मत्ती 8:16 - चेपाङ

¹⁶ ओहाङःसैको जेःती भ्‍याआक्‌तीको न्‍याम् ब्‍लक्ओ बेलाहाङः येसुकःताङ् नाःतो लान्इ ङायःओलम्‌कायः वानःआकानी। ओउःकःताङ् वानःआक्‌तीको येसुइ लान्‌कायः तोती ल्‍हेस्‌नी वाय्‌माआकान् सबै जीक्ओलम्‌कायः स्‍याक्‌ताक्‌माआकान्।

मत्ती 8:16 ပူးပေါင်းရင်းမြစ်များ

मत्ती 12:22

ओहाङःसैको यात्‌चाक् लान्इ ङायःओ च्‍यवःसामा नोःसामा खाय्‌मालो मान्‍ता येसुकःताङ् वानःआकानी। वानःआक्‌तीको येसुइ ओउःकायः स्‍याक्‌ताक्आथै ओहाङःसै स्‍याक्‌ताक्आक्‌तीको ओउः मान्‍ता नोःसामा च्‍यवःसामा खाय्ओ खेःतो।

मत्ती 14:14

ओहाङःसैको ओउः थाव्‌सै वाङ्‌ती नोःतो मान्‍तालम् हुम्‌ती वाङ्ओ येसुइ च्‍यवःती ओउःमयःकायः योनःती योती झ्‍यान्‍ते जीक्ओलम्‌कायः स्‍याक्‌ताक्आकान्।

मत्ती 8:15

च्‍यवःआक्‌तीको ओउःकायः क्रुत्इ दीन्‍ह्‌ती येसुइ ओउः मोमःचोःकायः स्‍याक्‌ताक्आकान्। स्‍याक्‌ताक्आक्‌तीको ओउःकोः अय्ओ समःओ त झ्‍यान्‍ते पत्रुस्‌कोः आय्इ चीङ्‌ती ओउःकायः दोल्‌कावःती बयःआथै।

मत्ती 8:33

ओहाङःसैको प्‍याक्‌लम् सबै तीःहाङः ज्‍युप्‌ती सीओ च्‍यवःती ओउः प्‍याक्‌कायः ह्रामःओ मान्‍तालम् सहर्‌ताङ् क्रव्‌ती दाह्आक्‌तीको ओउःमयःइ मेस्‌लो च्‍यवःओ कुरा सबैकायः ल्‍हाक्‌ती तोआकानी। “ओउः नीस्‌चाक्‌कःसै लान्‌लम् ल्‍हेस्आकान्” त दाय्‍ह्‌ती छ्यानःनीतो

मत्ती 9:2

ओहाङः वाङ्आक्‌तीको यात्‌चाक् जुगाङ् वाह्‌सा खाय्‌मालो मान्‍ताकायः न्‍हाप्‌लावःहाङः लात्‌ती वानःआकानी। ओउःकायः वानःतोक्‌हाङः येसुइ इत हायःओ च्‍यवःती “लौ इमयःइ ङाकायः आन ङ्‌हाम्‌नाःताङः रैस बा” त चीःती ओउः जीक्ओकायः ल्‍हेःती “लौ हौय ल्‍हुङ् धोमाय्‌तोलेः मुअ दा। नाङ्इ जाङ्‌ह्ओ रेव्ओ काम् द्याह् क्‍युम्‍ह्‌तो वाय्ओ लेःआः बा” त दाय्‍ह्‌ती येसुइ तोआथै।

मर्‌कस् 2:3

ओहाङःसैको ओउःइ स्‍यान्‌ती तोतोक्‌हाङःपाय् यात्‌चाक् जुगाङ् वाह्‌सा खाय्‌मालो मान्‍ताकायः न्‍हाप्‌लावःहाङः चार्‌जनइ लात्‌ती वानःआकानी।

मर्‌कस् 9:25

ओहाङःसैको अरु नाःतो मान्‍तालम् द्याङ्‌तो तन्‌ती प्‍लीङ्‌ह्‌ती प्‍लीङ्‌ह्‌ती वाङ्ओ च्‍यवःती “अ नाङ् नोःसा सायःसा ताक्‌मालो लान्‌तेः इकायः फेती जुगाङ्‌मातेः ङायःतेःचौ ओउःत ङाइ गानाक्‌ती तोनेःनाङ्” त दाय्‍ह्‌ती ओउः लान्‌कायः जान्‌ती तोआकान्।

लुका 13:12

ओहाङःसैको ओउः मोमःचोःकायः च्‍यवःआक्‌तीको येसु ओउःकायः गोःती “लौ दीदी नाङ्‌कोः आङ्‌हाङः जीक्ओ द्याह् स्‍याक्आ” त दाय्‍ह्‌ती येसुइ तोआथै।

लुका 4:40

ओहाङःसैको जेःती भ्‍याआक्‌तीको न्‍याम् ब्‍लक्‌खेःओ बेलाहाङः सबै खाल्‌कोः जीक्ओ मान्‍तालम् येसुकःताङ् वानःआकानी। ओउः जीक्ओलम्‌कायः येसुइ क्रुत् झाम्‍ह्‌तीलेः स्‍याक्‌ताक्आथास।

लुका 4:41

ओउः बेलाहाङःमा नाःतो मान्‍तालम्‌कायः लान्इ ल्‍हेस्‌ती फेआथास। फेतोक्‌हाङः लान्‌लम्इ “नाङ्‌जा परमेस्‍वर्‌कोः चोः लेःतेःआः बा” त सोतोलेः दाय्‍ह्‌ती फेनीतो ओउःकायःपाय् “ख्रीस् लेःआः” त तय्‍ह्‌ती झ्‍यान्‍ते येसुइ लान्‌लम्‌कायः इ कुरा छ्यानःती नोःसा ताक्उसुलु।

खबरदुत 5:15

ओहाङःसै “येसुकोः छ्युङ्‌ह्ओमयः ग्‍याङ्‌ह्‌राय् जाङ्‌ह्‌नानी” त चीःती जीक्ओ जीक्ओलम् लात्‌ती वानःती पत्रुस् वाह्ओ ल्‍याम्‌हाङः लावः न्‍हाप्‌ती खात्‌गन इस्‌ती “लौ इ जीक्ओलम्‌कःहाङः पत्रुस्‌कोः क्‍वालाङः खेःपाःथास ओहाङःसै इमयः स्‍याक्‌पै” त म्‍हर्‌ती ओउः जीक्ओलम् ल्‍याम्‌हाङः ल्‍हाती गम्आथास।