मत्ती 27:50 - चेपाङ

⁵⁰ ओहाङःसैको येसु फेरीलेः सोतो गोःआक्‌तीको ओउःकोः नामे रुआङ् ज्‍याल्आ।

मत्ती 27:50 ပူးပေါင်းရင်းမြစ်များ

मत्ती 20:28

ओउःलो लेखालेः ओउः मान्‍ताकोः चोः त तोओमा अरुकायः ओउःकोः लयःकोः काम् जाङ्‌ह्‌ताक्‌लाङ् वाङ्ओ खेःल अरुकायः ओउःइलेः काम् जाङ्‌ह्‌लाङ् वाङ्‌ती ओउःमयःकायः रेव्ओसै दल्‌ताक्‌सा थेङा सीसा ग्‍याओ खेःतो” त दाय्‍ह्‌ती येसुइ तोआथास।

मत्ती 27:49

अरुलम्इ “खेःल ल्‍युङ्‌ह्‌ती मुइ एलीयाइपाय् येसुकायः फान्‌ती क्‍लाःलाङ् वाङ्‌नाःया वाङ्‌लया त योनी दा” त दाय्‍ह्‌ती तोआकानी।

मर्‌कस् 15:37

ओहाङःसैको येसु फेरीलेः सोतो गोःआक्‌तीको ओउःकोः सास् ज्‍याल्आ।

लुका 23:46

ओहाङःसैको येसु सोतोलेः गोःती “अ आपाय ङाकोः नामे रुआङ् नाङ्‌कायः ल्‍हालेःनाङः” त दाय्‍ह्‌ती परमेस्‍वर्‌कायः तोआकान्। ओउःत तोआक्‌तीको येसुकोः सास् ज्‍याल्आ।

युहना 10:11

फेरी ङालेः पेओ गोथालालो लेखा खेःनाङः। पेओ ह्रामःओ गोथालाखे लयःकोः भेदालम् दल्‌ताक्‌साकायः लयः सीसा ग्‍यालेःनाः

युहना 19:29

ओहाङः यात्‌ज्‍योः तुमुकाहाङः स्रोक्‌तो धाक्‌सायःकोः तीः गम्ओ खेःतो ओउःत झ्‍यान्‍ते ओउः धाक्‌सायःकोः तीःहाङः नाय् ज्‍योःती तीतेपतीकोः सीङःहाङः भ्‍योती येसुकायः म्‍होतोङ्‌हाङः बयःआकानी।

युहना 19:30

ओउः दोःआक्‌तीको येसु “लौ द्याह्‌पाय् दप्ओआः” त दाय्‍ह्‌ती कय्‍क् क्‍लय्‍ह्‌ती लयःकोः रुआङ्इ फेआथै।

हेब्रैनी 2:14

ओउःकोः हौलम् त तोओपाय् सास् नाःओ वयः नाःओ खाल् खेःलेःनै ओउःत खेःओ येसुमा ओउःमयःलो लेखालेः थाङ्‌ती मान्‍तालेः स्‍याव्आ। ओउःत स्‍याव्आक्‌तीको ओउःकोः सीधार्‌नालेः येसुइ सीताक्‌सा ग्‍वम् नाःओ सैतान्‌कायः क्‍लीमःती वाय्‌सामा खाय्ओ खेःतो।

हेब्रैनी 5:7

ल्‍हाव्‍ह्‌दैबाङ्‌हाङः मान्‍ता मुतोक्‌हाङः येसुइ आन र्‍याःतीमा गोःतीमा ओउःकायः सीओसै दल्‌ताक्‌सा खाय्ओ परमेस्‍वर्‌कायः तेती तोआकान्। येसुइपाय् मीओमा ग्‍याओ ल्‍हुङ्इमा तेआ त खेःओ ओउःकोः कुरा परमेस्‍वर्‌इ सायःआकान्।

हेब्रैनी 9:14

गुच्‍युक् न्‍हाङ्‌तोलेः ख्रीस्‌कोः वयःइपाय् ङीकोः ल्‍हुङ्‌तुक्‌खे छय्‍ङ्‌ताक्‌सा खाय्‌नौ बा। ओउः जुगाङ् नीङ्‌तो ख्रीस्इपाय् परमेस्‍वर्‌कोः गलकायः मुओ ग्‍वालामःकोः ग्‍वम् दोःती लयःकोः आङ्‌लेः परमेस्‍वर्‌कायः ल्‍हाआकास। ओहाङःसै ख्रीस्‌कोः वयःइ ङीकायः आह्रे जवओ काम्‌लम् फेताक्‌नाःतय्‍ही ओउःत हायःती ङीइ ओउः जीङः नाःओ परमेस्‍वर्‌कायः काम् जाङ्‌ह्‌सा खाय्‌नाःतय्‍ह्‌नी।