मत्ती 27:53 - चेपाङ

⁵³ लोने येसु उह्‌ती च्‍योक्आक्‌तीको ओउः मान्‍तालम् यरुसालेम्‌हाङः नाःतो थाआकाय्।

मत्ती 27:53 ပူးပေါင်းရင်းမြစ်များ

मत्ती 4:5

ओहाङःसैको येसुकायः सैतान्इ यरुसालेम् सहर्‌ताङ् लात्‌ती आलःती ओहाङःकोः मन्‍दीर्‌कोः च्‍योःहाङः न्‍यास्‌नी गम्आथै।

प्रकाश 11:2

मन्‍दीर्‌कायः क्रुउ ओउः मन्‍दीर्‌कोः बाहीरहाङः मुओ आङ्‌गन्‌लम् क्रुलाम् दोह् हायःती दाय्‍ह्‌सा ओउःपाय् यहुदी खेःमालोलम्‌कायः बयःओ लेःआः। ओउःमयःइ बयालीस् महीनाकायः परमेस्‍वर्‌कोः छय्‍ङ्ओ सहर्‌कायः दोम्इ झोतोलेः वाय्‌नानी।

प्रकाश 21:2

ओहाङःसैको ओउः पेओ छय्‍ङ्ओ नया यरुसालेम् त तोओ सहर्‌ लाङ्‌काहाङः मुओ परमेस्‍वर्‌सै ग्‍ल्‍युङ्‌ह्‌ती वाङ्ओमा च्‍यवःआलाङः। ओउः सहर्‌पाय् देङीलो भाव्इ वानःसा खेःओ आन पेओ नाय्‌लम् लावओ सायःलम् लीक्ओ कमालो लेखालेः खेःतो।

प्रकाश 22:19

ओहाङःसैको सुसुइ इ कीताप्‌कोः लोनेः स्‍याव्‌सा कुराकायः क्‍लेत्‌ताक्‌चानी ओउःकायः इ कीताप्‌हाङः छ्यानःओ जीङः नाःओ सीङःकोः सायः त्‍याक्‌सा भाक् खेःओमा ओउः छय्‍ङ्ओ सहर्‌हाङः वाह्‌ती मुसा खेःओमा परमेस्‍वर्‌इ लाती आलःनाःथास।