मत्ती 27:22 - चेपाङ

²² “ओउःत झ्‍यान्‍ते इ ख्रीस् त तोओ येसुकायः दोह् हायःचाङः” त दाय्‍ह्‌ती पीलातस्इ फेरीलेः व्‍हत्‌थासतो “ओउःकायः क्‍ल्‍याय्ओ सीङःहाङः योकोःती सात्‌पाःथै” त दाय्‍ह्‌ती त्‍याङ्आकाय्।

मत्ती 27:22 ပူးပေါင်းရင်းမြစ်များ

मत्ती 1:16

याकुब्‌कोः युसेफ्। युसेफ् त तोओपाय् मरीयम्‌कोः बुधा खेःतो। फेरी मरीयम् त तोओपाय् येसुकोः आमा खेःतो। येसुपाय् परमेस्‍वर्‌कःसै वाङ्‌सा खेःओ ख्रीस् त तोओ लेःआः।

मत्ती 27:17

ओउःत झ्‍यान्‍ते ओउः यहुदीलम् पीलातस्‌कोः दर्‌बाल्‌हाङः हुम्‌ती वाङ्आक्‌तीको पीलातस्‌पाय् ओउःमयःकःताङ् आल्‌ती “लौ ङाइ सुकायः फेन्‌सा झाक्‌तेःनै बरबाखे फेन्‌चाङःया ओउः ख्रीस् त तोओ येसुखे फेचाङःया” त दाय्‍ह्‌ती व्‍हत्आथास

मत्ती 27:21

ओउःत झ्‍यान्‍ते “लौ सुकायः फेन्‌चेःनाङ्‌स” त पीलातस्इ व्‍हत्‌तोक्‌हाङः “बरबाकायः फेन्उदा” त दाय्‍ह्‌ती सबै हुम्ओलम् त्‍याङ्आकाय्।

मत्ती 27:23

“इकायः दोह् हायःती सात्‌चाङः र। ओउःइ दोह् रेव्ओ हायःउतो ती” त दाय्‍ह्‌ती पीलातस्इ तोती “ओउःकायः क्‍ल्‍याय्ओ सीङःहाङः योकोःती सात्‌पाःथै” त दाय्‍ह्‌ती ओउः हुम्‌ती मुओलम्इ न्‍हाङ्‌तोलेः गोःआकानी

मर्‌कस् 14:55

ओहाङःसैको ओउः ताङ्‌ह्ओ पुरोहीत्‌लम्‌मा ओउःमयःकुस् हुम्‌ती मुओलम्इमा येसुकायः सात्‌सा थेङा ओउःकायः गाल्‌तुम्‌ती नोःओ मान्‍तालम्‌कायः बोङःनीतो सुकायःमा च्‍यवःनीली।

युहना 4:25

“ओउः मासी त तोओ ख्रीस्‌पाय् ‘वाङ्आनाः’ त ङाइ चीःआलाङः। वाङ्‌तोक्‌हाङः ओउःइ सबै कुरा छ्यान्‍ह्‌नाःताङी” त दाय्‍ह्‌ती ओउः मोमःचोः दाय्‍ह्आ।

खबरदुत 13:28

येसुकायः दोङ् गाल्‌तुम्‌ती तोसाकायः ओउःमयःइ दोह्‌मा नोःसा खाय्आक्‌नीली ओउःमयःइ अन्‍चलादीस् पीलातस् त तोओकायः आन येसुकायः ‘सात्‌पाःथै’ त दाय्‍ह्‌ती तोआथै।

खबरदुत 13:38

‘लौ पुःचोङ् हौचोङ्‌य इ येसुइ ङीकोः रेव्‌झ्‍याङ्‌कोः क्‍युम्‍ह्‌सा दोःताक्‌नाःतय्‍ही बा’ त दाय्‍ह्‌ती इ कुरा ङाइ दोङ्‌सीलेः तोनेःनाङ्‌स। इ कुरा पेतो ल्‍हुङ्‌हाङः तय्‍ह्‌ती सायःन दा।