मत्ती 7:2 - चेपाङ

² गत हायःतीलो नीङ्इ अरुखेकायः तय्‌छनःती योती न्‍युम्‍ह्‌ताक्‌तेःनानी ओउःतलेः परमेस्‍वर्‌इ नीङ्‌खेकायः तय्‌छनःती योती न्‍युम्‍ह्‌ताक्‌तेःनै।

मत्ती 7:2 ပူးပေါင်းရင်းမြစ်များ

मत्ती 6:14

अरुइ नीङ्‌कायः पेमालो जाङ्‌ह्‌तोक्‌हाङः नीङ् ओउःकः ल्‍हुङ् मल्‍ह्‌तेःल त खेःया नीङ्‌कः परमेस्‍वर्‌ ल्‍हुङ् मल्‍ह्‌माःतोलेः मुनाः।

मर्‌कस् 4:24

“इ कुरामा पेतो ङ्‌हाम्‌ती सायःनु। गुच्‍युक् नीङ्इ ल्‍हुङ्‌हाङः त्‍याक्‌ती सेसा ग्‍यातेःनै ओउःच्‍युक्‌लेः स्‍यान्‌ती बयःतेःनै माःरैस पाःतोलेः बयःतेःनै।

लुका 6:38

अरुलम्‌कायः साय्‍क्‌तोलेः बयःनु दा ओहाङःसैको परमेस्‍वर्‌इ नीङ्‌कायः न्‍हाङ्‌तोलेः बयःतेःनै। दाप्‌जम्‌च्‍युक् दाप्‌मालो बयःलेःनौ बा। गुच्‍युक् पेतोतेः अरुखेकायः जाङ्‌ह्‌तेःनानी ओउःच्‍युक्‌लेः द्यानःती नीङ्‌खेकायः पाय्‍क्‌तेःनै बा” त दाय्‍ह्‌ती स्‍यान्‌ती येसुइ लयःकुस् वाह्ओमयःकायः तोआथास।

२ कोरीन्‍थी 9:6

यात्‌ज्‍योः कुरा मुनाः “सुसुखेइ ब्र्यय्‌तोलेः वार्‌नौ ओउःइपाय् ब्र्यय्‌तोजम्‌लेः सायःलम् त्‍युम्‍ह्‌नौ सुसुखे दुन्‍ह्‌तोलेः वार्‌नौ ओउःइपाय् दुन्‍ह्‌तोच्‍युक्‌लेः सायःलम् त्‍युम्‍ह्‌नौ” त तोओलेः मुनाः।

याकुब् 2:13

अरुकायः योनःती योसा ग्‍यामालो मान्‍ताखेकायः परमेस्‍वर्‌इमा ओउः मान्‍ताकायः योनःमाःत न्‍युम्‍ह्‌ताक्‌नाःथै। अरुकायः योनःती योओ मान्‍ताखेपाय् परमेस्‍वर्‌कोः न्‍युम्‍ह्‌ताक्ओकः रैसा परल।

प्रकाश 18:6

गतलो ओउःइ नीङ्‌कायः हायःतेःआकाय् ओउःतलेः ओउःकायः द्यानःतीलेः हायःनु दा। माः रैस नीसै भाक् पाःतीलेः द्यानःनु। ओउःइ नीङ्‌कायः बयःओकोः नीसै भाक् पाय्‍क्‌नु दा।