मत्ती 3:6 - चेपाङ

⁶ वाङ्आक्‌तीको लःलयःकोः रेव्‌तो हायःओ घोती तोआक्‌तीको ओउःमयःकायः युहनाइ योर्‌दन् खोलाहाङः बाप्‍तीस्‍मा बयःआथास।

मत्ती 3:6 ပူးပေါင်းရင်းမြစ်များ

मत्ती 3:11

“लौ नीङ्इ रेव्ओ काम् फेतोक्‌हाङः ङाखेइ तीःइ बाप्‍तीस्‍मा बयःनाङ्‌सतो लोन्‍तेसै ङासै आन ताङ्‌ह्ओ मान्‍ता चाक्आः वाङ्‌नाः बा। ओउःकायःपाय् ङाच्‍युक् मीओ मान्‍ता ओउःकोः जुत्ता लात्‌सा स्‍याव्‌ङल। ओउःखेइ नीङ्‌कायः परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

मर्‌कस् 1:5

ओउःत तोतोक्‌हाङः यहुदीया अन्‍चल्‌सैमा यरुसालेम् सहर्‌सैमा सबै मान्‍तालम् ग्‍ल्‍युङ्‌ह्‌ती युहनाकःताङ् सायःलाङ् वाङ्आकाय्। सायःलाङ् वाङ्आक्‌तीको लःलयःकोः रेव्‌तो हायःओ घोती तोआक्‌तीको ओउःमयःकायः युहनाइ योर्‌दन् खोलाहाङः बाप्‍तीस्‍मा जाङ्‌ह्आथास।

लुका 1:16

लौ नाङ्‌कोः चोःइपाय् नाःतो इस्राएल्‌कोः मान्‍तालम्‌कायः परमेस्‍वर्‌कःताङ् द्यान्‍ह्‌ताक्‌नाःथास।

लुका 3:16

ओउःमयः म्‍हर्‌ओ युहनाइ चीःती “लौ ङाखेइ तीःइलेः बाप्‍तीस्‍मा बयःनेःनाङ्‌सतो लोन्‍तेसै यात्‌चाक् ङासै आन ताङ्‌ह्ओ चाक्आः वाङ्‌लेःनाः बा। ओउःकायःपाय् ङाच्‍युक् मीओ मान्‍तापाय् ओउःकोः जुत्ता फास्‌सामा स्‍याव्‌ङल। ओउःखेइ परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

खबरदुत 1:5

ङ्‌हाहाङःसै युहनाखेइ तीःइ बाप्‍तीस्‍मा बयःउतो लोन्‍ते तेन्‌कोः ज्‍याङःधाङ्‌माखाहाङः नीङ्‌खे परमेस्‍वर्‌कोः ग्‍वालामःइ बाप्‍तीस्‍मा दोःतेःनै” त येसुइ दाय्‍ह्‌ती तोआथास।

खबरदुत 11:16

एत च्‍यवःती ‘युहनाखेइ तीःइ बाप्‍तीस्‍मा जाङ्‌ह्‌थासतो नीङ्‌खेकायः परमेस्‍वर्‌कोः ग्‍वालामःइ बाप्‍तीस्‍मा जाङ्‌ह्‌तेःनै’ त येसुइ ङ्‌हा तोओ कुरा गीलआलाङः।

खबरदुत 19:18

ओहाङःसैको नाःतो मान्‍तालम् येसुकोः कुरा पेतो ङ्‌हाम्‌ती ओउःमयःइ ङ्‌हा जाङ्‌ह्ओ ब्रःओमा रेव्‌तो हायःओमा घोलाङ् वाङ्आकाय् “लौ ङीइमा एतलेः रेव्‌तो काम् जाङ्‌ह्आलाङःसु द्याह् ओउः रेव्ओ काम् ङीइ फेनाङःसु” त दाय्‍ह्‌ती ओउःमयःइ घोती तोआकानी।

खबरदुत 22:16

लौ दोह् हायःतीतेः ल्‍युङ्‌ह्‌ती मुतेःनाः। द्याह् चीङ्‌ती बाप्‍तीस्‍मा त्‍याक्उ दा। येसुकोः मय्‍ङ् पेह्‌ती नाङ्‌कोः ङ्‌हा जाङ्‌ह्ओ रेव्‌तो हायःओ पेतोलेः क्‍युम्‍ह्‌ती वाय्‌पाः’ त दाय्‍ह्‌ती हननायाइ ङाकायः तोआताङः।

१ कोरीन्‍थी 10:2

ओउःत मुस्‌हाङःमा तीःहाङःमा वाह्‌ती मोसाकोः बाप्‍तीस्‍मालो लेखा सबै त्‍याक्आथास।

कोलसी 2:12

बाप्‍तीस्‍मा त्‍याक्ओहाङः ख्रीस्‌कुस् पाम्‍ह्ओलो लेखा स्‍याव्‌तेःआकाय्। ख्रीस्‌कायः च्‍योक्‌ताक्ओ परमेस्‍वर्‌कोः ग्‍वम्‌कायः नीङ्इ ङ्‌हाम्‌तेःआकानी त झ्‍यान्‍ते बाप्‍तीस्‍मा त्‍याक्ओहाङःमा ख्रीस्‌कुस्‌मा उह्‌ती च्‍योक्‌ताक्‌तेःआकाय्।

हेब्रैनी 6:2

बाप्‍तीस्‍माकोः कुरालम्‌मा क्रुत् झाम्‍ह्ओ कुरामा सीओसै उह्‌ती च्‍योक्ओ कुरामा ओउः लोने तय्‌छनःती योसा कुरामा इ सबै ङ्‌हा स्‍यान्ओ कुरा लेःआः।

हेब्रैनी 9:10

ओउः कुराखेपाय् जेःगा तुङ्‌गा आङ् जेस्‌सा आङ् पेतो हायःसाकोः कुरा ह ओउः नया लोनेः वाङ्‌सा जुगाङ् पेओ कुरा बयःधाङ्‌माःच्‍युक्‌कायः जवसाजम्‌कायः ह मुलेःनाः।

याकुब् 5:16

ओउःत झ्‍यान्‍ते लःलयःकायः रेव्ओ काम्‌लम् घोती परमेस्‍वर्‌कायः लःलयःमयःकायः तेती तोनु ओहाङःसैको नीङ् स्‍याक्‌तेःनै। ओजायःत नीङ्ओ मान्‍ताइ परमेस्‍वर्‌कः तेती तोधार्‌नालेः आन पेतो स्‍याव्‌ताक्‌नौ।

१ पत्रुस् 3:21

ओउःलो लेखालेः ङीकायःमा तीःहाङः बाप्‍तीस्‍मा त्‍याक्‌ती रेव्ओसै पेङ्‌कलःती दल्‌तो स्‍याव्‌नाःतय्‍ही। बाप्‍तीस्‍मा त्‍याक्ओहाङः तीःइ आङ्‌कोः रयः वाय्‌ती छय्‍ङ्‌ताक्‌साकायः खेःबाय्‌ल “ङी नीङ्ओ ल्‍हुङ्‌तुक् खेःआतय्‍ही” त परमेस्‍वर्‌कायः छ्यानःसाकायः बाप्‍तीस्‍मा त्‍याक्‌नाःतय्‍ह्‌नी।

१ युहना 1:9

खेःल “ङाइ इत पेमालो हायःआलाङः” त दाय्‍ह्‌ती घोती तोनाःतय्‍ह्‌नी त खेःया दोङ्‌सीलेः परमेस्‍वर्‌इ लयः तोओलो लेखा पेतो हायःती ङीकोः रेव्ओ काम् क्‍युम्‍ह्‌ती ङीकः परमेस्‍वर्‌ ल्‍हुङ् स्‍याङ्‌नाः ओहाङःसैको जुगाङ् छय्‍ङ्‌तो स्‍याव्‌नाःतय्‍ही।