मत्ती 7:7 - चेपाङ

⁷ नीङ् परमेस्‍वर्‌कः तेती तोन ओहाङःसै ओउःइ बयःतेःनै बा। ओउःकोः कुरा बोङःनु ओहाङःसै नीङ् दोःतेःनै। ओउःकःताङ् धाङ्‌ती वाङ्‌न ओहाङःसै ओउःइ नीङ्‌कायः रोम्‌तेःनै।

मत्ती 7:7 ပူးပေါင်းရင်းမြစ်များ

मत्ती 18:19

फेरी इमा दोङ् कुरालेः नीङ् ल्‍हाव्‍ह्‌दैबाङ्‌हाङः मुओलम्‌कोःपाय् नीस्‌चाक् यात्‌ज्‍योः तेसा कुरा म्र्याःतीलेः तोतेःनै त खेःया ओउःपाय् ङाकोः लाङ्‌काहाङः मुओ परमेस्‍वर्‌ आपाइ जाङ्‌ह्‌तेःनै बा।

मत्ती 21:22

दोह् दोह् नीङ्इ परमेस्‍वर्‌कायः पेतो ङ्‌हाम्‌ती ओउःकः तेती तोतेःनानी ओउःलेः दोःतेःनै बा” त दाय्‍ह्‌ती येसुइ स्‍यान्‌ती तोआथास।

मत्ती 6:33

ङ्‌हापाय् परमेस्‍वर्‌कोः काम् जाङ्‌ह्‌ती ओउःकोः राजी पोक्‌सा बोङःनु दा ओहाङःसै इ अरु थोक्‌लम्‌मा नीङ् सबै दोःतेःनै।

मत्ती 7:11

खेःल नीङ्इ लयःकोः चोःकायः पेतोलेः बयःतेःनानी बा। ओउःत झ्‍यान्‍ते नीङ् पेओ खेःमालोलम्‌खेइपाय् लयःकोः चोःलम्‌कायः पेतो बयःसा चीःतेःनानी त खेःया दोङ्‌सीलेः नीङ्‌कोः परमेस्‍वर्‌ आपाखेइ ओउःकः तेओलम्‌कायः न्‍हाङ्‌तीलेः पेतो बयःनौ।

मत्ती 7:8

सुसुइ तेचनै ओउःकायःलेः दोःनै सुसुइ बोङःचानी ओउःइलेः च्‍यवःनानी सुसु धाङ्‌चनै ओउःपाय् रोम्ओलेः स्‍याव्‌नै।

मर्‌कस् 11:24

ओउःत झ्‍यान्‍ते दोह् दोह्‌तेः नीङ्इ परमेस्‍वर्‌कायः पेतो ङ्‌हाम्‌ती तेती तोतेःनानी ओउःलेः दोःतेःनै।

लुका 13:25

यात् दीन्‌हाङः प्रभुइ ओउः धोकापाय् राक्‌ती गम्‌नौ। ओउः दीन्‌हाङः नीङ् धोका बाहीरताङ् वाङ्‌ती ‘अ प्रभु फोल्‌ताङी दा। ङी पोक्‌सा दोःपाङी’ त नीङ् दाय्‍ह्‌ती तेतेःनै त खेःया ‘खेःल नीङ्‌पाय् गाःहाङःकोः ङाइ तय्‍ह्‌नाङ्‌सल’ त दाय्‍ह्‌ती ओउः त्‍याङ्‌लेःनाः।

लुका 18:1

ओहाङःसैको येसुइ लयःकुस् वाह्ओमयःकायः “लौ नीङ्‌पाय् ल्‍हुङ् घ्‍युम्‌तो स्‍याव्‌माःत परमेस्‍वर्‌कायः गलकायःमा तेती तोसा परनाः” त दाय्‍ह्‌ती यात्‌ज्‍योः स्‍यान्‌सा वीनःराय् तातीलेः तोआथास।

युहना 15:16

नीङ्‌खेइ ङाकायः छ्युङ्‌ह्‌तेःनाङ्‌सल ङाखेइ नीङ्‌कायः छ्युङ्‌ह्‌नेःआलाङ्‌स। नीङ् अरुकःताङ् आल्‌ती ङाकोः काम् गलमा स्‍युताक्‌साकायः छ्युङ्‌ह्‌ती ल्‍होक्‌नेःआलाङ्‌स। ओहाङःसै दोह् दोह्‌तेः ङाकोः मय्‍ङ् पेह्‌ती ङाकोः आपाकः तेती तोतेःचनै ओउःलेः बयःतेःनै।

युहना 15:7

लौ नीङ् ङाकःहाङः मुती ङाकोः कुरा ल्‍हुङ्‌हाङः सेती गम्‌तेःनानी त खेःया दोह् दोह्‌तेः नीङ् लयः झाक्‌ती तेतेःचै ओउःलेः दोःतेःनै।

युहना 4:10

ओहाङःसैको “लौ दीदी परमेस्‍वर्‌इ दोह् बयःसा झाक्‌नाः त नाङ्इ चीःमातेःउलु। ङा तीः तेलाङ् वाङ्ओ सुलो त चीःमातेःउलु नाङ्इ चीःआ त खेःया ङाकः तेतेःचाः खेःतो। ओहाङःसै ङाइ रौ जीङः दोःताक्‌सा तीः बयःजेःचेःनाङ् खेःतो” त दाय्‍ह्‌ती येसुइ तोआकान्।

रोमी 2:7

सुसुखेइ गलकायःमा पेओ काम्‌लेः जाङ्‌ह्‌धै लयःकायः पेतोमा ताङ्‌ह्‌तो स्‍याव्‌साकायःमा गलमा द्योक्‌मालो जीङःकायःमा बोङःनानी ओउःमयःकायःलेः परमेस्‍वर्‌इ गलमा द्योक्‌मालो जीङः बयःआनाःथास।

रोमी 3:11

सुइमा ओउःकायः पेतो तय्‍ह्‌मानीली सुइमा ओउःकायः पेतो बोङःमानीली।

हेब्रैनी 11:6

ओहाङःसै मान्‍ताइ आःताः ङ्‌हाम्‌माःत सुइमा परमेस्‍वर्‌कायः म्रोताक्‌सा खाय्‌नीली दोह् हायःती दाय्‍ह्‌सा सुसु परमेस्‍वर्‌कःताङ् द्याङ्‌ती वाङ्‌नै ओउःपाय् ङ्‌हासैलेः “लौ परमेस्‍वर्‌ मुलेःनाः बा” सुसुइ ओउःकायः बोङःलेःनानी ओउःकायः “परमेस्‍वर्‌इ पेतोलेः बयःनाःथास” त दाय्‍ह्‌ती ङ्‌हाम्आक्‌सा खेःतो।

याकुब् 5:15

ओउः मान्‍तालम्इ पेओ ङ्‌हाम्ओ ल्‍हुङ्इ तेती तोनानी त खेःयाकायः ओउः जीक्ओपाय् सेलः स्‍याव्‌नाः। प्रभुइ ओउःकायः उह्‌ती च्‍योक्‌ताक्‌नाःथै। फेरी ओउः मान्‍ताइ रेव्‌तोलेः जाङ्‌ह्आकान् त खेःया ओउः रेव्ओपाय् क्‍युम्‍ह्‌ती वाय्‌तो स्‍याव्‌नाः।

१ युहना 3:22

ओहाङःसै ओउःइ झाक्‌ती तोओ कुरापाय् ओउःकायः म्रोताक्‌तीलेः जाङ्‌ह्‌नाःतय्‍ह्‌नी त खेःया दोह्‌लो ङी ओउःकः तेनाःतय्‍ही ओउःलेः दोःनाःतय्‍ही।