“नाङ्इ जुगाङ् पेतो हायःसा झाक्तेःनाः त खेःया लौ पाय्ह्ती नाङ्कोः सम्पती दोह् गुच्युक् मुनाः ओउःच्युक्लेः जुदा वीनःउ दा। वीनःआक्तीको ओउःकोः मोल्कोः पैसापाय् जेःसा दोःमालो ह्र्यात्लम्कायः वेःती बयःउसु ओहाङःसैको ओउः जुगाङ् फेती ङाकुस् वाह्अ। ओउःत हायःआक्तीको लाङ्काहाङः नाङ्कायः आनतेः दोःतेःनाः बा” त दाय्ह्ती येसुइ तोथातो
मत्ती 6:19 - चेपाङ19 लौ ल्हाव्ह्दैबाङ्खेहाङः माल् सामान् त्युम्ह्ती रेती गम्लाम्। इहाङःकोः माल् सामान्पाय् खय्इमा घुन्इमा जेःमानौ चोर्लम्इमा कुःमानानी। အခန်းကိုကြည့်ပါ။ |
मत्ती 6:19
23 ပူးပေါင်းရင်းမြစ်များ
नीङ्कोः ल्हाव्ह्दैबाङ्कोः थोक्लम् माल्ताल्लम् वीनःती ओउःकोः मोल्कोः पैसालम् नाःतो नाःमालो मान्तालम्कायः बयःनु दा। ओउःत हायःतीलेः नीङ्कायः लाङ्काहाङः परमेस्वर्इ लोनेः न्हाङ्तोलेः नाःतो बयःतेःनै बा। ओहाङःसै ओउःहाङःकोः थोक्लम्पाय् गलमा ह्र्योल गलमा मीह्ल। ओहाङःपाय् सुमा कुःलाङ् वाङ्इली घुन्इमा दोह्इमा माक्ती वाय्उलु।
“लौ नाङ्इ यातै कुरा ह जाङ्ह्तेःधाङ्तेःउलु। नाङ् नाःओ गह्र्पाय् दोह् गुच्युक् मुलेःनाः ओउःच्युक्लेः जुदालेः वीनःउ दा। वीनःआक्तीको ओउःकोः मोल्कोः पैसापाय् जेःसा दोःमालो ह्र्यात्लम्कायः वेःती बयःउसु ओहाङःसैको सबै फेती ङाकुस् वाह्अ। ओउःत हायःआक्तीको लाङ्काहाङः नाङ्पाय् आनतेः दोःतेःनाः बा” त दाय्ह्ती येसुइ तोआथै।
ल्हाव्ह्दैबाङ्कोः नाःतो नाःओलम्कायः “लौ अरुलम्कायः मीतो योतेःचानी” त दाय्ह्ती तोउसु दा। फेरी “तेन्छ्याङ्कोः क्युओ पैसालम् थोक्लम् चोङाय्तोलेः योतेःचानी ओउः देङी वाय्सा खेःओ थोक्पाय् खेःल ङीकायः सबै पेओ दोःताक्सा परमेस्वर्इ बयःसा खाल्कायः चोङाय्तोलेः योती ल्युङ्ह्ती मुन” तमा दाय्ह्ती तोउसु।
ကြော်ငြာတွေ