मत्ती 26:46 - चेपाङ

⁴⁶ लौ च्‍योक्‌ती आल्इ। ङाकायः दाक्‌सा बोङःओ मान्‍तापाय् दाह्‌ती वाङ्ओआः बा” त दाय्‍ह्‌ती येसुइ तोथासतो।

मत्ती 26:46 ပူးပေါင်းရင်းမြစ်များ

मत्ती 26:45

इत तोआक्‌तीको ओउः सुम्‌चाक्‌कःताङ् द्यान्‍ह्‌ती “नीङ् एनःतीलेःतेः मुझुङ्‌तेःनै। लौ द्याह् ओउः बेला दाह्ओआः। द्याह्‌पाय् ओउः मान्‍ताकोः चोः त तोओकायः रेव्ओलम्‌कःताङ् दाक्‌ती आलःनानी।

मत्ती 26:47

येसुइ ओउःत तोतोक्‌हाङः यहुदा त तोओ यात्‌चाक् येसुकोः बारजन छ्युङ्‌ह्ओमयःपाय् ओहाङः दाह्‌ती वाङ्आ। ओउःकुस् नाःतो तरवाल्‌मा दङ्‌ग लात्ओ मान्‍तालम् वाङ्आकाय्। ओउःमयःकायः ओउः यहुदीलम्‌कोः ताङ्‌ह्ओ पुरोहीत्‌लम्इमा अरु ताङ्‌ह्ओ मान्‍तालम्इ ल्‍होक्आथास।

मर्‌कस् 14:42

लौ च्‍योक्‌ती आल्इ। ङाकायः दाक्‌लाङ् आलःसा बोङःओ मान्‍तापाय् दाह्‌ती वाङ्ओआः बा” त दाय्‍ह्‌ती येसुइ तोआथास।

लुका 12:50

ङाइ आन लीह्‌सीःओ च्‍यवःसा बाप्‍तीस्‍मा त्‍याक्‌सालेः खेःनाङः ओउः त्‍याक्‌धाङ्‌माखाहाङः ङा ल्‍हुङ्‌हाङः आन लीह्‌ती मुनाङः।

लुका 22:15

ओउःमयः भोस् जेःसाकायः च्‍युङःती मुतोक्‌हाङः “लौ ङा लीह्‌सीःओ च्‍यवःसा ङ्‌हासैपाय् नीङ्‌कुस् इ भोस् जेःसा आन झाक्‌नाङः।

लुका 22:21

लौ ङाकायः दुस्‍मान्‌ताङ् दाक्‌सा बोङःओ चाक्‌पाय् देङी ङाकुस्‌लेः जेःती मुतेःनै।

लुका 9:51

ओउःतलेः येसुइ त्‍याङ्‌ती तोआथास ओहाङःसैको येसुकोः लयःकोः परमेस्‍वर्‌ आपाकःताङ् द्यान्‍ह्‌ती पाय्‍ह्‌सा सीतोक् बेलाहाङः दाह्‌खेःआ। दाह्‌खेःतोक् बेलाहाङः येसुपाय् ल्‍हुङ् ग्रमःतलेः यरुसालेम्‌ताङ् आल्‌सा चीङ्आ।

युहना 14:31

ङाइ आपाकायः राप्‌नाङः त सबै ल्‍हाव्‍ह्‌दैबाङ्‌हाङः मुओलम्‌कायः छ्यानःसा थेङा ङाइ ओउःकोः हुकुम् जाङ्‌ह्‌लेःनाङः बा। लौ द्याह् चीङ्‌ती इसै आल्इ” त दाय्‍ह्‌ती येसु दाय्‍ह्आ।

युहना 21:20

ओहाङःसैको पत्रुस् ल्‍हेःती ओउः येसुइ राप्ओ मान्‍ता गुल्‍ह्‌ती वाङ्ओ च्‍यवःआकान्। ओउः मान्‍तापाय् भोस् जेःतोक्‌हाङः येसु द्याङ्‌काय्‌ती मुती “नाङ्‌कायः दाक्‌सा बोङःओ सुखेलो” त दाय्‍ह्‌ती व्‍हत्आकान्।

खबरदुत 21:13

ओउःत गानाक्‌ती तोङुसुतो “नीङ्इ इच्‍युक्‌लेः र्‍याःती झ्‍यान्‍ते ङाकोः ल्‍हुङ् लीह्‌तेःताक्‌तेःनाङ्‌स। इपाय् परल ङाकोः प्रभु येसुकोः काम् जाङ्‌ह्‌साकायः ओउः यरुसालेम्‌कोः मान्‍तालम्इ ङाकायः पानःनाःताङः त खेःयामा सात्‌नाःताङः त खेःयामा दोह् खेःयामा ङा आल्‌सा ग्‍यालेःनाङः” त दाय्‍ह्‌ती पावुल् त्‍याङ्आ।