दोङ्सीलेः दाय्ह्भनाङ् ल्हाव्ह्दैबाङ्कोः सबै मान्तालम्सै युहनापाय् ताङ्ह्लेःआनाः बा। माःसापाय् माः लेःआः सुसुखेइ ङाइ स्यान्ओ परमेस्वर्कोः कुरा ङ्हाम्ती ओउःकोः राजीहाङः मुलेःनै ओउःपाय् युहनासै ताङ्ह्लेःनै। माः रैस ओउः राजीहाङः मुओ अरुसै मीओ मान्तापाय् ओउःमा बाप्तीस्मा बयःओ युहनासै ताङ्ह्लेःनाः।
मत्ती 5:19 - चेपाङ19 सुसुखेइ ऐन्कोः मीमीओ कुरामा लयः जाङ्ह्सा ग्यामाःत अरुकायःमा ‘लौ ओउः कुरा जाङ्ह्सा परल’ त दाय्ह्ती स्यान्चानी ओउःलेः परमेस्वर्कोः राजीहाङः अरुसै मीतो स्याव्नै। सुसुखेइ ऐन्कोः कुरा जाङ्ह्ती अरुकायः ‘लौ इ कुरा जाङ्ह्नु दा’ त दाय्ह्ती स्यान्चानी ओउःलेः परमेस्वर्कोः राजीहाङः ताङ्ह्तो स्याव्नै। အခန်းကိုကြည့်ပါ။ |
मत्ती 5:19
38 ပူးပေါင်းရင်းမြစ်များ
लौ नीङ् फरीसीलम्य लोने नीङ् न्युम्ह्तोतेः स्याव्तेःनै। मोसाइ तोओलो लेखालेः नीङ्इ जरामरीत्कोः खाल्लम् ददस् मानाकोः याःआः देम्ह् माना परमेस्वर्कायः वेःती बयःसा जवतेःनानी अरु मान्तालम्कायः काम् पेतो जाङ्ह्तेःनीली परमेस्वर्कायः नीङ्इ राप्तेःनीली। ओउः जवती बयःओ फेमामाःत अरुकायः काम् पेतो जाङ्ह्नु परमेस्वर्कायः पेतो राप्नु दा।
“लौ सुसुइ ङाकोः काम् जाङ्ह्साकायः इलो खेःओ मीओ हौलम्कायः रोम्ती त्याक्बत्नाःताङः ओउःइलेः ङाकायःमा रोम्नाःताङः। फेरी सुसुइ ङाकायः ङ्हाम्ती रोम्नाःताङः ओउःइलेः ङाकायः ल्होक्ओ परमेस्वर् आपाकायःमा रोम्नानी। नीङ्लम्कःहाङः सुसु ‘ङा सबैसै मीलेःनाङः’ त लयः ताःनाःस ओउःलेः अरुसै ताङ्ह्लेःनाः बा” त दाय्ह्ती येसु तोआथास।
लौ थीओफीलस्य ओउः ङ्हा लेखओ कीताप्हाङः येसुइ जाङ्ह्ओ कुरामा स्यान्ओ कुरामा ङाइ सबै लेखती गम्आलाङः। ओउःकोः लाङ्काताङ् लनःनम् दीन्च्युक्हाङःलेः येसुइ दोह् दोह् हायःआकान् त लेखती ल्होक्नेःआलाङ्। त्यावःअ लनःधाङ्माखाहाङः येसुपाय् सीती च्योक्आक्तीको चालीस् दीन्च्युक्कायः नाःतो पल्त ओउःकोः लयः छ्युङ्ह्ओ मान्तालम्कःताङ् थाती वाङ्ती “ङापाय् च्योक्ती मुओ येसु लेःआः ङ” त ओउःमयःकायः तय्ह्ताक्सा थेङा लयःलेः छ्यानःआथास। इत छ्यानःतोक्हाङः ओउःइ परमेस्वर्कोः ग्वालामःइ स्यान्ओ कुरापाय् लयःकोः छ्युङ्ह्ओमयःकायः गानाक्ती तोआथास परमेस्वर्कोः राजीकोः कुरामा स्यान्आथास।
ओउःत दाय्ह्ओ कुरापाय् इलो लेखा मुनाः “लौ पेओ स्याव्ताक्साकायः पेमालो जाङ्ह्पानी” त दाय्ह्ती दाय्ह्ओ लेखा लेःआः। माः रैस ङीकायःपाय् “लौ ओउःमयःइ ओउःतलेः स्यान्लेःनानी” त दाय्ह्ती यात्नीस् मान्ता गाल्तुम्ती तोनाःताङी। ओउःपाय् माःओ कुरा लेःआः ओउःत माःती तोओलम्कायः न्युम्ह्ताक्तोलेः स्याव्नाः।
इत चीःसापाय् चीःलेःनाङः नाङ्कायः यातैज्योः कुराकायः जान्सा खेःतो। ओउः पेमालो मोमःचोः जेजेबेल् त तोओकायः नाङ्कोः मान्ताकःहाङः मुसा ताक्तेःनौ। ओउःपाय् “लौ ङापाय् परमेस्वर्कोः कुरा वानःओचाक् लेःआः ङ” त लयःकायः तोसतो ङाकोः काम् जाङ्ह्ओलम्कायः “लौ ल्हास्या काम् जाङ्ह्नु” तमा थ्योन्ह्ती स्यान्नौ “मुर्तीकायः ल्हाओ जेःगा जेःसा स्याव्लेःनाः” तमा माःती तोती स्यान्नौ।
ကြော်ငြာတွေ