मत्ती 27:16 - चेपाङ

¹⁶ ओहाङःसैको ओउः साल्‌हाङः यात्‌चाक् सबैइ तय्‍ह्ओ मान्‍ता बरबा त तोओ झ्‍याल्‍खानहाङः थुनती गम्ओ खेःतो।

मत्ती 27:16 ပူးပေါင်းရင်းမြစ်များ

मत्ती 27:15

ओहाङःसैको ओउः च्‍योल्ओ दीन्‌कोः छ्यात्‌हाङः साल् साल्‌कायः यात्‌चाक् झ्‍याल्‍खानहाङः थुनओ मान्‍ताकायः अन्‍चलादीस्इ फेन्‌सा खेःतो त जवआकानी। सुकायः “लौ इकायःलेः फेन्‌पाः” त दाय्‍ह्‌ती यहुदीलम्इ तेती तोआकानी ओउः मान्‍ताकायः पीलातस्इ फेन्‌ताक्ओ खेःतो।

मत्ती 27:17

ओउःत झ्‍यान्‍ते ओउः यहुदीलम् पीलातस्‌कोः दर्‌बाल्‌हाङः हुम्‌ती वाङ्आक्‌तीको पीलातस्‌पाय् ओउःमयःकःताङ् आल्‌ती “लौ ङाइ सुकायः फेन्‌सा झाक्‌तेःनै बरबाखे फेन्‌चाङःया ओउः ख्रीस् त तोओ येसुखे फेचाङःया” त दाय्‍ह्‌ती व्‍हत्आथास

मर्‌कस् 15:7

ओहाङःसैको ओउः साल्‌हाङः यात्‌चाक् बरबा त तोओ झ्‍याल्‍खानहाङः थुनओ खेःतो। ओउः बरबा त तोओइ सर्‌कार्‌लम्‌कुस् मीन्‍ह्‌काय्‌तोक्‌हाङः मान्‍ताकायः सात्आकान् ओउःत झ्‍यान्‍ते सर्‌कार्‌कोः मान्‍तालम्इ बरबामा ओउःकोः साथीलम्‌कायःमा चुम्‌ती झ्‍याल्‍खानहाङः काआथास।

लुका 23:25

ओउःतलेः पीलातस्इ ओउः मीन्‍ह्‌काय्‌ती मान्‍ताकायः सात्ओ बरबा त तोओखेकायः “ओउःकायः फेनु” त तोउतो येसुखेकायः “ओउःमयः सात्‌ताक्‌सा झाक्ओ मान्‍ताकायः सात्‌पाःथै” त दाय्‍ह्‌ती लयःकोः सीपाहीलम्‌कायः ताआकान्।

युहना 18:40

ओउःत तोतोक्‌हाङः “खेःल ओउःखेकायः फेलाम् बरबाखेकायः फेताङी” त दाय्‍ह्‌ती गोःआकानी। ओउः बरबा त तोओ दाकु खेःतो।

खबरदुत 3:14

ओउः पेओ जय्‌कुमःओ येसुखेकायः ‘फेलाम्’ ततेः तोतेःनीतो यात्‌चाक् रेव्ओ अरु मान्‍ता सात्ओ मान्‍ताखेकायः ‘इखे फेउ’ ततेः तोतेःआकानी बा।

रोमी 1:32

एत हायःओलम्‌कायःपाय् “मीह्‌ती ह्र्योक्‌ती वाय्‌सा खेःतो” त परमेस्‍वर्‌इ तोउतो ओउःत तोओ इ रेव्ओ मान्‍तालम्इ चीःसापाय् चीःआकानी रेव्ओ काम् लयः फेमाःत मुनै अरु रेव्‌तो जाङ्‌ह्ओलम्‌कायः लुङ्‌तीलेः तोनानी।

रोमी 16:7

फेरी ङाकुस् झ्‍याल्‍खानहाङः थुनओ यहुदीकोः लयःमयःचोङ्‌कायः अन्‍द्रोनीकस् जुनीयस्‌नीस्‌कायःमा नमस्‍ते ल्‍होक्‌नाङःचु। ओउःनीस्‌पाय् ङासै ङ्‌हालेः ख्रीस्‌कोः मान्‍ता स्‍याव्आकाच। येसुइ छ्युङ्‌ह्‌ती ल्‍होक्ओमयःकःहाङः ओउःनीस्‌कोः मय्‍ङ् पेतो तय्‍ह्ओ लेःआः।