मत्ती 6:3 - चेपाङ3 नीङ्खेइ बयःतोक्हाङः सुकायःमा छ्यानःलाम्। ओहाङःसैको अरु मान्तालम्खेइ नीङ्इ बयःओ चीःनीली। အခန်းကိုကြည့်ပါ။ |
मत्ती 6:3
7 ပူးပေါင်းရင်းမြစ်များ
ओउःत झ्यान्ते अरु दोह्मा नाःमालो मान्तालम्कायः बयःतोक्हाङः ‘लौ इमयःकायः ङाइजा पेतोलेः बयःआलाङः’ त सबैकायः ल्हाक्ती तोलाम्। ओउःतलेः लयःकोः नेह्रो ओर्ताक्सा बोङःओलम्इ हायःनानी। ओउःमयःइ थनःओ कीम्हाङःमा ल्याम्हाङःमा ‘अरुइ ताङ्ह्ताक्पाःताङः’ त दाय्ह्ती म्हर्ती पैसा बयःनानी। दोङ्सी दाय्ह्भनाङ् ओउःमयःखे लयः झाक्ओ द्याह्लेः दोःओआः बा अरु दोःइली।
ओउःखेपाय् सेलः स्याव्आक्तीको “लौ ‘येसुइ स्याक्आलाङः’ त दाय्ह्ओ सुकायःमा छ्यानःतेःचौ। सुकायःमा छ्यानःमाःत पुरोहीत्कःताङ् रेन्ह्तो आल्ती ओउःकायः ह ‘लौ द्याह् ङापाय् सेलः स्याव्आलाङः’ त दाय्ह्ती लयःकोः आङ् छ्यानःआक्उ। ओहाङःसै आङ् छ्यानःआक्तीको मोसाइ गानाक्ती तोओ जवसाकायः मन्दीर्हाङः परमेस्वर्कायः वाः मेत्छ्याः सात्ती ओउःकायः ल्हाउ दा। एत हायःआक्तीको सबैइ नाङ्कायः ‘सेलः मुलेःनाः’ त चीःनानी” त येसुइ दाय्ह्ती तोआथै।
अरुकायः छ्यानःलाम् मन्दीर्कोः पुरोहीत्कःताङ् न्यास्माःत आल्ती ओउःकायःलेः ह ‘लौ ङाकोः आङ् सेलः मुनाः’ त दाय्ह्ती लयःकोः आङ् छ्यानःउ दा। ओहाङःसैको आङ् छ्यानःआक्तीको मोसाइ गानाक्ती तोओ जवसाकायः मन्दीर्हाङः परमेस्वर्कायः वाः मेत्छ्याःकायः सात्ती ओउःकायः ल्हाउ दा। ओउःत हायःआक्तीको सबैइ नाङ्कायः सेलः मुनाः त चीःतेःनाः” त दाय्ह्ती येसुइ ओउः सेलः स्याव्ओ मान्ताकायः गानाक्ती तोआथै।
ကြော်ငြာတွေ