मत्ती 27:46 - चेपाङ

⁴⁶ फेरी न्‍याम् योहोरी बेलाहाङःपाय् येसु यहुदी भासा नोःती “एलोय् एलोय् लमा सबक्‌थानी” त दाय्‍ह्‌ती सोतोलेः दाय्‍ह्आ। ओउः कुराकोः माने इलेःआः “अ ङाकोः परमेस्‍वर्‌य अ ङाकोः परमेस्‍वर्‌य दोह् हायःतीतेः ङाकायःतेः फेतेःआची” त दाय्‍ह्ओ लेःआः।

मत्ती 27:46 ပူးပေါင်းရင်းမြစ်များ

मत्ती 27:47

येसु एतलेः गोःतोक्‌हाङः यात्‌नीस् द्याङ्‌तो मुओलम्इ “एलोय् एलोय्” त दाय्‍ह्ओ सायःती “लौ ओउःइ एलीया त तोओकायः गोःनौ” त दाय्‍ह्‌ती नोःकाय्आकाय्।

मर्‌कस् 15:34

फेरी योहोरी बेलाहाङःपाय् येसु यहुदी भासा नोःती “एलोय् एलोय् लामा सबक्‌थानी” त दाय्‍ह्‌ती सोतोलेः दाय्‍ह्आ। ओउः कुराकोः माने इलेःआः “अ ङाकोः परमेस्‍वर्‌य अ ङाकोः परमेस्‍वर्‌य दोह् हायःतीतेः ङाकायःतेः फेतेःआची” त दाय्‍ह्ओ लेःआः।

लुका 23:46

ओहाङःसैको येसु सोतोलेः गोःती “अ आपाय ङाकोः नामे रुआङ् नाङ्‌कायः ल्‍हालेःनाङः” त दाय्‍ह्‌ती परमेस्‍वर्‌कायः तोआकान्। ओउःत तोआक्‌तीको येसुकोः सास् ज्‍याल्आ।

हेब्रैनी 5:7

ल्‍हाव्‍ह्‌दैबाङ्‌हाङः मान्‍ता मुतोक्‌हाङः येसुइ आन र्‍याःतीमा गोःतीमा ओउःकायः सीओसै दल्‌ताक्‌सा खाय्ओ परमेस्‍वर्‌कायः तेती तोआकान्। येसुइपाय् मीओमा ग्‍याओ ल्‍हुङ्इमा तेआ त खेःओ ओउःकोः कुरा परमेस्‍वर्‌इ सायःआकान्।