मत्ती 5:22 - चेपाङ22 ‘लौ सुसु लयःकोः मान्ताकःताङ् ल्हुङ् ह जीक्ती मुचनै ओउःमा न्युम्ह्तोलेः स्याव्नाः’ त दाय्ह्ती ङाखेइ तोनेःनाङ्स बा। फेरी सुसुइ लयःकोः मान्ताकायः ‘वाःतकलङ्’ त दाय्ह्ती तोचानी ओउःकायःलेः सभाकोः मान्तालम्इ न्युम्ह्ताक्सा स्याव्नाः। सुसुइ लयःकोः मान्ताकायः ‘लौ नाङ्कायः परमेस्वर्इ स्राप्तेःनाः’ त दाय्ह्ती तोचानी ओउःलेः नरककोः म्हेःहाङः सीलाङ् आल्खेःनै। အခန်းကိုကြည့်ပါ။ |
मत्ती 5:22
93 ပူးပေါင်းရင်းမြစ်များ
लौ नीङ् धर्मा स्यान्ओमयःमा फरीसीलम्मा लोनेतेः न्युम्ह्तेःनानी बा दोह् हायःती दाय्ह्सा नीङ्इ ब्रेह्ओ लेइ नोःती दाय्ह्तेःनै यातैचाक्कायः नीङ्कोः लयःकोः धर्मा स्यान्सा थेङा नीङ् ल्हाव्ह्दैबाङ्कोः चार् दोवाताङ् आल्सा ग्यातेःइतो ओउः मान्ताइ नीङ्कोः स्यान्ओ ङ्हाम्आक्तीको नीङ्सै न्हाङ्तोलेः पेमालो स्याव्नाः बा।
ओहाङःमा यात्नीस् एपीक्युरी त तोओ धर्मा स्यान्ओ मान्तालम्मा अरु स्तोइक् त तोओ धर्मा स्यान्ओ मान्तालम्मा पावुल्कुस् आन तानःकाय्ती नोःकाय्आकाय्। ओउः मान्तालम्हाङः कोय्खे “इ मान्तापाय् आह्रे चीःमाःत नोःओआः यादो” त दाय्ह्ती दाय्ह्आकाय् अरुखे “इपाय् थे थे द्यव्ताकोः कुरा स्यान्ती तोनाःतय्ही रैस” त दाय्ह्ती नोःकाय्आकाय्। पावुल्इपाय् “येसु सीआक्तीको च्योक्ओआः” त स्यान्ती तोओ त झ्यान्ते ओउःमयः “इपाय् थे थे कुरा” त नोःकाय्आकाय्।
ओहाङःसैको अनम्ह्कोः स्याङ्ह्लोहाङः “इ मान्ताकः दोह् हायःतीलेः यहुदीलम्कोः ओउःच्युक् ल्हुङ् मल्ह्ओ खेःइतो” त ग्याङ्ह्ती म्हर्ती पावुल्कायः साङ्लाइ फास्ती ओउः यहुदीकोः ताङ्ह्ओ पुरोहीत्लम्मा सभाकोः मान्तालम्कायःमा हुम्लाङ् गोत्आक्तीको ओउःमयःकःताङ् पावुल्कायः वानःती चीङ्ताक्आकान्।
ओउः हुम्ओ मान्तालम्कःहाङः चीङ्ती पावुल्इ ओउःमयःकायः धय्ती योती “लौ पुःचोङ् हौचोङ्य ङाइ गलमा परमेस्वर्कोः मीक्हाङः पेतो जाङ्ह्ती वाह्आलाङः तेन्छ्याङ्मा ओउःतलेः वाह्लयःनाङः” त दाय्ह्ती तोउतो ओउः कुरा सायःती ओउः प्रधान् पुरोहीत् हननाया त तोओइ पावुल्कोः चीनःसै चीङ्ती मुओलम्कायः तोती ओउःकायः पाङःती घान्ताक्आथै।
एत तोओ कुरा सायःआक्तीको येसुकोः छ्युङ्ह्ओमयः प्रीमाहाङः मन्दीर्ताङ् पोक्लाङ् आल्ती येसुकोः कुरा स्यान्ती तोआकानी। ओहाङःसैको ओउः छ्युङ्ह्ओमयःइ स्यान्तोक् बेलाहाङः ओउः प्रधान् पुरोहीत्इमा ओउःकुस् वाह्ओलम्इमा इस्राएल्कोः ताङ्ह्ओ मान्तालम्कायः सबै गोत्ती वानःती सभाहाङः नोःसाकायः हुम्ह्आकानी। ओउःमयः हुम्ती वाङ्आक्तीको “लौ योह्कोः झ्याल्खानहाङः काती राक्ती गम्ओलम् द्याह् इहाङः वानःन” त दाय्ह्ती ओउः छ्युङ्ह्ओमयःकायः लेःलाङ् वानःसाकायः यात्नीस् आफीसर्लम् ल्होक्नीतो ती
ओउःत स्यान्ती तोताक्आक्तीको ओउःमयःइ सहर्कोः मान्तालम्मा ताङ्ह्ओ मान्तालम्मा धर्मा स्यान्ओमयःकायःमा स्तीफन्कः ल्हुङ् मल्ह्ताक्आकानी। ओहाङःसैको इ स्तीफन्कायः पेमालो तुम्ओ कुरा सायःती ओउः ताङ्ह्ओ मान्तालम्इ ल्हुङ् मल्ह्तो स्याव्आक्तीको स्तीफन्कायः चुम्ती पानःती ओउः सभा कीम्ताङ् लात्ती वानःआथै।
ओउः तोती गम्ओ कुरापाय् पेतो घीःती सायःसा खेःतो बा। ल्हाव्ह्दैबाङ्हाङः तोतोक्हाङः ओउः कुरा सायःसा ग्यामालोलम्पाय् न्युम्ह्ताक्ओसै दल्सा खाय्आक्नीली। ओउःमयःखे दल्सा खाय्नीली त झ्यान्ते ङीइ ओउः लाङ्कासै गानाक्ती तोओ सायःओलम्खे ग्यातय्हीली त खेःया ङी न्हाङ्तोलेः न्युम्ह्ताक्ओसै दल्सा खाय्तय्ह्नीली।
ကြော်ငြာတွေ