मत्ती 27:57 - चेपाङ

^57-58 ओहाङःसैको येसुकोः सात्‌नम् दीन्‌कोः न्‍याम् ब्‍लक्ओ बेलाहाङः यात्‌चाक् अरीमाथीया गाव्‌कोः साहु मान्‍ता युसेफ् त तोओ पीलातस्‌कःताङ् आल्‌ती येसुकोः म्‍हाङ्‌कायः “ङाकायः ल्‍हाची दा” त दाय्‍ह्‌ती तेआ। ओउः युसेफ् त तोओपाय् येसुकायः ङ्‌हाम्ओ मान्‍ता खेःतो। ओहाङःसैको पीलातस्‌कः तेआक्‌तीको “लौ येसुकोः म्‍हाङ् इकायः ल्‍हाउ” त दाय्‍ह्‌ती ओउः अन्‍चलादीस् पीलातस्इ हुकुम् बयःआकान्।

मत्ती 27:57 ပူးပေါင်းရင်းမြစ်များ

मर्‌कस् 6:29

ओहाङःसैको “युहनाकायः सात्आकानी” त दाय्‍ह्ओ सायःती युहनाकुस् वाह्ओमयःइ वाङ्‌ती ओउःकोः म्‍हाङ् लात्‌ती आलःती बाङ्‌कोः य्‍होङःहाङः पाम्‍ह्‌ती गम्आकान्। ओउःत झ्‍यान्‍ते इ कुरा गीलती “लौ ङाइ अनम्‍ह् सात्ओ युहनापाय् द्याह् उह्‌ती च्‍योक्ओआः रैस” त हेरोद् दाय्‍ह्‌ती दाय्‍ह्ओ खेःतो।

खबरदुत 13:29

परमेस्‍वर्‌कोः आखरःहाङः गतलो लेखओ खेःतो ओउःतलेः येसुकायः जाङ्‌ह्‌ती खाय्आक्‌तीको ओउः कुरा सबै द्योक्आक्‌तीको येसुकायः ओउः सात्ओ सीङःहाङःसै कामःताङ् क्‍लाःती तेस्‌हाङः गम्आकानी।