मत्ती 26:10 - चेपाङ

¹⁰ ओउःमयःइ जान्‌ती तोओ चीःती “ओउःकायः जान्‌लाम् ओउःइ ङाकायः आन पेतो जाङ्‌ह्‌जेःआबत्‌ताङः।

मत्ती 26:10 ပူးပေါင်းရင်းမြစ်များ

मत्ती 26:11

दोह् हायःती दाय्‍ह्‌सा ह्र्यात्‌लम्‌खेपाय् नीङ्‌कःगन गलमा मुलेःनै ङाखे नीङ्‌कःगन गलकायःमा मुङल।

मत्ती 26:9

ओउः साती वीनःती ओउःकोः मोल्‌कोः पैसापाय् ह्र्यात्‌लम्‌कायः बयःसा खेःओ खेःतो” त दाय्‍ह्‌ती नोःकाय्‌ती ओउःमयःइ मोमःचोःकायः जान्‌ती तोआथै।

मर्‌कस् 14:6

ओउःमयः जान्‌ती तोओ येसुइ चीःती “खेःल ओउःकायः ताःताः जान्‌नुलु। जान्‌सा परल बा। ओउःइ आन पेतो जाङ्‌ह्‌जेःबत्‌ताङः।

लुका 8:49

ओहाङःसैको ओउःत तोतोक् बेलाहाङःपाय् यात्‌चाक् याय्‌रुस्‌कोः कीम्‌सै ल्‍होक्ओ मान्‍ता ओउःकायः तोलाङ् दाह्आ “लौ नाङ्‌कोः चोःद्याङ्‌जा सीजेःआ बा। इ गुरुकायः द्याह् वानःसा परल” त दाय्‍ह्‌ती याय्‌रुस्‌कायः तोथातो ती

२ कोरीन्‍थी 9:8

नीङ् राह्ओ चीस्‌लम् परमेस्‍वर्‌इ नीङ्‌कायः सबै बयःसातेः खाय्‌तेःनै माः रैस ओउःसै न्‍हाङ्‌तोलेः बयःसा खाय्‌लेःनौ बा। ओउःत झ्‍यान्‍ते नीङ्इ गलकायःमा दोह्‌मातेः राह्‌माःत अरुकायः सबै पेओ काम्‌लम् जाङ्‌ह्‌सा खाय्‌तेःनानी।

गालाती 1:7

इ थे समचार्‌ त तोओपाय् दोङ् पेओ समचार्‌ खेःल बा। यात्‌नीस्‌चाक्इ नीङ्‌कायः ब्रःताक्‌साकायः ख्रीस्‌कोः पेओ समचार्‌ छ्योय्‍ह्‌तोलेः तोती थे जाङ्‌ह्‌नानी।

गालाती 5:12

ओउः नीङ्‌कायः ब्रःताक्ओलम्‌पाय् लयःकोः आङ् जुगाङ्‌लेः तात्‌पाःइसी त झाक्‌नाङः बा।

गालाती 6:17

लौ द्याह् सुइमा ङाकायः अरु लीह्‌सीःओ बयःलाम्। ङापाय् येसुकोः नोकरी लेःआः ङ त छ्यानःसाकायः ङाकोः आङ्‌हाङः अरुइ स्‍याव्‌ताक्ओ चालम् मुलेःनाः।

एफेसस् 2:10

ङीकायःपाय् ओउःइ ङ्‌हा रय्‍ह्‌ती गम्ओ काम्‌लम् जाङ्‌ह्‌ती वाह्‌साकायःलेः परमेस्‍वर्‌इ ख्रीस्‌कुस्इ जाङ्‌ह्आतय्‍ही।

कोलसी 1:10

ओहाङःसैको परमेस्‍वर्‌ झाक्ओ कुरापाय् न्‍हाङ्‌तोलेः चीःती नीङ्इ सबै पेओ काम्‌लम् जाङ्‌ह्‌तीलेः वाह्‌ती झ्‍यान्‍ते ओउःकायः गलकायःमा म्रोताक्‌सा खाय्‌तेःनानी।

२ थेसलोनिकि 2:17

ओउःइमा ङीकोः प्रभु येसु ख्रीस्इमा नीङ्‌कायः ल्‍हुङ् धोमाय्‌ताक्‌ती सबै पेओ काम्‌लम् जाङ्‌ह्‌सा खाय्‌ताक्‌तेःपै।

१ तीमोथी 3:1

इपाय् दोङ् नोःराय् लेःआः। यात्‌चाक्इ ङ्‌हाम्ओलम्‌कोः स्‍यालःओ मान्‍ता स्‍याव्‌सा झाक्‌नाः त खेःया ओउःत हायःसा पेलेःनाः।

१ तीमोथी 5:10

ओउः मान्‍ताइपाय् पेओ काम् जाङ्‌ह्ओकायः अरुइ तय्‍ह्‌पाःथास। फेरी ओउःमयः लयःकोः चोःलम्‌कायः पेतो स्‍यान्ओ खेःओ खेःतो अरु मान्‍ताकायः कीम्‌हाङः पेतो रोम्ओमा ङ्‌हाम्ओलम्‌कायः पेतो स्‍यवओमा खेःओ खेःतो। लीह्‌सीःओ गोरःओलम्‌कायः लव्‍ह्ओमा सबै पेओ काम्‌लम् जाङ्‌ह्ओ खेःओ खेःतो।

२ तीमोथी 2:21

ओउः पेमालो खाल्‌लम् ताती वाय्आकानी त खेःया सबै पेओलेः मुनाः। ओउःतलेः मान्‍ताइ रेव्ओ काम् फेती वाय्आक्‌तीको छय्‍ङ्‌तो स्‍याव्‌ती प्रभुकायः खाले पेओ काम् म्‍ह्याङ्‌ती जाङ्‌ह्‌सा खाय्‌नानी।

तीतस् 1:16

“ङीइ परमेस्‍वर्‌कायः तय्‍ह्‌नाङःसु” त दाय्‍ह्‌ती ओउःमयःइ नोःनीतो पेमालो काम् जाङ्‌ह्‌नानी त झ्‍यान्‍ते “परमेस्‍वर्‌कायः तय्‍ह्‌नीली” त सबैकायः छ्यानःओ लेःआः। ओउःमयःपाय् अह्र्सीःओमा ल्‍हुङ् चाक्ओमा मुलेःनै पेओ काम् दोह्‌मा जाङ्‌ह्‌सा खाय्‌नीली।

तीतस् 2:14

ओउः ख्रीस्इपाय् लयःकोः आङ् ल्‍हाङ्‌ती ङीकायः रेव्ओ काम्‌सै दल्‌ताक्आतय्‍ही छय्‍ङ्‌ताक्‌नाःतय्‍ही। ओहाङःसै ङीपाय् ओउःकोः मान्‍ता ह स्‍याव्‌ती पेओ काम् जाङ्‌ह्‌सा गेतो स्‍याव्‌तय्‍ही।

तीतस् 3:1

सर्‌कार्‌कोः मान्‍तालम्‌कोः कुरामा सर्‌कार्‌कोः हुकुम् बयःओलम्‌कोः कुरामा ग्‍याती सायःनु। “पेओ काम्‌मा गलकायःमा गेती जाङ्‌ह्‌नु” त दाय्‍ह्‌ती मान्‍तालम्‌कायः स्‍यान्‌ती तोउ दा।

तीतस् 3:14

ङीकोः मान्‍तालम्इ दोह् दोह् थोक्‌लम् राह्‌तो लेःआः ओउः थोक् दोःताक्‌साकायः काम् पेतो जाङ्‌ह्‌सा खेःइतो। ओउःमयः काम् जाङ्‌ह्‌माःत मुसा स्‍याव्‌ल।

तीतस् 3:8

लौ इपाय् दोङ् ङ्‌हाम्‌सीःआ कुरा लेःआः। इ कुरामा नाङ्इ परमेस्‍वर्‌कोः ङ्‌हाम्ओलम्‌कायः सबै दोङ्‌ह्‌तोलेः स्‍यान्‌सा खेःतो ओहाङःसैको ओउःमयः पेतोलेः हायःती वाह्‌सा खाय्‌नानी। इ कुरापाय् सबैकायः पेलेःनाः स्‍याव्‌लेःनाः।

१ पत्रुस् 2:12

परमेस्‍वर्‌कायः ङ्‌हाम्‌मालोलम्‌कुस् मुतोक्‌हाङः सबै पेतो हायःती वाह्‌न ओहाङःसै ओउः मान्‍तालम्इ तेन्‌छ्याङ् नीङ्‌कायः माःती तोतेःइतो लोनेः प्रभु येसु द्यान्‍ह्‌ती वाङ्‌सा दीन्‌हाङः ओउःमयःइ ल्‍हुङ्‌हाङः दोङ् कुरा चीःती नीङ्‌कायः “पेओ लेःआः इ” त दाय्‍ह्‌ती परमेस्‍वर्‌कायः ताङ्‌ह्‌ताक्‌तीलेः तोनानी।