मत्ती 26:18 - चेपाङ

¹⁸ “लौ सहर्‌ताङ् पोक्‌ती यात्‌चाक्‌कायः क्रुस्‌नु दा। क्रुस्आक्‌तीको ओउःकायःपाय् ‘लौ ङीकोः गुरुइ इत तोसाकायः ल्‍होक्आताङी “लौ ङाकोः बेला दाह्ओआः। ङाइमा ङाकुस् वाह्ओमयःइमा तेन्‌कोः च्‍योल्ओ दीन्‌कोः भोस् नाङ्‌कोः कीम्‌हाङः जेःनाङःसु” ’ त दाय्‍ह्‌ती तोनु दा” त दाय्‍ह्‌ती येसुइ ओउःमयःकायः तोती ल्‍होक्आथास।

मत्ती 26:18 ပူးပေါင်းရင်းမြစ်များ

मत्ती 21:3

ओहाङःसैको फेन्‌तोक् बेलाहाङः सुलाङःइ नीङ्‌जीकायः च्‍यवःती ‘दोह् हायःतेःनाःजु’ त दाय्‍ह्‌ती रेक्‌ती व्‍हत्‌तेःनाःज त खेःया ‘इपाय् प्रभुकायः द्याह् चाहनाः’ त दाय्‍ह्‌ती त्‍याङ्‌ज दा” त दाय्‍ह्‌ती येसुइ स्‍यान्‌ती ल्‍होक्आथाच।

मत्ती 23:10

फेरी सुइमा नीङ्‌कायः ‘स्‍यालःओ मान्‍ता’ त तोसा ताक्‌तेःचानी। नीङ्‌कायः स्‍यालःओ मान्‍ता यात्‌चाक् ह स्‍याव्‌नाः ओउःपाय् ख्रीस् लेःआः।

मत्ती 23:8

नीङ्‌खेइपाय् अरुलम्इ नीङ्‌कायः ‘गुरुय’ त तोसा ताक्‌तेःचानी यात्‌चाक् ह नीङ्‌कोः गुरु स्‍याव्‌नाः बा अरु मान्‍तालम् नीङ्‌कोः पुःचोङ्‌लेः स्‍याव्‌नै।

मत्ती 26:19

ओहाङःसैको ल्‍होक्आक्‌तीको ओउःमयः आल्‌ती येसुइ तोओलो लेखा जाङ्‌ह्‌ती ओउः भोस्‌कायः चन्‌तायःआकानी।

मत्ती 26:49

ओउःत झ्‍यान्‍ते येसुकः दाह्‌तोक्‌हाङः यहुदा वाङ्‌ती “अ गुरुय” त दाय्‍ह्आक् ओउःकायः ग्रोम्आथै।

मर्‌कस् 5:35

ओहाङःसैको ओउः मोमःचोःकायः तोतोक्‌हाङः यात्‌नीस्‌चाक् ओउः ताङ्‌ह्ओ मान्‍ताकोः कीम्‌सै दाह्‌ती “लौ नाङ्‌कोः चोःद्याङ्‌जा सीजेःआ बा। इ गुरुकायः द्याह् वानःसा परल” त दाय्‍ह्‌ती याय्‌रुस्‌कायः तोथातो ती

लुका 22:53

दीन्‌का दीन्‌पाय् नीङ्‌कुस् मन्‍दीर्‌हाङः मुझुङ्‌ङोतो ओउःतोक्‌खेहाङः ङाकायः चुम्‌तेःनाङ्‌सल इ नीङ्इ छ्युङ्‌ह्ओ च्‍याक्ओ बेलाखेहाङः वाङ्‌सातेः झाक्‌तेःनै द्याह् च्‍याक्ओहाङः वाह्ओलम्इ क्‍लीमःनानी” त दाय्‍ह्‌ती येसु दाय्‍ह्आ।

युहना 11:28

त्‍याङ्आक्‌तीको कीम्‌ताङ् पाय्‍ह्‌ती ओउःकोः मरीयम् हौद्याङ्‌कायः अरुइ चीःमाःत गोत्आकान्। “लौ हौय नीचीकोः गुरु इहाङः दाह्‌ती नाङ्‌कायः गोत्‌तेःनाः” त दाय्‍ह्‌ती तोआथै।

युहना 12:23

ओउःत छ्यानःआक्‌तीको “लौ ओउः मान्‍ताकोः चोः त तोओकोः ताङ्‌ह्‌ताक्‌सा बेला दाह्ओआः

युहना 13:1

ओहाङःसैको ओउः च्‍योल्ओ दीन्‌कोः योह्‌नम् दाह्आ। “लौ ङा ल्‍हाव्‍ह्‌दैबाङ्‌सै आल्‌ती आपाकःताङ् वाङ्‌सा खेःनाङः। द्याह् ओउः आल्‌सा दीन् दाह्‌खेःआ” त येसुइ चीःउतो ओउःइ ल्‍हाव्‍ह्‌दैबाङ्‌हाङः मुतोक्‌हाङः लयःकुस् वाह्ओमयःकायः गलकायःमा राप्‌ती मुआ।

युहना 17:1

ओहाङःसैको ओउःत दाय्‍ह्आक्‌तीको येसु लाङ्‌काताङ् त्‍याव्‌ती “लौ आपाय ओउः बेला दाह्ओआः बा। नाङ्‌कोः चोःकायः ताङ्‌ह्‌ताक्उ दा ओहाङःसै ओउःइ नाङ्‌कायः ताङ्‌ह्‌ताक्‌तेःनाः।

युहना 20:16

“अ मरीयम्” त दाय्‍ह्‌ती येसु दाय्‍ह्आ। ओउःत दाय्‍ह्‌तोक्‌हाङः मरीयम् ओउःकःताङ् ल्‍हेःती “गुरुय” त दाय्‍ह्‌ती दाय्‍ह्आ।

युहना 7:30

एत तोओ सायःती ओउः यहुदीकोः ताङ्‌ह्ओ मान्‍तालम्इ ओउःकायः पानःसा बोङःनीतो सुमा चुम्‌सा ग्‍याइली दोह् हायःती दाय्‍ह्‌सा येसुकायः चुम्‌ती सात्‌सा बेलाहाङः दाह्आक्‌धाङ्‌ल।

युहना 7:6

ओहाङःसैको “लौ ङाखेकायः यहुदीयाताङ् आल्‌सा बेलाहाङः दाह्‌धाङ्‌ल नीङ्‌खेपाय् गलमा आल्‌सा स्‍याव्‌तेःनै।

युहना 7:8

लौ नीङ्‌खे छ्यात्‌ताङ् आल्‌न दा ङाखेपाय् आल्‌ङल। ङा आल्‌सा बेला दाह्‌धाङ्‌ल” त दाय्‍ह्‌ती येसुइ तोआकान् तोआक्‌तीको गालीलहाङः मुआ।