मत्ती 26:71 - चेपाङ

⁷¹ त्‍याङ्आक्‌तीको पत्रुस् आङ्‌गन्‌कोः दय्‍ह्‌लौताङ् ज्‍याल्आ। ओहाङः ज्‍याल्‌ती मुतोक्‌हाङः अरु नोकरी मोमःचोः वाङ्‌ती ओउःकायः च्‍यवःती “लौ इपाय् नासरेत्‌कोः येसुकुस्‌लेः वाह्ओआः” त दाय्‍ह्‌ती ओहाङः मुओलम्‌कायः छ्यानःआकान्

मत्ती 26:71 ပူးပေါင်းရင်းမြစ်များ

मत्ती 2:23

ओहाङःसैको ओउःकायः फेरीलेः परमेस्‍वर्‌इ माङःखाहाङः गानाक्‌ती तोती झ्‍यान्‍ते युसेफ् गालील देस्‌ताङ् आल्‌ती नासरेत् त तोओ गाव्‌ताङ् याक्आकाय्। ओउःत हायःती येसुकायः “ओउःकायःपाय् ‘नासरेत्‌कोः’ त तोनानी” त दाय्‍ह्‌ती उय्‍ह्‌लेकोः परमेस्‍वर्‌कोः कुरा छ्यानःओमयःइ लेखओ द्याह् ताप्‌तोलेः स्‍याव्आ।

मत्ती 26:70

“खेःल बा नाङ् दाय्‍ह्ओ कुरापाय् ङाइ दोह्‌मा चीःबाय्‌ङल” त दाय्‍ह्‌ती माःती सबै ओउःकुस् मुओलम्‌कोः मीक्‌हाङः त्‍याङ्‌लेःआ।

मत्ती 26:72

“खेःल बा सत्ते ताम्‍बै जेः ओउःकायः ङाइ जुगाङ्‌मा तय्‍ह्‌ङल” त दाय्‍ह्‌ती पत्रुस् फेरीलेः माःती त्‍याङ्आ।

लुका 22:58

ओहाङःसैको देङेलोहाङः यात्‌चाक् अरु वाङ्‌ती पत्रुस्‌कायः च्‍यवःती तय्‍ह्आथै “लौ नाङ्‌मा यात्‌चाक् येसुकुस् वाह्ओमयः लेःतेःआः बा” त दाय्‍ह्‌ती ओउः मान्‍ता दाय्‍ह्आ। “खेःल बा ङापाय् ओउःमयःकोः खेःबाय्‌ङल” त दाय्‍ह्‌ती पत्रुस्इ फेरीलेः माःती त्‍याङ्आ।