मत्ती 26:48 - चेपाङ

⁴⁸ ओउः ल्‍होक्‌ती वाङ्ओलम्‌कायः येसुकायः दाक्‌सा बोङःओ यहुदाइ ङ्‌हासै वाङ्‌ती “लौ सुकायः ङाइ ग्रोम्‌ती स्‍यवनाङः ओउःपाय् नाङ्इ चुम्‌सा खेःओ चाक् लेःआः ओउःकायः पेतो चुम्‌ती पानःनु दा” त दाय्‍ह्‌ती स्‍यान्आथास।

मत्ती 26:48 ပူးပေါင်းရင်းမြစ်များ

मत्ती 26:47

येसुइ ओउःत तोतोक्‌हाङः यहुदा त तोओ यात्‌चाक् येसुकोः बारजन छ्युङ्‌ह्ओमयःपाय् ओहाङः दाह्‌ती वाङ्आ। ओउःकुस् नाःतो तरवाल्‌मा दङ्‌ग लात्ओ मान्‍तालम् वाङ्आकाय्। ओउःमयःकायः ओउः यहुदीलम्‌कोः ताङ्‌ह्ओ पुरोहीत्‌लम्इमा अरु ताङ्‌ह्ओ मान्‍तालम्इ ल्‍होक्आथास।

मत्ती 26:49

ओउःत झ्‍यान्‍ते येसुकः दाह्‌तोक्‌हाङः यहुदा वाङ्‌ती “अ गुरुय” त दाय्‍ह्आक् ओउःकायः ग्रोम्आथै।

मर्‌कस् 14:44

ओउः ल्‍होक्‌ती वाङ्ओलम्‌कायः ओउः येसुकायः दाक्‌सा बोङःओ यहुदाइ ङ्‌हासै वाङ्‌ती “लौ सुकायः ङाइ ग्रोम्‌ती स्‍यवनाङः ओउःपाय् नाङ्इ चुम्‌सा खेःओ चाक् लेःआः। ओउःकायः पेतो पानःती आलःनु दा” त दाय्‍ह्‌ती स्‍यान्आथास।