मत्ती 27:41 - चेपाङ

^41-42 ओउःमयःइमा एत तोआकानी ओउः ताङ्‌ह्ओ पुरोहीत्‌लम्‌मा ओउःकायः ङीःआथै “लौ ‘ओउःइपाय् अरुकायः दल्‌ताक्‌ताङःआकान्’ त दाय्‍ह्ओ लेःआः लयःकायः दल्‌ताक्‌सा खाय्‌सल। लौ ओउःपाय् इस्राएल्‌कोः राजा लेःआः माःर ओउःत खेःया सीङःसै लयः ग्‍ल्‍युङ्‌ह्‌ती वाङ्‌पाः। ओउःत हायःआक्‌तीको ङीइ ओउःकोः कुरा ङ्‌हाम्‌चाङःसु।

मत्ती 27:41 ပူးပေါင်းရင်းမြစ်များ

मत्ती 27:40

“अ नाङ्‌पाय् ‘मन्‍दीर्‌ ह्र्योङःआक्‌तीको सुम् दीन्‌हाङः नया जाङ्‌ह्‌नाङः’ ततेः दाय्‍ह्ओतेःआः। ओउःत खेःया लयःकायः दल्‌ताक्‌स दा। नाङ् परमेस्‍वर्‌कोः चोः त तोओलेः खेःतेःनाः त खेःया लौ उया सीङःसै ग्‍ल्‍युङ्‌ह्‌ती वाङ्अ” त दाय्‍ह्‌ती हेला क्‍लाःती गोःआथै।

लुका 18:32

इतलेः ओउः मान्‍ताकोः चोःकायःपाय् अरुलम्इ यहुदी खेःमालो मान्‍तालम्‌कःताङ् सात्‌साकायः दाक्‌लेःनानी। ओउःमयःकःताङ् दाक्आक्‌तीको ओउःकायःपाय् रेव्‌तो हायःती हेला क्‍लाःती द्युर्‌ द्युरःतीमा लाइ स्राप्आक्‌तीकोमा सात्‌लेःनानी।

लुका 22:52

ओउः मान्‍ताकोः नो स्‍याक्‌ताक्आक्‌तीको येसुइ ओउःकायः चुम्‌लाङ् वाङ्ओ ताङ्‌ह्ओ पुरोहीत्‌लम्‌मा मन्‍दीर्‌कोः सीपाहीलम्‌कायःमा ल्‍हेःती “लौ ङा चोर्‌ स्‍याव्ओलो लेखालेः नीङ्इ दङ्‌ग तरवाल् लात्‌ती ङाकायः चुम्‌सातेः बोङःतेःनेःनानाङ्‌सया।

लुका 23:35

अरु मान्‍तालम् द्याङ्‌तोलेः योती मुओ खेःतो। ओहाङःसैको ओउः यहुदीलम्‌कोः ताङ्‌ह्ओ मान्‍तालम्‌खेइ येसुकायः हेला क्‍लाःधै मुती “इ मान्‍ताइपाय् अरुलम्‌कायः दल्‌ताक्आकान् त दाय्‍ह्ओ लेःआः ओउःपाय् दोङ् परमेस्‍वर्‌इ छ्युङ्‌ह्‌ती गम्ओ ख्रीस् लेःआः त खेःया ओउःइ लयःकायः दल्‌ताक्‌पाःस” त दाय्‍ह्‌ती तोआकानी।