मत्ती 25:34 - चेपाङ34 ओउः ङोय्दोहाङः मुओलम्कायः ‘लौ नीङ्कः ङाकोः परमेस्वर् आपा आन म्रोलेःनाः। ओउःकोः राजी याक्ती मुलाङ् वाङ्न दा। ओउः राजीपाय् ल्हाव्ह्दैबाङ्कोः जाङ्ह्तोक्हाङःसै नीङ्कायः गम्ओ लेःआः အခန်းကိုကြည့်ပါ။ |
मत्ती 25:34
68 ပူးပေါင်းရင်းမြစ်များ
सुसुखेइ ऐन्कोः मीमीओ कुरामा लयः जाङ्ह्सा ग्यामाःत अरुकायःमा ‘लौ ओउः कुरा जाङ्ह्सा परल’ त दाय्ह्ती स्यान्चानी ओउःलेः परमेस्वर्कोः राजीहाङः अरुसै मीतो स्याव्नै। सुसुखेइ ऐन्कोः कुरा जाङ्ह्ती अरुकायः ‘लौ इ कुरा जाङ्ह्नु दा’ त दाय्ह्ती स्यान्चानी ओउःलेः परमेस्वर्कोः राजीहाङः ताङ्ह्तो स्याव्नै।
ङ्हा हाबेल्कायः सात्ओहाङःसै लोन्ते परमेस्वर्कोः मन्दीर्हाङः सात्ओ जखरीयाकोः बेलाहाङःच्युक्कायः परमेस्वर्कोः मान्तालम् आन सात्आकानी। नीङ् तेन्छ्याङ्कोः मान्तालम्इमा ओउःमयःकोः पेमालो काम्लम् तेःती झ्यान्ते न्युम्ह्तोलेः स्याव्तेःनै। माःहै तेन्छ्याङ्कोः मान्तालम् लोन्ते आन न्युम्ह्तोलेः स्याव्नै।
फेरी ङीपाय् परमेस्वर्कोः चोःलम् खेःनाःतय्ही त खेःया ङी चोःलम्लो लेखालेः परमेस्वर् आपासै पेओ दान् दोःनाःतय्ही। दोह् दोह् पेओलम् परमेस्वर्इ ख्रीस्कायः सेती गम्लेःआकान् ओउःलेः येसु ख्रीस्कुस्इ थाःतोलेः त्याक्मातय्ह्नी। ङीइ ख्रीस्कुस् लीह्सीःओ गोरःमानाःतय्ह्नी त खेःया ओउःकुस् ब्राङ्ती ताङ्ह्तोलेः स्याव्मानाःतय्ही।
ओउःमयः ओउः ङ्हाहाङः फेओ देस्खेताङ् पाय्ह्इली ओउःसै पेओ लाङ्का देस्खेताङ् द्याह् आल्सा झाक्इतो ती ओउःत झ्यान्ते ओउःमयःइ परमेस्वर्कायः “लौ ङीकोः परमेस्वर् लेःआः” त दाय्ह्ती तोतोक्हाङः ओउःमयःकः परमेस्वर् अह्र्ल। ओउःपाय् अह्र्ल ओउः एत ङ्हाम्ओ लयःकोः मान्तालम्कायः याक्सा सहर्लेः जाङ्ह्आथास।
ङीइ ङ्हाम्ओलम्खेइ ओउः राजीहाङः पोक्सा दोःलेःनाःतय्ही। एतलेः परमेस्वर्कोः कुरा आखरःहाङः लेखती मुनाः “लौ ‘ओउःमयःपाय् ङाकुस् ङाकोः य्हाङःती मुसा राजीहाङः पोक्सा गलमा दोःइली’ त ल्हुङ् मल्ह्तो स्याव्ती तोती गम्आलाङः” त दाय्ह्ती परमेस्वर् कीरीया जेःती दाय्ह्ओआः। ओउःतलेः परमेस्वर्इ ङ्हाम्मालोलम्खेकायः तोतीलेः गम्तो ल्हाव्ह्दैबाङ् जापीनःती न्यास्ओहाङःसै ओउःकोः काम् द्योक्लेःआ बा।
ज्युङ्ह्तोलेः वाङ्याकायः त खेःयाकायः ल्हाव्ह्दैबाङ् जाङ्ह्तोक्हाङःसैकोः ख्रीस्पाय् ज्युङ्ह्तोलेः लीह्सीःओ गोरःचाः खेःतो ओउःत हायःओ खेःल। द्याह् इ ल्हाव्ह्दैबाङ् द्युम्खेःओ दीन्लम्हाङः ख्रीस्पाय् सबैकोः रेव्ओ काम्लम् क्युम्ह्ती वाय्साकायः यातै पेन्ह्कायः लयःकोः आङ् ल्हालाङ् वाङ्आ।
नाङ्इ च्यवःओ सात् तालाङ् नाःओपाय् ङ्हालेः मुओ खेःतो देङीपाय् नाःल। ओउःपाय् लोनेः कामः नालासै लन्ह्ती वाङ्नाः। वाङ्आक्तीको जुगाङ् ह्र्योङःती वाय्तोलेः स्याव्नाः। ओहाङःसैको सुसु ल्हाव्ह्दैबाङ्कोः मान्तालम्पाय् सबै जापीनःती न्यास्तोक्हाङःसै ओउःमयःकोः मय्ङ् जीङः नाःओलम्कोः कीताप्हाङः लेखमाःत मुलेःनै ओउःमयःपाय् ओउः सात् तालाङ् नाःआकाय् योती झ्यान्ते ग्याङ्ह्लेःनै दोह् हायःती दाय्ह्सा ओउः सात् तालाङ् नाःओपाय् ङ्हालेः मुओ खेःतो देङीपाय् नाःल लोनेःमा थाती वाङ्लेःनाः।
ကြော်ငြာတွေ