मत्ती 27:51 - चेपाङ

⁵¹ ओउःकोः सास् ज्‍याल्‌माकादे सहर्‌हाङः ओउः मन्‍दीर्‌ कीम् दुङ्‌हाङः हेङ्‌केती खोओ नाय्‌पाय् त्‍यावःअसै कामःअ दाह्‌तीलेः क्रत्‌ती नीस् फाक् स्‍याव्‌माकादे फेरी ताङ्‌ह्ओ ल्‍याङ् वाङ्‌ती बाङ्‌लम् वाक्‌ती

मत्ती 27:51 ပူးပေါင်းရင်းမြစ်များ

मत्ती 27:54

ओहाङःसैको ल्‍याङ् वाङ्‌तोक्‌हाङः ओउः सीपाहीलम्‌कोः हवल्‌दार्‌मा अरु ओउःकुस्इ येसुकायः योती मुओलम् इ ग्‍याङ्‌ह्‌सीःओ कुरा च्‍यवःती आन रैती “लौ इ मान्‍तापाय् दोङ्‌सीलेः परमेस्‍वर्‌कोः चोःलेः खेःतो रैस बा” त दाय्‍ह्‌ती दाय्‍ह्आकाय्।

मत्ती 28:2

ओहाङःसैको ओउः बेलाहाङः ताङ्‌ह्ओ ल्‍याङ् वाङ्आ। यात्‌चाक् परमेस्‍वर्‌इ लाङ्‌कासै ल्‍होक्ओमयः ग्‍ल्‍युङ्‌ह्‌ती वाङ्‌ती ओउः तेस् बोमःओ बाङ्‌कायः घाङ्‌सै तुलुती आलःती ओउः बाङ्‌हाङः च्‍युङःती मुआ।

मर्‌कस् 15:38

ओउःकोः सास् ज्‍याल्‌माकादे सहर्‌हाङः ओउः मन्‍दीर्‌ कीम् दुङ्‌हाङः हेङ्‌केती खोओ नाय् त्‍यावःअसै कामःताङ्‌लेः क्रत्‌ती नीस् फाक् स्‍याव्‌माकादे।

लुका 23:45

यरुसालेम्‌कोः मन्‍दीर्‌ कीम् दुङ्‌हाङः हेङ्‌केती खोओ नाय्‌पाय् त्‍यावःअसै कामःताङ्‌लेः क्रत्‌ती नीस् फाक् स्‍याव्आ।

लुका 23:47

ओहाङःसैको ओउः सीपाहीकोः हवल्‌दार्‌ इ सबै च्‍यवःती ओउःइ परमेस्‍वर्‌कायः मानती “इपाय् जुगाङ् पेओ मान्‍ता लेःआः बा” त दाय्‍ह्‌ती दाय्‍ह्आ।

हेब्रैनी 6:19

एत दोङ् कुरा चीःधार्‌ना ङी ल्‍हुङ् ग्रमःत ङ्‌हाम्ओलेः मुनाःतय्‍ही। ङीइ ङ्‌हाम्ओ परमेस्‍वर्‌पाय् ङ्‌हापाय् मन्‍दीर्‌कोः दोङ् दुङ्‌हाङः क्रुस्‌सा दोःओ खेःतो ओउःत झ्‍यान्‍ते सबै मान्‍ताकोः होन्‍त प्रधान् पुरोहीत्‌लम्‌पाय् ओउः मन्‍दीर्‌कोः हेङ्‌केओ नाय् उःसै आल्ओ खेःतो।

हेब्रैनी 9:3

ओहाङःसैको भीत्रहाङः यात्‌ज्‍योः अरु हेङ्‌केती गम्ओ फाःओ नाय् खेःतो ओउः नाय्‌कोः उःसै अरु कोथा खेःतो। ओउःपाय् “जुगाङ् नीङ्ओ थाव्” त तोओलेः खेःतो।

प्रकाश 11:13

ओहाङःसैको ओउः नीस् लन्‍ह्ओ कुस्‌ब्रक्‌तलेः ताङ्‌ह्ओ ल्‍याङ् वाङ्‌ती सहर्‌कोः दस् भाक्‌कायः यात् भाक् ह्र्योङःती वाय्ओ खेःतो। ल्‍याङ्इ सात्ओ मान्‍तालम्‌पाय् सात् हजार्‌ खेःतो अरु सात्‌मालोलम्इपाय् आन रैती लाङ्‌काहाङः मुओ परमेस्‍वर्‌कायः ताङ्‌ह्‌ताक्आकानी।

प्रकाश 11:19

ओहाङःसैको ओउःमयः दाय्‍ह्आक्‌तीको परमेस्‍वर्‌कोः लाङ्‌काहाङः मुओ मन्‍दीर्‌पाय् फोल्ओ खेःतो। फोल्आक्‌तीको ओउःकोः भीत्रहाङः तोती गम्ओ कुराकोः बकीस् च्‍यवःसाकायः छ्यान्‍ह्ओ खेःतो। ओहाङःसैको न्‍याम् प्‍लीङ्‌ह्‌ती मुक्ओकुस् ल्‍याङ्‌मा तोल्‌तोल्ओ वेर्‌मा वाङ्आ।