मत्ती 26:37 - चेपाङ

³⁷ एत तोआक्‌तीको पत्रुस्‌मा जबदी त तोओकोः चोःनीस् याकुब् युहनामा ओउः सुम्‌चाक्‌कायः लयःकुस् आलःआकान्। आलःआक्‌तीको येसु ल्‍हुङ्‌हाङः आन र्‍याङःतीमा लीह्‌तीमा स्‍याव्आ।

मत्ती 26:37 ပူးပေါင်းရင်းမြစ်များ

मत्ती 17:1

एत तोआथास ओहाङःसैको यात् सात पुत्आक्‌तीको पत्रुस्‌मा याकुब् युहना नीस् पुःचाःमा ओउः सुम्‌चाक्‌कायः येसुइ लात्‌ती आलःती चीङःचाङःत मुओ यास्ओ स्‍यालुङ्‌कोः च्‍योःताङ् लनःआथास।

मत्ती 20:20

ओहाङःसैको जबदीत तोओकोः गोय्‌चोःचोःनीस् लयःकोः आमाकुस् येसुकःताङ् तेलाङ् वाङ्आकाय्। वाङ्‌ती ओउःनीस्‌कोः आमाइ येसुकायः बाःती स्‍यवती

मत्ती 4:18

ओहाङःसैको येसु गालीलकोः छेव्‌हाङः वाह्‌ती नीस्‌चाक् ङाः सात्ओ काम् धुःती जाङ्‌ह्ओ पुःचाः च्‍यवःआकान् ओउःनीस्‌पाय् सीमोन् अन्‍द्रीयस् त मय्‍ङ्‌चतो। फेरी येसु वाङ्‌तोक्‌हाङः ओउःनीस् पुःचाः तीःहाङः लाङः वार्‌ओ खेःचतो।

मत्ती 4:21

ओहाङःसैको आल्‌ती जबदी त तोओकोः याकुब् युहना नीस् गोय्‌चोःचोः आपाकुस् दोङ्‌गाहाङः लाङः ताक्ओ च्‍यवःआकान्। ओउःनीस् च्‍यवःआक्‌तीको येसुइ गोत्‌थाचतो

मर्‌कस् 5:37

एत तोआक्‌तीको येसुमा सुम्‌चाक् ओउःकुस् वाह्ओमयः पत्रुस्‌मा याकुब् युहना नीस्‌पुःचाःमा ओउः ताङ्‌ह्ओ मान्‍ताकुस् पाय्‍ह्आकाय् अरु मान्‍ताकायः येसुइ वाङ्‌सा ताक्उलु।

लुका 22:44

येसुपाय् ल्‍हुङ्‌हाङः आन लीह्‌ती झ्‍यान्‍ते परमेस्‍वर्‌कः न्‍हाङ्‌तोलेः तेती तोआकान् तोतोक्‌हाङः ओउःकोः जेल्‍ह्‌सै वयःलो लेखा ल्‍हप्‌रतीः थाती साःताङ् त्‍योपोती ग्‍लेःआ।

युहना 12:27

“लौ ङापाय् द्याह् ल्‍हुङ् र्‍याङःआलाङः। द्याह् दोह्‌त तेती तोचाङः र। इ ङाइ लीह्‌सीःओ च्‍यवःसा बेलाहाङः ‘वाङ्‌ताक्‌लाम् आपाय’ त तेती तोचाङःया। खेःल इत लीह्‌सीःओ गोरःलाङ्‌पाय् वाङ्आलाङः बा।