मत्ती 3:17 - चेपाङ

¹⁷ एत च्‍यवःतोक्‌हाङः “लौ इपाय् ङाकोः आन राप्ओ ल्‍हुङ्‌गोरे चोःलेःतेः खेःनाः बा। ओउःकः ङा आन म्रोनाङः” त दाय्‍ह्‌ती लाङ्‌कासै यात्‌ज्‍योः हाव्‌नयः दाय्‍ह्ओ वाङ्आ।

मत्ती 3:17 ပူးပေါင်းရင်းမြစ်များ

मत्ती 12:18

“लौ ङाइ छ्युङ्‌ह्ओ आन राप्ओ नोकरी योनु दा। ओउःकः ङा आनलेः म्रोनाङः फेरी ओउःकायः ङाकोः ग्‍वालामःलेः बयःनाङः। ओउःइपाय् ङाकोः तय्‌छनःती योसा कुरालेः सबै जात्‌कोः मान्‍तालम्‌कायः छ्यानःती तोलेःनौ।

मत्ती 17:5

ओउःपाय् दाय्‍ह्‌दाय्‍ह्‌बालेलेः रेनःझेनःत मुस् वाङ्‌ती घमःआथास। मुस् घमःतोक्‌हाङः मुस्‌सै हाव्‌नयः वाङ्‌ती “लौ इपाय् ङाकोः आन राप्ओ चोः लेःआः बत्‌ताङः। ओउःकः ङा आन म्रोलेःनाङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओ खेःतो।

मर्‌कस् 1:11

ग्‍ल्‍युङ्‌ह्‌ती वाङ्‌तोक्‌हाङः “लौ नाङ्‌पाय् ङाकोः आन राप्ओ ल्‍हुङ्‌गोरे चोःलेःतेः खेःतेःनाः बा। नाङ्‌कः ङा आन म्रोनाङः” त दाय्‍ह्‌ती लाङ्‌कासै यात्‌ज्‍योः हाव्‌नयः वाङ्आ।

मर्‌कस् 9:7

ओहाङःसैको रेनःझेनःत मुस् वाङ्‌ती ओउःमयःकायः घमःआथास। ओउःमयः घमःतोक्‌हाङःपाय् मुस्‌सै यात्‌ज्‍योः हाव्‌नयः वाङ्‌ती “लौ इपाय् ङाकोः आन राप्ओ ल्‍हुङ्‌गोरे चोः लेःआः बत्‌ताङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओआः।

लुका 3:22

ओउःकायः बाप्‍तीस्‍मा बयःआक्‌तीको येसुइ परमेस्‍वर्‌कायः तोतोक्‌हाङः फेल्‌बाङ् वाक्‌ती फोल्आ ओहाङःसैको धुकुर्‌वाःकोः रुप्‌लो थाङ्‌ती परमेस्‍वर्‌कोः ग्‍वालामःलेः येसुकोः थाराय्‌सै ग्‍ल्‍युङ्‌ह्‌ती वाङ्आ “लौ नाङ्‌पाय् ङाकोः आन राप्ओ ल्‍हुङ्‌गोरे चोःलेःतेः खेःतेःनाः बा। नाङ्‌कः ङा आन म्रोलेःनाङः” त दाय्‍ह्‌ती लाङ्‌कासै यात्‌ज्‍योः हाव्‌नयः दाय्‍ह्आ।

लुका 9:35

ओहाङःसैको मुस्‌सै यात्‌ज्‍योः हाव्‌नयः वाङ्‌ती “लौ इपाय् ङाकोः आन राप्ओ लयःइ छ्युङ्‌ह्ओ चोः लेःआः बत्‌ताङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओआः। इत दाय्‍ह्आक्‌तीको येसु लयःकुस्‌लेः मुओ त पत्रुस् साथीचोङ् च्‍यवःआकानी।

युहना 5:20

आपाइ चोःकायः राप्‌ती झ्‍यान्‍ते ओउःकायः सबै लयः जाङ्‌ह्ओ काम् छ्यानःनाःथै। माः रैस लोने ओउःकोः चोःकायः न्‍हाङ्‌तोलेः ताङ्‌ह्ओ काम् छ्यानःनाःथै ओउः कुरा च्‍यवःती नीङ् आन ग्‍याङ्‌ह्‌तेःनै।

युहना 5:37

ओहाङःसै ङाकायः ल्‍होक्ओ परमेस्‍वर्‌ आपाइमा ङाकायः पाःती तोलेःनौ। ओउःकायः नीङ्इ गलकायःमा नोइ सायःतेःनीली ओउःकोः रुप्‌पाय् मीक्इ गलकायःमा च्‍यवःतेःनीली।

एफेसस् 1:6

ङीकायःपाय् ओउःतलेः आन पेतो योनःती योती झ्‍यान्‍ते लयःकोः ल्‍हुङ् गोरे चोःपाय् ल्‍होक्आतय्‍ही ओउःत हायःओकायः परमेस्‍वर्‌कायः जुगाङ् ताङ्‌ह्‌ताक्‌पाःथै।

कोलसी 1:13

ङीकायःपाय् परमेस्‍वर्‌इ पेमालो च्‍याक्ओ राजीहाङःसै दल्‌ताक्‌ती लयःकोः ल्‍हुङ् गोरे चोःकोः राजीहाङः वानःती पोक्‌ताक्आतय्‍ही।

२ पत्रुस् 1:17

ङीइ बुम्‌हाङः योती मुतोक्‌हाङः येसुकोः परमेस्‍वर्‌ आपाइ ओउःकायः ताङ्‌ह्‌ताक्‌तीलेः तोती “लौ इपाय् ङाकोः आन राप्ओ ल्‍हुङ्‌गोरे चोः लेःआः बत्‌ताङः ओउःकः ङा आन म्रोलेःनाङः” त दाय्‍ह्‌ती ओउः आन पेओमा ताङ्‌ह्ओ परमेस्‍वर्‌पाय् दाय्‍ह्आ।

१ युहना 5:9

मान्‍ताइ पाःती तोओ कुरापाय् ङ्‌हाम्‌नाःतय्‍ह्‌नी। मान्‍ताइ पाःती तोओसै परमेस्‍वर्‌इ पाःती तोओ कुरा दोङ्‌सी लेःआः ओउःहाङःसै परमेस्‍वर्‌इ लयःकोः चोःकायः “ङाकोः दोङ् चोः लेःआः” त पाःती तोओआः।

प्रकाश 14:2

ओहाङःसैको लाङ्‌कासै वाङ्ओ हाव्‌नयः सायःआलाङः। ओउः हाव्‌नयःपाय् क्‍लोनःती ल्‍हक्अर्‌ओ तीःलो लेखालेः खेःमाःतो सोतो न्‍याम् मुक्ओलो लेखामा खेःतो। वरनी प्रय्‍ह्ओ मान्‍तालम्‌कोः हाव्‌नयःलो लेखामा खेःतो।