मत्ती 6:2 - चेपाङ2 ओउःत झ्यान्ते अरु दोह्मा नाःमालो मान्तालम्कायः बयःतोक्हाङः ‘लौ इमयःकायः ङाइजा पेतोलेः बयःआलाङः’ त सबैकायः ल्हाक्ती तोलाम्। ओउःतलेः लयःकोः नेह्रो ओर्ताक्सा बोङःओलम्इ हायःनानी। ओउःमयःइ थनःओ कीम्हाङःमा ल्याम्हाङःमा ‘अरुइ ताङ्ह्ताक्पाःताङः’ त दाय्ह्ती म्हर्ती पैसा बयःनानी। दोङ्सी दाय्ह्भनाङ् ओउःमयःखे लयः झाक्ओ द्याह्लेः दोःओआः बा अरु दोःइली। အခန်းကိုကြည့်ပါ။ |
मत्ती 6:2
56 ပူးပေါင်းရင်းမြစ်များ
फेरी न्याम् दाह्ओ बेलाहाङःमा नीङ् योती ‘लौ गाल्ओ मुस् वाङ्नाः तेन्पाय् तीः आन वानाः’ त दाय्ह्ती नोःकाय्तेःनै। नीङ्इ न्याम् मुस्खेकोः कुराखे तय्ह्तेःनानी बा दोह् हायःतीतेः परमेस्वर्कोः राजी वाङ्सा खेःओ छ्यानःराय्कोः कुराखे नीङ्इ तय्ह्तेःनीली। ओउः छ्यानःराय् च्यवःसापाय् च्यवःतेःनानी परमेस्वर्कोः राजीकः ग्यामाःत झ्यान्ते ओउः कुरातेः तय्ह्तेःनीली।
नीङ्कोः ल्हाव्ह्दैबाङ्कोः थोक्लम् माल्ताल्लम् वीनःती ओउःकोः मोल्कोः पैसालम् नाःतो नाःमालो मान्तालम्कायः बयःनु दा। ओउःत हायःतीलेः नीङ्कायः लाङ्काहाङः परमेस्वर्इ लोनेः न्हाङ्तोलेः नाःतो बयःतेःनै बा। ओहाङःसै ओउःहाङःकोः थोक्लम्पाय् गलमा ह्र्योल गलमा मीह्ल। ओहाङःपाय् सुमा कुःलाङ् वाङ्इली घुन्इमा दोह्इमा माक्ती वाय्उलु।
“लौ धर्मा स्यान्ओमयःकायः घीःती मुन दा दोह् हायःती दाय्ह्सा ओउःमयः लयःकोः नेह्रो ओर्ताक्ती गुरुलो लेखालेः झुह्र्ओ नाय्लम् लावती बजार्हाङः मान्तालम्कोः नमस्कार् त्याक्लाङ् वाह्सा आन झाक्नै। ओउःमयः थनःओ कीम्हाङःमा भोस् जाङ्ह्ओहाङःमा फोल्यावःती बयःसा थाव्लम्हाङः च्युङःती मुसामा छ्युप्नै।
नाङ् मीक्पाय् सीङःइ जुगाङ् क्रावःतेःनाः त खेःया पेतो च्यवःसा खाय्तेःउलु ओउःत झ्यान्ते नाङ्इ अरुकोः मीक्सै पोक्ओ धान्ह् त्युत्ती वाय्सा गत हायःती खाय्तेःचौ र। लयःकोः मीक्हाङः पोक्ओ सीङः वाय्आक्सा खेःतो। ओउःत हायःआक्तीको ह नाङ्इ धेस्तो च्यवःती अरुकोः मीक्सै पोक्ओ धान्ह् वाय्सा खाय्तेःनौ। इलो लेखा अरु मान्ताकायः पेमालो गाल्तुम्ओ कुरा नोःमाःत लयःकोः काम् पेतो जाङ्ह्आक्उ।
अरुकायः लुङ्ती तोसा बयःओलेः त खेःया ओउःइपाय् लुङ्ती तोपनौ। अरुकायः लयःकोः पैसा अरु थोक्लम् वेःती ल्हासा काम् बयःओलेः त खेःया ओउः मान्ताइपाय् साय्क्तोलेः बयःपनौ। अरुकायः नोःती स्यालःसा बयःओ त खेःया ओउःइपाय् पेतोलेः स्यालःपनौ। अरुकायः योनःती जाङ्ह्सा बयःओ त खेःया ओउःइपाय् चोङाय्तीलेः जाङ्ह्पनौ।
नीङ्कःहाङः यात्चाक्इ स्यान्ती तोओ स्यार्मे नाःओ त खेःया ओउःइपाय् परमेस्वर्कोः दोङ् कुरालेः चीःती तोपौ। अरुखेइ ङ्हाम्ओलम्कायः लव्ह्ती जाङ्ह्सा स्यार्मे नाःओ त खेःया ओउःपाय् परमेस्वर्कोः ग्वम् दोःतीलेः जाङ्ह्पौ ओहाङःसै इत हायःतीलेः प्रभु येसुकोः ङ्हाम्ओलम्इ दोह् खेःयाकायःमा परमेस्वर्कायः तोङ्ह्ताक्सा खाय्नानी। ओउः परमेस्वर्पाय् गलकायःमा ग्वम् नाःओमा तोङ्ह्ओमा मुलेःनाः बा। ओउःच्युक्लेः स्याव्पाः दै।
ကြော်ငြာတွေ