मत्ती 6:23 - चेपाङ

²³ नाङ्‌कोः मीक्‌पाय् धेस्‌तेःल त खेःया नाङ्‌कोः ल्‍हुङ् च्‍याक्‌तोलेः स्‍याव्‌नाः। ओहाङःसैको मीक्इ थोङ्‌ताक्‌ल त खेःया नाङ्‌कोः ल्‍हुङ्‌पाय् गुच्‍युक् च्‍याक्‌तोलेः स्‍याव्आनाः।

मत्ती 6:23 ပူးပေါင်းရင်းမြစ်များ

मत्ती 20:15

ङाकोः पैसा ङाइ लयः झाक्‌ती बयःसा खाय्‌नाङः माःर। ङाइ लोने वाङ्ओलम्‌कायः पेतो बयःनाङःसु त खेःया दोह् हायःतीलेः ल्‍हुङ् मल्‍ह्‌तो स्‍याव्‌तेःनाः’ त दाय्‍ह्‌ती यात्‌चाक्‌कः त्‍याङ्आ।

मत्ती 6:22

ल्‍हुङ्‌कायः थोङ्‌ताक्ओपाय् मीक् लेःआः बा। नाङ्‌कोः मीक्‌पाय् धेस्‌तेःनाः त खेःया नाङ्‌कोः ल्‍हुङ् थोङ्‌तोलेः स्‍याव्‌नाः।

लुका 11:34

फेरी नीङ्‌कोः ल्‍हुङ्‌कायः थोङ्‌ताक्ओपाय् मीक् लेःआः बा। नीङ्‌कोः मीक् धेस्‌लेःनाः त खेःया नीङ्‌कोः ल्‍हुङ् थोङ्‌तोलेः स्‍याव्‌नाः। नीङ्‌कोः मीक् धेस्‌ल त खेःया नीङ्‌कोः ल्‍हुङ् पेमालो च्‍याक्‌तोलेः स्‍याव्‌नाः।

लुका 8:10

“नीङ् परमेस्‍वर्‌कोः कुरा ग्‍याओलम्‌खेकायः ओउःकोः राजीकोः चीःआक्‌मालो कुरा पेतो चीःसा दोःतेःनै। अरु मान्‍तालम्‌खे वीनःराय् झुङ्आले सायःसा खाय्‌नानी माने चीःसा दोःइली। इतलेः ओउःमयःइ परमेस्‍वर्‌कोः राजीकोः कुरापाय् योतीमा च्‍यवःसा खाय्‌नीली सायःतीमा चीःसा खाय्‌नीली।

रोमी 1:22

“ङीपाय् व्‍हाय्ओ लेःआः ङी” त दाय्‍ह्‌ती लुङ्‌ती तोइसीतो खेःल ओउःमयःपाय् जुगाङ् व्‍हाय्‌मालो लेःआः बा।

१ कोरीन्‍थी 2:14

फेरी इ परमेस्‍वर्‌इ बयःओ कुरापाय् परमेस्‍वर्‌कोः ग्‍वालामः दोःओलम्‌खेकायः ह चीःसा खाय्‌लेःनानी। ओउःकोः ग्‍वालामः दोःमालोलम्‌खेइ इ कुरा सायःसा ग्‍याइली “इपाय् भ्‍यामःती नोःओ” त म्‍हर्‌ती सायःनीली ओउः कुरा चीःसा खाय्‌नीली।

एफेसस् 4:18

च्‍याक्ओ ल्‍हुङ्‌मा स्‍याव्‌ती वाह्‌तेःचनै। ओउःमयः परमेस्‍वर्‌कःसै भेती मुनै। ओउःइ बयःसा जीङःपाय् दोःइली ओउःमयः ल्‍हुङ् चीःमाःत झ्‍यान्‍ते परमेस्‍वर्‌कःताङ् वाङ्‌सा ग्‍याइली।

एफेसस् 5:8

नीङ्‌पाय् ङ्‌हाखे च्‍याक्ओ ल्‍हुङ्‌लेः नाःती वाह्ओ खेःतेःइतो द्याह्‌खे प्रभुइ बयःओ थोङ्ओ ल्‍हुङ्‌लेः दोःती वाह्‌तेःनै।

१ युहना 2:11

ओउः हौकः ब्‍लाय्‍क्ओ मान्‍ताखे च्‍याक्ओहाङः वाह्‌धै मुनाः ओउःइ च्‍यवःसा खाय्‌मालो मुनाः त झ्‍यान्‍ते “गाःहाङः आल्‌नाङः” त चीःउलु।