मत्ती 6:4 - चेपाङ

⁴ अरुखे चीःनीली नीङ्‌कोः परमेस्‍वर्‌ आपाखेइ सबै चीःनौ ओउःइ नीङ्‌कायः द्यानःतीलेः बयःतेःनै।

मत्ती 6:4 ပူးပေါင်းရင်းမြစ်များ

मत्ती 10:42

दोङ्‌सी दाय्‍ह्‌भनाङ् सुसुखेइ ‘इपाय् येसुकुस् वाह्‌नाः’ त दाय्‍ह्‌ती यात्‌चाक् ङाकुस् वाह्ओमयःकायः तुङ्‌सा तीः बयःनाःथै ओउःलेः परमेस्‍वर्‌कःसै जाङ्‌ह्‌झ्‍याङ्‌कोः दोःलेःनै” त दाय्‍ह्‌ती येसुइ तोआथास।

मत्ती 6:18

ओउःत हायःआक्‌तीको नाङ्‌कायः उपाङ् काःती मुओ त अरुइ चीःनीली नाङ्‌कोः परमेस्‍वर्‌ आपाइ ह चीःती झ्‍यान्‍ते नाङ्‌कायः बयःतेःनाः।

मत्ती 6:3

नीङ्‌खेइ बयःतोक्‌हाङः सुकायःमा छ्यानःलाम्। ओहाङःसैको अरु मान्‍तालम्‌खेइ नीङ्इ बयःओ चीःनीली।

मत्ती 6:6

नीङ्‌खेइ परमेस्‍वर्‌कायः तोओ बेलाहाङः लयःकोः कीम्‌हाङः पोक्‌ती धोका राक्आक्‌तीको अरुइ चीःताक्‌माःत ओउःकायः तोनु दा। ओहाङःसैको नीङ्‌कोः परमेस्‍वर्‌ आपाइ चीःती झ्‍यान्‍ते नाङ्‌कायः बयःतेःनै।

लुका 14:14

ओउःमयःखेइ नाङ्‌कायः भोस् द्यानःसा खाय्‌सापाय् खाय्‌नीली लोनेः नाङ् आन चोङाय्‌तोलेः स्‍याव्‌तेःनै दोह् हायःती दाय्‍ह्‌सा रौ जीङः दोःओलम् उह्‌ती च्‍योक्ओ बेलाहाङः नाङ्‌कोः पेओ जाङ्‌ह्‌झ्‍याङ्‌कायः नाङ् पेतोलेः दोःतेःनाः बा” त दाय्‍ह्‌ती येसु ओउः भोस् जाङ्‌ह्ओ फरीसीकायः तोआथै।

लुका 8:17

दोह् दोह्‌लो तेन्‌छ्याङ् छ्यान्‍ह्आक्‌मालो मुनाः ओउःलेः लोनेः छ्यानःतो स्‍याव्‌नाः। दोह् दोह् कुरालो मान्‍तालम्‌कायः तेन्‌छ्याङ् नुस्‌तीलेः मुनाः ओउःमा लोनेः सबैकायः छ्यानःतोलेः स्‍याव्‌नाः।

१ कोरीन्‍थी 4:5

ओउःत झ्‍यान्‍ते प्रभु येसु वाङ्‌धाङ्‌माखाहाङःकायः सुकायःमा तय्‌छनःती योलाम्। लोन्‍ते प्रभु वाङ्‌तोक्‌हाङः ओउःइ सबै मान्‍ताकोः ल्‍हुङ्‌हाङः नुस्ओ च्‍याक्ओ कुरालम् फानःती छ्यानःताक्‌नौ। ओहाङःसैको परमेस्‍वर्‌इ मान्‍ता मान्‍ताकायः लःलयः जोक्‌कायः ओउःमयःकोः काम् जाङ्‌ह्ओकोः कुरा लुङ्‌तीलेः तोनौ।

हेब्रैनी 4:13

सबै कुरा ल्‍हुङ्‌तुक्‌कोः कुरामा दोह् खेःयामा परमेस्‍वर्‌सै नुस्‌ती गम्‌सा खाय्‌ल बा। जापीनःती न्‍यास्ओ थोक्‌लम्‌पाय् सबै ओउःकोः मीक्‌हाङः ल्‍हाःतीलेः मुनाः। ओउःकायःपाय् ङीइ जाङ्‌ह्ओ काम्‌लम् सबै घोती ल्‍हाक्‌सा खेःनाःतय्‍ही।

यहुदा 1:24

लौ नीङ्‌कायः त्‍योक्‌साकायः त्‍याःसा खाय्ओमा नीङ्‌कायः नीङ्‌तो चोङाय्‌तो स्‍याव्‌ताक्‌ती लयःकोः पेओ थाव्‌कोः दाक्‌ती गम्‌सा खाय्ओपाय् परमेस्‍वर्‌ लेःआः।

प्रकाश 2:23

ओउःकोः कुरा ग्‍याती सायःओलम्‌कायःमा सात्‌लेःनाङःसु। ओहाङःसै ङाइ सबै मान्‍ताकोः ल्‍हुङ्‌तुक् योती चीःलेःनाङः त सबै ङ्‌हाम्ओलम्‌कायः छ्यानःलेःनाङःसु। सबैकायः लःलयः जोक्‌कायः ओउःमयःकोः काम् जाङ्‌ह्‌झ्‍याङ्‌कायः बयःलेःनाङः बा। पेओकायः पेओ रेव्ओकायः रेव्ओ बयःलेःनाङःसु।