ओउःकायः यहुदी खेःमालो मान्तालम्कःताङ् सात्साकायः दाक्नानी। ओउःमयःकःताङ् दाक्आक्तीको ओउःमयःइ रेव्तो तोती लाइ स्राप्आक्तीको ओउःकायः क्ल्याय्ओ सीङःहाङः खील्इ योकोःताक्ती सात्नानी। सात्सापाय् सात्नीतो सुम् दीन् पुत्आक्तीको ओउःपाय् उह्ती च्योक्आनाः” त दाय्ह्ती येसुइ लयःकायः स्याव्सा खेःओ कुरा छ्यान्ह्आथास।
मत्ती 27:2 - चेपाङ2 एत नोःकाय्आक्तीको येसुकायः पानःती आलःती पीलातस् त तोओ अन्चलादीस्कःताङ् दाक्आथै। အခန်းကိုကြည့်ပါ။ |
मत्ती 27:2
25 ပူးပေါင်းရင်းမြစ်များ
ओउःत हायःती झ्यान्ते “लौ इ येसुकायः गाल्तुम्ती चुम्सा गत हायःतीलो दोःनाःतय्ही” त दाय्ह्ती ओउःमयःइ येसुकायः ल्युङ्ह्ती सायःती मुओ खेःतो। ओहाङःसैको ओउःमयःइ येसुकायः गाल्तुम्सा बोङःओ मान्तालम् ओउःकःताङ् ल्होक्आकानी “नीङ्इ व्हत्ओ कुरापाय् ओउःइ पेतो त्याङ्सा खाय्उलु त खेःया ङीइ ओउःकायः गाल्तुम्ती चुम्ती रोमी सर्कार्कायः ल्हासा खाय्नाःतय्ह्नी” त दाय्ह्ती ओउः मान्तालम्कायः ल्होक्आकानी। इत ल्होक्ओ मान्तालम्पाय् येसुकःताङ् दोङ् कुराकायः बोङःओ मान्तालो लेखा वाङ्ती
ओहाङःसैको तीबेरीयस् त तोओपाय् रोमी माहाराजा पन्र बर्स स्याव्आक्तीको ओउः बेलाहाङः पोन्तीयस् पीलातस् त तोओखे यहुदीयाकोः अन्चलादीस् खेःतो। फेरी गालील देस्कोः राजापाय् हेरोद् त तोओखे खेःतो। ओउःकोः फीलीप् त तोओ हौखेपाय् इतुरीया देस्मा त्राखोनीतीस् देस्मा ओउःनीस् देस्कोः राजा खेःतो। फेरी लुसानीयस् त तोओखे आबीलेने देस्कोः राजा खेःतो।
ओहाङःसैको न्याम् थोङ्खयःओहाङः येसुकायः कयाफाकःसै आलःती ओउः रोमी त तोओ मान्तालम्कोः अन्चलादीस्कोः दर्बाल्ताङ् दाक्ती वानःनीतो ओउःकायः लात्ती वानःओ यहुदीयालम्पाय् दर्बाल्ताङ् पोक्इली “छ्यात् जाङ्ह्ओ बेलाहाङः रोमी मान्ताकोः कीम्ताङ् पोक्सा स्याव्ल क्रीसीःनाः” त दाय्ह्ती जवआकानी ओउःत झ्यान्ते “च्योल्ओ दीन्कोः भोस् जेःसा दोःपाङी” त दाय्ह्ती ओउःमयः पोक्सा ग्याइली।
एत त्याङ्ती तोओ कुरा सायःती “इपाय् रोमी सहर्कोः मान्ता लेःआः बा। ओउःकायः इतलेः पानःसा घान्सा जुगाङ् स्याव्ल। ङीइ ओउःकायः पानःताक्नाङःसु घान्ताक्नाङःसु त खेःया राजाइ ङीकायःमा पानःचाःताङी घान्चाःताङी” त म्हर्तीताङः पावुल्कायः घान्सा दाय्ह्ओ मान्तालम्मा ज्याल्आकाय् ओउः हाकीम्मा रैआकाय्।
लौ इ कुरा नोःती छ्यानःसा थेङा ङाइ नीङ्कायः गोत्ती हुम्ताक्नेःआलाङ्स। ‘ङी इस्राएल्कोः मान्तालम्इ ल्युङ्ह्ती मुओ ख्रीस् त तोओपाय् ओउःलेः दाह्ती वाङ्ओआः’ त ङाइ आन छ्यानःती तोआलाङः ओउःत झ्यान्ते तेन्छ्याङ् ङा इ साङ्लाइ पानःतीलेः मुनाङः” त दाय्ह्ती पावुल्इ यहुदीलम्कोः ताङ्ह्ओ मान्तालम्कायः ल्हाक्ती तोआथास।
इ स्याक्ताक्साकायः ङीकोः आय्कानः तोकानःइ झाह्ती तोओ परमेस्वर्इ जाङ्ह्आकान्। ङीकोः आब्राहाम् इसाक् र याकुब् त तोओ तोकानःलम्इ झाह्ओ परमेस्वर् ओउःइलेः लयःकोः काम् जाङ्ह्ओ येसुकायः ताङ्ह्तो स्याव्ताक्साकायः इ मेस्कोः ग्याङ्ह्राय् जाङ्ह्ताक्आकान्। नीङ्खेइ इ येसुकायः चुम्ती पानःआक्तीको ओउः पीलातस् त तोओ अन्चलादीस्कःताङ् दाक्तेःआकानी। दाक्आक्तीको पीलातस्खेइ येसुकायः फेसा बोङःउतो ती नीङ्खेइ ‘ओउःकायः फेलाम्’ ततेः तोतेःआकानी।
दोङ्सीलेः तेन्छ्याङ्पाय् नाङ्इ छ्युङ्ह्ओ ख्रीस् त तोओ येसुकःताङ् ल्हुङ् मल्ह्तो स्याव्ती झ्यान्ते यहुदीयाकोः हेरोद् राजामा रोमी देस्कोः अन्चलादीस् पोन्तस् पीलातस्मा इस्राएल्कोः मान्तालम्कुस्मा इस्राएल् जात् खेःमालो मान्तालम्कुस्मा हुम्ती सबैइ नाङ्कोः लयः छ्युङ्ह्ओ जय्कुमःओ काम् जाङ्ह्ओ येसुकायः सात्सा बोङःनीतो
“लौ ‘ओउः येसुकायः ङ्हाम्ओमयःकायः थुनपाःथास’ दाय्ह्ती ङाकायः चेती लेखधाङ्ची” त दाय्ह्ती सावुल्इ प्रधान् पुरोहीत्कायः दर्कास् बयःआकान्। “ओउः चेती लात्ती ङाइ दामास्कस् सहर्कोः थनःओ कीम्कोः मान्तालम्कायः छ्यानःआक्तीको ओउःमयःइ ओउःहाङः मुओ येसुकायः ङ्हाम्ओमयः चुम्सा ताक्चाःताङः। ओउः ङ्हाम्ओमयःपाय् मोमःचोःलम्मा गोय्चोःलम्मा चुम्ती दोःआक्तीको ओउःमयःकायः ङाइ पानःती इहाङः वानःचाङःसु” त दाय्ह्ती प्रधान् पुरोहीत्कः चेती तेआ।
ကြော်ငြာတွေ