मत्ती 5:17 - चेपाङ

¹⁷ ङाकायःपाय् ‘मोसाइ बयःओ ऐन्‌मा परमेस्‍वर्‌कोः कुरा छ्यानःओमयःइ तोओ कुरामा वाय्‌लाङ् वाङ्ओ’ ततेः ताःतेःचानी ङा वाय्‌साकायः वाङ्ओ खेःबाय्‌ल ओउःमयःकोः कुरा ताप्‌ताक्‌साकायः तोलाङ् वाङ्ओआः ङ।

मत्ती 5:17 ပူးပေါင်းရင်းမြစ်များ

मत्ती 3:15

“खेःल ओउःतलेः जाङ्‌ह्‌चाक्‌ची दा ओउःत हायःओ परमेस्‍वर्‌ झाक्ओ काम् लेःआः बा। इतलेः जाङ्‌ह्‌सा खेःतो” त येसुइ दाय्‍ह्‌ती होम्आथै ओउःत झ्‍यान्‍ते युहनाइ ग्‍याती येसुकायः बाप्‍तीस्‍मा बयःआथै।

मत्ती 7:12

फेरी दोह् दोह्‌लो अरुखेइ नीङ्‌कायः जाङ्‌ह्‌सा झाक्‌तेःचै ओउःलेः नीङ्‌खेइ अरुकायः जाङ्‌ह्‌नु दा। ओउःत हायःओ उय्‍ह्‌लेकोः आखरःहाङःमा परमेस्‍वर्‌कोः कुरा छ्यानःओमयःमा दाय्‍ह्‌ती स्‍यान्ओ खेःतो।

लुका 16:17

परमेस्‍वर्‌इ मोसाकायः बयःओ ऐन्‌कोः हुकुम्‌लम् वाय्‌साकायः ङ्‌हापाय् इ ल्‍हाव्‍ह्‌दैबाङ्‌मा फेल्‌बाङ्‌मा म्‍हीत्‌ती वाय्‌सा खेःतो।

युहना 8:5

ङीकोः मोसाइ बयःओ ऐन्‌हाङः ‘ल्‍हास्‍या जाङ्‌ह्‌ती वाह्ओमयःकायः बाङ्इ थोःती सात्‌सा’ त लेखती मुनाः। लौ नाङ्‌खेइ गततेः तोतेःनौ ती इकायः द्याह् बाङ्इ सात्‌सा स्‍याव्‌नाःया स्‍याव्‌लया एत तोताङी दा” त दाय्‍ह्‌ती येसुकायः व्‍हत्आकानी।

खबरदुत 18:13

ओउःकःताङ् वानःआक्‌तीको “इइपाय् ऐन्‌कोः हुकुम्इ ताक्‌मालो कुरा स्‍यान्‌ती ‘परमेस्‍वर्‌कायः एतलेः एतलेः झाह्‌ती तोसा खेःतो’ त तोती मुलेःनाः” त दाय्‍ह्‌ती ओउः यहुदीलम्इ पावुल्‌कायः गाल्‌तुम्‌ती तोआकानी।

खबरदुत 6:13

सभाताङ् वानःआक्‌तीको स्‍तीफन्‌कोः दुस्‍मान्‌लम्इ ओउः अरु माःती तुम्‌ती तोसा मान्‍तालम्‌कायः ङ्‌हा चीङ्‌ताक्आथास। ओउः मान्‍तालम् नोःसाकायः चीङ्‌ती “लौ इ मान्‍तापाय् ङीकोः मन्‍दीर्‌कायःमा परमेस्‍वर्‌कायःमा ओउःकोः हुकुम्‌कायःमा गलमा दीःमाःत आन रेव्ओ कुरा नोःनाः रैस।

रोमी 10:4

ओउःत हायःसा स्‍याव्‌ल दोह् हायःती दाय्‍ह्‌सा ख्रीस्इपाय् ओउः ऐन्‌कोः कुरा दप्‌ती द्युम्‌ताक्आकान्। द्याह् ख्रीस्‌कोः कुरा ङ्‌हाम्आक्‌तीको ह मान्‍ताइ परमेस्‍वर्‌कोः मीक्‌हाङः पेतो स्‍याक्‌सा खाय्‌नानी।

रोमी 3:31

“ङ्‌हाम्‌साकायः ह परमेस्‍वर्‌इ मान्‍ताकायः पेतो योनौ त खेःया ओउः ऐन्‌कोः कुरापाय् आह्रे लेःआः” त यात्‌नीस् दाय्‍ह्‌नै यादो। खेःल बा ओउःत हायःती ओउः ऐन्‌कोः कुरापाय् लोतोलेः वाम्‍ह्‌तो स्‍याव्‌नाः।

रोमी 8:4

ङीकायः ओउः ऐन्‌कोः कुरा पेतो स्‍याव्‌ताक्‌माआकान्। ओहाङःसैको ङी रेव्ओ ल्‍हुङ् फेओलम् परमेस्‍वर्‌कोः ग्‍वालामः दोःती परमेस्‍वर्‌कोः मीक्‌हाङः पेतो वाह्‌सा खाय्‌नाःतय्‍ह्‌नी।