मत्ती 26:56 - चेपाङ56 बुरु ओउः आखरःहाङः रय्ह्ओ कुरा ताप्तो स्याव्साकायः इतलेः हायःतेःआकानी” त दाय्ह्ती येसुइ तोआथास। ओहाङःसैको सबै येसुकुस् वाह्ओमयः ओउःकायः फेती क्रव्आकाय्। အခန်းကိုကြည့်ပါ။ |
मत्ती 26:56
17 ပူးပေါင်းရင်းမြစ်များ
ओउः मान्ताकोः चोः त तोओपाय् सीलाङ् आल्सा खेःतो। ओउःत हायःओ उय्ह्लेकोः आखरःहाङःलेः रय्ह्ती मुनाः। ओउःत स्याव्सा खेःसापाय् खेःलेःतो ओउः ङाकायः सात्सा दाक्ओ मान्ताकायःपाय् लोने गुच्युक् पेमालो न्युम्ह्नाःथै बा। ओउः मान्ताकोः आमाइ ओत्ओ दीन्पाय् गुच्युक् पेजेःमालो खेःतो। ओउः चोः ओत्माया पेजेःतो बा” त दाय्ह्ती येसुइ तोआथास।
“लौ पुःचोङ् हौचोङ्य परमेस्वर्कोः ग्वालामःइ दावुद् राजाकायः ङ्हा छ्यानःओ कुरा ङीकोः आखरःहाङः लेखती मुनाः। ओउः आखरःहाङःपाय् येसुकायः दुस्मान्कःताङ् दाक्ओ यहुदस्कोः कुरालेः दावुद्इ आन ज्याङःतोहाङः लेखउतो द्याह् ओउः कुरा ताप्सा खेःतो। ‘लौ ओउःकोः याक्ओ बेलाङ् याक्गार्सीःमालो स्याव्पाः। ओहाङः मान्तालम् सुमा याक्लाम्’ त दाय्ह्ती दावुद्कोः कुरा लेखती मुनाः। ओउः यहुदस् त तोओलेः ङीलो लेखा येसुइ छ्युङ्ह्थातो ओउःकुस् काम् जाङ्ह्उतो लोन्ते ओउःइ येसुकायः दुस्मान्कःताङ् पानःताक्साकायः दाक्आथै। येसुकायः दाक्आक्तीको ओउःकोः दाक्झ्याङ्कोः पैसा बयःआकानी। एत पेमालो हायःझ्याङ्कोः पैसा त्याक्ती यहुदस्इ राङ् लेःआकान्। राङ् लेःआक्तीको यहुदस्पाय् ओहाङः आल्ती तोन्ती तुक् पक्ती सीआ। सीआक्तीको ‘ओउः राङ्हाङः येसु सात्लाङ् दाक्ओ मान्तापाय् तोन्ती सीओआः’ त सबै यरुसालेम् सहर्कोः मान्तालम्इ चीःती ओउः राङ्कायः ‘आकेल्दामा’ त मय्ङ्आकानी। आकेल्दामा त तोओकोः माने ‘वयःराङ्लेः’ ओउःलो लेखा राङ्कायः दावुद् राजाइ तोओ याक्गार्सीःमालो राङ् लेःआः बा। फेरी ‘ओउःकोः काम् अरुइ भेःत्याक्ती जाङ्ह्पौ’ तमा दावुद्इ लेखमाआकान्
ကြော်ငြာတွေ