मत्ती 27:15 - चेपाङ

¹⁵ ओहाङःसैको ओउः च्‍योल्ओ दीन्‌कोः छ्यात्‌हाङः साल् साल्‌कायः यात्‌चाक् झ्‍याल्‍खानहाङः थुनओ मान्‍ताकायः अन्‍चलादीस्इ फेन्‌सा खेःतो त जवआकानी। सुकायः “लौ इकायःलेः फेन्‌पाः” त दाय्‍ह्‌ती यहुदीलम्इ तेती तोआकानी ओउः मान्‍ताकायः पीलातस्इ फेन्‌ताक्ओ खेःतो।

मत्ती 27:15 ပူးပေါင်းရင်းမြစ်များ

मत्ती 26:5

च्‍योल्ओ दीन्‌कोः भोस् जाङ्‌ह्‌तोक्‌हाङः ओउःकायः चुम्‌ती पानःसा स्‍याव्‌ल। मान्‍तालम्इ ल्‍हुङ् मल्‍ह्‌तो स्‍याव्‌ती ङीकुस् कायःकाय्‌ती मीन्‍ह्‌काय्‌नाःतय्‍ही यादो” त दाय्‍ह्‌ती ओउःमयःखे नोःकाय्आकाय्।

मत्ती 27:16

ओहाङःसैको ओउः साल्‌हाङः यात्‌चाक् सबैइ तय्‍ह्ओ मान्‍ता बरबा त तोओ झ्‍याल्‍खानहाङः थुनती गम्ओ खेःतो।

लुका 23:16

ओउःत झ्‍यान्‍ते ओउःकायः लाइ स्राप्आक्‌तीको ङाइ फेलेःनाङः” त दाय्‍ह्‌ती पीलातस्इ हुम्‌ती मुओलम्‌कायः तोआथास।

लुका 23:17

यहुदीलम्‌कोः च्‍योल्ओ दीन् त तोओ छ्यात्‌हाङः पीलातस्इ यात्‌चाक् झ्‍याल्‍खानहाङः राक्‌ती गम्ओ मान्‍ताकायः फेसा त जवओ खेःतो। ओउः छ्यात् फेरी स्‍याव्‌ती झ्‍यान्‍ते येसुकायः फेसा बोङःआकान्।

लुका 23:18

पीलातस्‌खेइ येसुकायः फेसा बोङःथातो ओउः हुम्‌ती मुओ मान्‍तालम्‌खेइ सबैइ “ओउःखेकायः सात्‌साकायः आलःउ बरबा त तोओखेकायः फेती ल्‍होक्उ” त दाय्‍ह्‌ती ओउःमयःइ ब्रक्‌तलेः सोतो गोःआकाय्।

युहना 18:16

पत्रुस्‌खे आङ्‌गन्‌कोः बाहीरहाङः मुआ। एत चीःती ओउः प्रधान् पुरोहीत् तय्‍ह्ओ मान्‍ता आङ्‌गन्‌कोः धोका राक्‌सा मोमःचोःकःताङ् वाङ्‌ती “लौ ओउःमा पोक्‌पाः” त दाय्‍ह्‌ती पत्रुस्‌कायः पोक्‌ताक्आकान्।

युहना 19:16

ओउःत हायःआक्‌तीको पीलातस्इ “लौ उया ओउःकायः आलःपाःथै” त दाय्‍ह्‌ती येसुपाय् हुम्ओ मान्‍तालम्‌कायः सात्‌साकायः ल्‍हाआकान्।

खबरदुत 24:27

ओहाङःसैको नीस् बर्‌स पुत्आक्‌तीको फेलीकस् त तोओपाय् अन्‍चलादीस् काम् फेती झ्‍यान्‍ते यात्‌चाक् पोर्‌स्‍युस् फेस्‍तस् त तोओ नया अन्‍चलादीस् स्‍याव्आ। फेलीकस् त तोओइ अरु यहुदी मान्‍तालम्‌कायः म्रोताक्‌साकायः पावुल्‌कायः झ्‍याल्‍खानहाङः गम्आकान्।

खबरदुत 25:9

ओउःतलेः पावुल्इ नोःसतो फेस्‍तस्इ यहुदी मान्‍तालम्‌कायः म्रोताक्‌सा थेङा “लौ नाङ् ग्‍यातेःनाः त खेःया यरुसालेम्‌ताङ् आल्‌ती ओहाङः नाङ्‌कोः कुरा सायःती वाय्‌चेःनाङ्” त दाय्‍ह्‌ती पावुल्‌कायः व्‍हत्आथै।