मत्ती 5:3 - चेपाङ

³ ओउःइ स्‍यान्‌तोक्‌हाङः “लौ ल्‍हुङ्‌तुक् घ्‍युम्ओ मान्‍तालम् लोनेः आन चोङाय्‌तोलेः स्‍याव्‌नै ओउःमयः परमेस्‍वर्‌कोः राजी दोःनै।

मत्ती 5:3 ပူးပေါင်းရင်းမြစ်များ

मत्ती 11:25

ओहाङःसैको ओउः बेलाहाङः येसुइ परमेस्‍वर्‌ आपाकायः ताङ्‌ह्‌ताक्‌ती तोआकान् “लौ परमेस्‍वर्‌ आपाय नाङ् फेल्‌बाङ् ल्‍हाव्‍ह्‌दैबाङ्‌कोः प्रभुलेः ङाइ तोओ कुरापाय् व्‍हाय्‌तो चीःओ मान्‍तालम्‌कायः छ्यान्‍ह्‌माःत इलो खेःओ मीओलम्‌कायः ह नाङ्इ लयः झाक्‌तीलेः छ्यान्‍ह्‌तेःआकान्।

मत्ती 11:6

लौ सुसुइपाय् गलकायःमा ङाकायः ल्‍हुङ् क्रोङ्‌तोलेः ङ्‌हाम्‌नानी ओउःलेः ल्‍हुङ् चोङाय्‌तो स्‍याव्‌नै” त दाय्‍ह्‌ती येसुइ तोआथाच।

मत्ती 13:16

नीङ्‌खेकायः परमेस्‍वर्‌इ आन पेतो हायःतेःआकाय् बा दोह् हायःती दाय्‍ह्‌सा नीङ्इ ओउःकोः कुरा च्‍यवःतीमा सायःतीमा चीःसा खाय्‌तेःनानी।

मत्ती 19:14

हौलम्‌कायः वानःसा ताक्‌नीली त येसुइ च्‍यवःती “खेःल हौलम् त्‍याःमाःत ङाकःताङ् वाङ्‌पै। इ हौलो खेःओ मान्‍ता ह परमेस्‍वर्‌कोः राजी मुसा दोःनै” त दाय्‍ह्‌ती येसुइ तोआकान्।

मत्ती 24:46

ओहाङःसैको ओउः मालीक्‌पाय् लोक्‌तो आल्आक्‌तीको द्यान्‍ह्‌ती पाय्‍ह्‌ती वाङ्‌तोक्‌हाङः ओउः नोकरीइपाय् काम् पेतो जाङ्‌ह्‌धै मुओ च्‍यवःनौ त खेःया ओउः नोकरीकः मालीक्‌पाय् आन झाक्‌ती म्रोनाः।

मत्ती 25:34

ओउः ङोय्‌दोहाङः मुओलम्‌कायः ‘लौ नीङ्‌कः ङाकोः परमेस्‍वर्‌ आपा आन म्रोलेःनाः। ओउःकोः राजी याक्‌ती मुलाङ् वाङ्‌न दा। ओउः राजीपाय् ल्‍हाव्‍ह्‌दैबाङ्‌कोः जाङ्‌ह्‌तोक्‌हाङःसै नीङ्‌कायः गम्ओ लेःआः

मत्ती 3:2

ओहाङः दाह्‌ती वाङ्आक्‌तीको “लौ नीङ्‌पाय् लःलयःकोः रेव्ओ काम्‌लम् फेनु दा। दोह् हायःती दाय्‍ह्‌सा परमेस्‍वर्‌कोः राजी दाह्‌खेःआ बा” त दाय्‍ह्‌ती मान्‍तालम्‌कायः थोल्‍ह्‌ती तोओ खेःतो। ओउः बाप्‍तीस्‍मा बयःओ युहना त तोओकायः उय्‍ह्‌लेहाङः एसायाइ इ कुरा लेखआकान्

मत्ती 8:11

“दोङ्‌सी दाय्‍ह्‌भनाङ् दाह्‌न्‍याम्‌सैमा ब्‍लक्‌न्‍याम्‌सैमा नाःतो अरु जात्‌कोः मान्‍तालम् वाङ्‌ती आब्राहाम् इसाक् याकुब्‌कुस् परमेस्‍वर्‌कोः राजीहाङः मुसा दोःनै।

मर्‌कस् 10:14

एत खेःओ च्‍यवःती येसु ल्‍हुङ् मल्‍ह्‌ती “खेःल इ हौलम्‌कायः त्‍याःलाम् ङाकःताङ् वाङ्‌पै। इलो खेःओलम्‌पाय् परमेस्‍वर्‌कोः राजीहाङः मुसा दोःलेःनै।

लुका 11:28

“खेःल बा ङाकोः आमाकायः तोओसै परमेस्‍वर्‌कोः कुरा ङ्‌हाम्‌ती जाङ्‌ह्‌ती सायःओ मान्‍तालम्‌कायःपाय् न्‍हाङ्‌तोलेः ‘पेजेःनै’ त तोसा स्‍याव्‌नाः बा” त दाय्‍ह्‌ती येसु त्‍याङ्आ।

लुका 18:14

दोङ्‌सीलेः ओउः जीमदार्‌इपाय् परमेस्‍वर्‌कायः म्रोताक्‌ती झ्‍यान्‍ते परमेस्‍वर्‌कोः मीक्‌हाङः पेतोलेः स्‍याव्‌नाः ओउः फरीसीपाय् परमेस्‍वर्‌कायः म्रोताक्‌माःत लयःकोः मीक्‌हाङः ह पेतो स्‍याव्आ। सुखेलो लयःकायः अरुसै ताङ्‌ह्‌ताक्‌सा बोङःनाःइसी ओउःलेः अरुसै मीतो स्‍याव्‌लेःनै सुखेलो मीओ काम् जाङ्‌ह्‌नानी ओउःलेः अरुसै ताङ्‌ह्‌तोलेः स्‍याव्‌नै” त दाय्‍ह्‌ती येसुइ तोआथास।

लुका 22:29

ओउःत झ्‍यान्‍ते गतलो ङाकोः परमेस्‍वर्‌ आपाइ ओउःकोः राजीहाङः ङाकायः हुकुम् बयःसा ग्‍वम्‌लेः बयःलेःआताङः ओउःतलेः ङाकोः राजीहाङः ङाइ नीङ्‌कायः राजालो स्‍याव्‌ताक्‌नेःनाङ्‌स।

लुका 22:30

ओहाङःसैको नीङ्‌पाय् ओहाङः ङाकुस् जेःती तुङ्‌ती मुसालेः दोःतेःनै। राजाकोः थाव्‌लम्‌हाङः च्‍युङःती नीङ्इ इस्राएल्‌कोः बार थर्‌लम्‌कायः नीङ्इ राजालो लेखालेः ओउःमयःकोः कुरा सायःती तात्‌सामा दोःतेःनै” त दाय्‍ह्‌ती येसुइ ओउःकुस् जेःती मुओलम्‌कायः तोआथास।

लुका 4:18

“लौ ङापाय् प्रभु परमेस्‍वर्‌कोः ग्‍वालामः दोःआलाङः दोह् हायःती दाय्‍ह्‌सा ओउःकोः पेओ समचार्‌ नाःतो नाःमालोलम्‌कायः थोल्‍ह्‌ती तोसाकायःमा छ्युङ्‌ह्आताङः। थुनती मुओलम्‌कायः ‘लौ बेन्‌तेःनाः’ फेरी च्‍यवःसा खाय्‌मालोलम्‌कायः ‘लौ च्‍यवःतेःनानी’ त तोसाकायःमा अरुइ ग्रक्ओ मान्‍तालम्‌कायः फेताक्‌साकायःमा

युहना 20:29

“लौ थोमा नाङ्‌खेइ च्‍यवःती झ्‍यान्‍ते ङ्‌हाम्‌तेःनाःची अरुखेइ ङाकायः च्‍यवःमाःत ङ्‌हाम्‌नानी ओउःमयःपाय् गुच्‍युक् पेओ लेःआः बा” त दाय्‍ह्‌ती येसु तोआथै।

याकुब् 1:10

साहु मान्‍ताखे “लौ परमेस्‍वर्‌कोः मीक्‌हाङः ङा इच्‍युक् मीओ लेःआः ङ ओउःत स्‍याव्ओ ङाकायः पेलेःनाः” त दाय्‍ह्‌ती म्रोतीलेः दाय्‍ह्‌सा खेःतो दोह् हायःती दाय्‍ह्‌सा ओउःपाय् रोलो लेखालेः रेन्‍ह्‌तोलेः झ्‍योम्‌ती वाय्‌नाः।

याकुब् 1:12

लीह्‌सीःओ च्‍यवःओ बेलाहाङः सुसु ग्रमःत मुनै ओउःपाय् चोङाय्‌तोलेः स्‍याव्‌नै दोह् हायःती दाय्‍ह्‌सा ओउःकोः हायःझ्‍याङ्‌कायः ओउःपाय् पेओ रौ जीङः दोःलेःनाः। ओउः जीङःपाय् “लौ ङाकायः राप्ओलम्‌कायः बयःनाङःसु” त दाय्‍ह्‌ती परमेस्‍वर्‌इ तोती गम्आकान्।

याकुब् 2:5

लौ ङाइ राप्ओ पुःचोङ् हौचोङ्‌य ओउः ल्‍हाव्‍ह्‌दैबाङ्‌कोः मीओ नाःतो नाःमालोलम्‌कायः परमेस्‍वर्‌इ आन ङ्‌हाम्‌साकायः छ्युङ्‌ह्‌माआथास। लयःकायः राप्ओ मान्‍तालम्‌कायः तोती गम्ओ राजीमा ह्र्यात्‌लम्‌कायः बयःमाआथास।

प्रकाश 19:9

ओहाङःसैको ओउः ल्‍होक्ओमयः ङाकायः तोती “लौ ‘ओउः भेदाकोः चोःकोः बीहा भोस्‌हाङः गोत्ओलम्‌पाय् चोङाय्‌तोलेः स्‍याव्‌नै’ त दाय्‍ह्ओ लेखउ दा” त दाय्‍ह्‌ती ओउःइ ङाकायः तोआताङः “माः है ओउःपाय् परमेस्‍वर्‌इ नोःओ दोङ् कुरा लेःआः बा” तमा ओउः ल्‍होक्ओमयःइ दाय्‍ह्‌ती तोआताङः।

प्रकाश 22:14

सुसुइ लयःकोः क्रमःनाय्‌लम् धावःती भाम्‌ताक्‌नानी ओउःमयःपाय् चोङाय्‌तोलेः मुनै ओउःमयः ओउः जीङः बयःसा सीङःसै काव्‍ह्‌सामा दोःनै ओउः सहर्‌कोः धोकालम्‌हाङः पोक्‌सामा दोःलेःनै।

प्रकाश 3:17

“लौ ङापाय् गह्र् नाःतो नाःताक्‌साकायः क्‍युओ चाक् लेःआः ङ। ङा दोह्‌मा राह्‌ङल” ततेः दाय्‍ह्‌ती ताःतेःसतो नाङ्‌पाय् आन योनःसीःओ ह्र्यात् स्‍याव्‌तेःतो दोह्‌मा नाःतो नाःमाःत सोह्‌लेःतेः मुनाः बा। मीक्इ च्‍यवःसा खाय्‌मालोतेः मुलेःतेःनाः बा। बुरु इत नाङ्इ चीःलेःतेःउलु।