मत्ती 5:18 - चेपाङ18 दोङ्सी दाय्ह्भनाङ् फेल्बाङ् ल्हाव्ह्दैबाङ् वाय्धाङ्माःखाहाङःपाय् ऐन्कोः कुरा जुगाङ् दप्धाङ्मालोहाङः ओउः ऐन्कोः कुरापाय् मीओ कुरामा ताङ्ह्ओ कुरामा दोह्मा जुदालेः वाय्मालो मुलेःनाः बा। အခန်းကိုကြည့်ပါ။ |
मत्ती 5:18
82 ပူးပေါင်းရင်းမြစ်များ
दोङ्सीलेः दाय्ह्भनाङ् ल्हाव्ह्दैबाङ्कोः सबै मान्तालम्सै युहनापाय् ताङ्ह्लेःआनाः बा। माःसापाय् माः लेःआः सुसुखेइ ङाइ स्यान्ओ परमेस्वर्कोः कुरा ङ्हाम्ती ओउःकोः राजीहाङः मुलेःनै ओउःपाय् युहनासै ताङ्ह्लेःनै। माः रैस ओउः राजीहाङः मुओ अरुसै मीओ मान्तापाय् ओउःमा बाप्तीस्मा बयःओ युहनासै ताङ्ह्लेःनाः।
“नीङ्इ पेतो ङ्हाम्धाङ्तेःनीली ओउःत झ्यान्ते ओउः लान्कायः ल्हेस्सा खाय्मालो लेःइ। दोङ्सी दाय्ह्भनाङ् नीङ्इ ङाकायः बल बल ङ्हाम्ओ ह तेःइ त खेःया इ स्यालुङ्कायः ‘लौ ओउःताङ् लोय्स’ त दाय्ह्ती तोआक्तीको दोङ्सीलेः ओउः स्यालुङ्पाय् लोय्ती आल्लेःआनाः बा। दोह् दोह्तेः हायःसा म्हर्तेःनै ओउःलेः हायःसा दोःआनाः बा” त दाय्ह्ती येसुइ तोआथास।
ओउःत झ्यान्ते अरु दोह्मा नाःमालो मान्तालम्कायः बयःतोक्हाङः ‘लौ इमयःकायः ङाइजा पेतोलेः बयःआलाङः’ त सबैकायः ल्हाक्ती तोलाम्। ओउःतलेः लयःकोः नेह्रो ओर्ताक्सा बोङःओलम्इ हायःनानी। ओउःमयःइ थनःओ कीम्हाङःमा ल्याम्हाङःमा ‘अरुइ ताङ्ह्ताक्पाःताङः’ त दाय्ह्ती म्हर्ती पैसा बयःनानी। दोङ्सी दाय्ह्भनाङ् ओउःमयःखे लयः झाक्ओ द्याह्लेः दोःओआः बा अरु दोःइली।
ओहाङःसैको गाव्खेलोकोः मान्तालम्इ रोम्तेःइली ओहाङः फेतोक्हाङः ‘लौ इमयःइपाय् पेतो हायःनीली’ त छ्यानःसाकायः ओहाङःकोः फुत्साःपाय् नीङ्कोः दोम्सै काह्ती वाय्नु दा। दोङ्सी दाय्ह्भनाङ् ओउः वाङ्सा खेःओ तय्छनःती योसा दीन्हाङः ओउः थाव्कोः मान्तालम्पाय् सोदोम् गोमोरा त तोओ नीस् रेव्ओ सहर्कोः मान्तालम्सै न्हाङ्तोलेः न्युम्ह्ताक्नाःथास बा” त दाय्ह्ती येसुइ स्यान्ती तोआथास।
ओउःत झ्यान्ते नीङ्कोः मन्दीर्पाय् लोनेः ओस्तोक्रोङ्त हाःतो स्याव्लेःनाः बा। द्याह्हाङःसै ङाकायः नीङ्इ च्यवःतेःनाङ्सल। परमेस्वर्इ ल्होक्ओ मान्ताकायः ‘लौ भालातेः वाङ्तेःआकाय् नाङ् परमेस्वर्सै वाङ्ओ चाक्तेःआः’ त दाय्ह्ती नोःतोक् बेलाहाङः ह ङाकायःतेः फेरी च्यवःसा दोःतेःनै” त दाय्ह्ती येसु दाय्ह्आ।
ကြော်ငြာတွေ