायःओ फेती द्याह् पेतो हायःती वाह्‌सा खाय्‌नाःतय्‍ह्‌नी ओउःकोः आङ् बयःओलेः ङीकायः स्‍याक्‌ताक्आतय्‍ही।