“ङा मान्ताकोः चोः त तोओपाय् आन लीह्सीःओ गोरःसा खेःतो। यहुदीकोः ताङ्ह्ओ मान्तालम्मा धर्मा स्यान्ओलम्मा ताङ्ह्ओ पुरोहीत्लम्मा ओउःकः ल्हुङ् मल्ह्तो स्याव्ती झ्यान्ते ओउः मान्ताकोः चोःकायः सात्लेःनाःथै। ओउःकायःपाय् सात्सापाय् सात्नीतो सुम् दीन् पुत्आक्तीको ओउःपाय् उह्ती च्योक्लेःनाः” त दाय्ह्तीमा येसुइ लोनेः स्याव्सा कुरा स्यान्ती तोआथास।
मत्ती 27:63 - चेपाङ63 ओउःकःताङ् वाङ्आक्तीको “लौ हजुर् येसुपाय् ‘सुम् दीन्हाङः उह्ती च्योक्नाङः’ त दाय्ह्ती ओउःइ सेलः मुधाङ्ओहाङः माःती तोआकान् इत ङीइ चीःनाङःसु အခန်းကိုကြည့်ပါ။ |
मत्ती 27:63
18 ပူးပေါင်းရင်းမြစ်များ
ओहाङःसैको येसुइ अरु कुरालेः स्यान्ती तोती “लौ ङापाय् यरुसालेम्ताङ् आल्सा खेःनाङः। ओहाङःकोः तोङ्ह्ओ मान्तालम्मा धर्मा स्यान्ओमयःमा ताङ्ह्ओ पुरोहीत्लम्इमा ङाकायः आन लीह्सीःतो जाङ्ह्ती लोनेः सात्लेःनाःताङः। सात्सापाय् सात्ताङःतो सुम्दीन् पुत्आक्तीको ङा उह्ती च्योक्लेःनाङः” त दाय्ह्ती येसुइ लोनेः स्याव्सा कुरालेः स्यान्ती तोआथास
ओहाङःसैको येसुइ अरु कुरालेः स्यान्ती तोती “ओउः मान्ताकोः चोः त तोओपाय् आन लीह्ओ गोरःसा खेःतो यहुदीलम्कोः ताङ्ह्ओ मान्तालम्मा धर्मा स्यान्ओमयःमा ताङ्ह्ओ पुरोहीत्लम्इमा ल्हुङ् मल्ह्तो स्याव्ती ओउः मान्ताकोः चोःकायः सात्नानी। ओउःकायः सात्सापाय् सात्नीतो सुम् दीन् पुत्आक्तीको ओउःपाय् उह्ती च्योक्तीलेः वाङ्नाः” त दाय्ह्ती येसुइ लोने स्याव्सा कुरालेः क्लोनःतो स्यान्ती तोआथास।
ओउःकायः यहुदी खेःमालो मान्तालम्कःताङ् सात्साकायः दाक्नानी। ओउःमयःकःताङ् दाक्आक्तीको ओउःमयःइ रेव्तो तोती लाइ स्राप्आक्तीको ओउःकायः क्ल्याय्ओ सीङःहाङः खील्इ योकोःताक्ती सात्नानी। सात्सापाय् सात्नीतो सुम् दीन् पुत्आक्तीको ओउःपाय् उह्ती च्योक्आनाः” त दाय्ह्ती येसुइ लयःकायः स्याव्सा खेःओ कुरा छ्यान्ह्आथास।
पीलातस्कःताङ् वानःआक्तीको ओउःमयःइ येसुकायः गाल्तुम्ती नोःओ बोङःआकानी “इ मान्ताइपाय् ङीकोः इस्राएली मान्तालम्कायः आन पेमालो थ्योन्ह्ती होम्सा बोङःओ खेःतो। ओउःइपाय् ‘सीजर् राजाकायः कर् पैसापाय् पाय्क्लाम्’ त तोती लयःकायःलेः ‘ङापाय् ख्रीस् लेःआः ङ नीङ्कोः राजालेः’ त दाय्ह्ती तोआकास” त दाय्ह्ती ओउः यहुदीकोः ताङ्ह्ओ मान्तालम्इ तुम्ती तोआकानी।
ओउःत झ्यान्ते ओउःकोः पाम्ह्ओ घाङ्पाय् सुम् दीन्च्युक्कायः पेतो योताक्उ दै उया ओउःकुस् वाह्ओमयःइ याह्दीङ्हाङः वाङ्ती ओउःकोः म्हाङ् कुःचानी यादो। कुःआक्तीको ‘लौ ओउःपाय् उह्ती च्योक्ओआः’ त माःओ सबै मान्तालम्कायः तोचानी त खेःया इ काम्पाय् न्हाङ्तोलेः पेमालो स्याव्नाः” त दाय्ह्ती पीलातस्कः तेआकाय्
ကြော်ငြာတွေ