मत्ती 27:43 - चेपाङ

⁴³ ओउःइपाय् ‘ङापाय् परमेस्‍वर्‌कोः चोः लेःआः ङ’ त दाय्‍ह्‌ती परमेस्‍वर्‌कायः ङ्‌हाम्‌तीलेः तोआकास ओउःत खेःया परमेस्‍वर्‌इ लयःकोः चोःकः म्रोती झ्‍यान्‍ते ओउःकायः दल्‌ताक्‌सा ग्‍यानाःया ग्‍यालया त योनाङःसु” त दाय्‍ह्‌ती ओउःमयः धर्‌मा स्‍यान्ओमयःमा अरु यहुदीलम्‌कोः ताङ्‌ह्ओ मान्‍तालम्‌कुस्‌मा नोःकाय्आकाय्।

मत्ती 27:43 ပူးပေါင်းရင်းမြစ်များ

मत्ती 27:40

“अ नाङ्‌पाय् ‘मन्‍दीर्‌ ह्र्योङःआक्‌तीको सुम् दीन्‌हाङः नया जाङ्‌ह्‌नाङः’ ततेः दाय्‍ह्ओतेःआः। ओउःत खेःया लयःकायः दल्‌ताक्‌स दा। नाङ् परमेस्‍वर्‌कोः चोः त तोओलेः खेःतेःनाः त खेःया लौ उया सीङःसै ग्‍ल्‍युङ्‌ह्‌ती वाङ्अ” त दाय्‍ह्‌ती हेला क्‍लाःती गोःआथै।

मत्ती 27:54

ओहाङःसैको ल्‍याङ् वाङ्‌तोक्‌हाङः ओउः सीपाहीलम्‌कोः हवल्‌दार्‌मा अरु ओउःकुस्इ येसुकायः योती मुओलम् इ ग्‍याङ्‌ह्‌सीःओ कुरा च्‍यवःती आन रैती “लौ इ मान्‍तापाय् दोङ्‌सीलेः परमेस्‍वर्‌कोः चोःलेः खेःतो रैस बा” त दाय्‍ह्‌ती दाय्‍ह्आकाय्।

लुका 23:35

अरु मान्‍तालम् द्याङ्‌तोलेः योती मुओ खेःतो। ओहाङःसैको ओउः यहुदीलम्‌कोः ताङ्‌ह्ओ मान्‍तालम्‌खेइ येसुकायः हेला क्‍लाःधै मुती “इ मान्‍ताइपाय् अरुलम्‌कायः दल्‌ताक्आकान् त दाय्‍ह्ओ लेःआः ओउःपाय् दोङ् परमेस्‍वर्‌इ छ्युङ्‌ह्‌ती गम्ओ ख्रीस् लेःआः त खेःया ओउःइ लयःकायः दल्‌ताक्‌पाःस” त दाय्‍ह्‌ती तोआकानी।

लुका 23:37

“लौ नाङ्‌जा यहुदीलम्‌कोः राजालेःतेः खेःतेःनाः त खेःया लयःकायः दल्‌ताक्‌स” त दाय्‍ह्‌ती आलावःती तोआकानी।

युहना 10:30

ओहाङःसै ङामा ङाकोः आपामा यातैज्‍योः लेःआः ङच” त दाय्‍ह्‌ती येसुइ तोआथास।

युहना 10:36

ओउःत झ्‍यान्‍ते ङा परमेस्‍वर्‌इ छ्युङ्‌ह्‌ती ल्‍हाव्‍ह्‌दैबाङ्‌ताङ् ल्‍होक्ओ चाक्‌खेइ ‘ङा परमेस्‍वर्‌कोः चोः लेःआः ङ’ त तोसा स्‍याव्‌नाङः। ङाकायःपाय् दोह् हायःतीतेः ‘लौ नाङ्इ परमेस्‍वर्‌कायः रेव्‌तोलेः तोतेःनौ’ त नीङ्इ गाल्‌तुम्‌ती नोःनेःनाङ्‌स।

युहना 19:7

“ओउःपाय् ‘ङा परमेस्‍वर्‌कोः चोः लेःआः ङ’ त तोआकास। ङीकोः ऐन्‌हाङः ओउःत तोओ मान्‍ताकायः ‘सात्‌साआः’ त जवनाङःसु” त दाय्‍ह्‌ती ओउः यहुदीलम् दाय्‍ह्आकाय्।