मत्ती 8:1 - चेपाङ

¹ ओहाङःसैको येसु स्‍यालुङ्‌सै ग्‍ल्‍युङ्‌ह्आ। ग्‍ल्‍युङ्‌ह्‌तोक् बेलाहाङः नाःतो मान्‍तालम् ओउःकुस् वाह्आकाय्।

मत्ती 8:1 ပူးပေါင်းရင်းမြစ်များ

मत्ती 12:15

“लौ ओउःकायः सात्‌नी” त दाय्‍ह्ओ येसुइ चीःती ओउः देस्‌सै ज्‍याल्आ ओउःकुस् नाःतो मान्‍तालम् वाङ्आकाय्।

मत्ती 15:30

गालील दुम्‌हान्‌ताङ् वाङ्आक्‌तीको नाःतो जीक्ओ मान्‍तालम्‌कायः येसुकःताङ् वानःआकानी। वाह्‌सा खाय्‌मालो मान्‍तालम्‌मा च्‍यवःसा खाय्‌मालोमा नोःसा खाय्‌मालो मान्‍तालम्‌मा सबैकायः वानःती येसुकोः दोम्‌हाङः न्‍यास्आकानी ओउः न्‍यास्‌ती गम्ओ जीक्ओलम्‌कायः येसुइ स्‍याक्‌ताक्आथास।

मत्ती 19:2

ओहाङः दाह्आक्‌तीको फेरीलेः मान्‍तालम् येसुकःताङ् काःहाल्‌लाङ् हुम्‌ती वाङ्आकाय्। वाङ्आक्‌तीको जीक्ओलम्‌कायः येसुइ सबै स्‍याक्‌ताक्आकान्।

मत्ती 20:29

ओउःतलेः येसुइ तोआथास ओहाङःसैको येसुमा ओउःकुस् वाह्ओमयःमा आल्‌दा आल्‌दापाय् यरीखो त तोओ सहर्‌सै आल्‌ती वाह्ओ बेलाहाङः अरु नाःतो मान्‍तालम् ओउःमयःकुस् हुम्‌ती वाङ्आकाय्।

मत्ती 4:25

येसुकःताङ् वानःआक्‌तीको ओउःइ स्‍याक्‌ताक्आथास। ओहाङःसैको नाःतो मान्‍तालम् यरुसालेम् यहुदीयासैमा गालीलमा दस् सहर्‌सैमा योर्‌दन्‌कोः उःसैमा ओउः सबै देस्‌लम्‌सै वाङ्‌ती येसुकुस् वाह्आकाय्।

मत्ती 8:18

ओहाङःसैको येसुकःताङ् नाःतो मान्‍तालम् हुम्‌लाङ् वाङ्आकाय्। नाःतो हुम्‌लाङ् वाङ्‌ती झ्‍यान्‍ते “लौ दुम्‌हान्‌कोः तीः उःसै त्‍यात्‌लाङ् आल्इ” त दाय्‍ह्‌ती येसुइ लयःकुस् वाह्ओमयःकायः तोआकान्।

मत्ती 8:2

ओहाङःसैको ग्‍ल्‍युङ्‌ह्आक्‌तीको यात्‌चाक् कोह्र् चाओ मान्‍ता येसुकायः बाःती स्‍यवलाङ् वाङ्आ। “लौ प्रभुय नाङ् ग्‍यातेःनाः त खेःया ङाकायः स्‍याक्‌ताक्‌सातेः खाय्‌तेःनाःची” त दाय्‍ह्‌ती येसुकायः काःहाल्‌ती तोआथै

मर्‌कस् 3:7

ओहाङःसैको फरीसीलम्‌खे हेरोद् राजाकोः मान्‍तालम्‌कुस् नोःकाय्आकाय् येसुखे ओउःकुस् वाह्ओमयःमा थनःओ कीम्‌सै ग्‍ल्‍युङ्‌ह्‌ती गालील त तोओ ताङ्‌ह्ओ दुम्‌हान्‌ताङ् आल्आकाय्।

लुका 5:15

एतलेः स्‍याक्‌ताक्ओ कुरा “सुकायःमातेः छ्यानःतेःचनौ” त दाय्‍ह्‌ती येसुइ गानाक्‌तीलेः तोथातो येसुइ स्‍याक्‌ताक्ओ कुरापाय् न्‍हाङ्‌तोलेः फानःती छ्यानःती नोःओ खेःतो। ओउः कुरा सायःआक्‌तीको नाःती नाःतो मान्‍तालम् येसुइ स्‍यान्ओ कुरा सायःलाङ्‌मा हुम्‌ती वाङ्आकाय् जीक्ओ मान्‍ताकायः काःहाल्‌लाङ्‌मा नाःतो वाङ्आकाय्।