मत्ती 25:32 - चेपाङ

³² ओहाङःपाय् सबै जात्‌कोः मान्‍तालम् हुम्‌ती वाङ्‌नै वाङ्आक्‌तीको ओउःमयःकायः मान्‍ताकोः चोःइ नीस् भाक्‌ताङ् वेङ्‌ह्‌ताक्‌नाःथास।

मत्ती 25:32 ပူးပေါင်းရင်းမြစ်များ

मत्ती 13:49

इतलेः ओउः ल्‍हाव्‍ह्‌दैबाङ्‌कोः द्युम्ओ दीन्‌हाङः स्‍याव्‌नाः। परमेस्‍वर्‌कोः ल्‍होक्ओमयः वाङ्‌ती रेव्ओ मान्‍तालम्‌खेकायः पेओकःसै चल्‌ती म्‍हेःहाङः ताती वाय्‌नानी।

मत्ती 28:19

ओउःत झ्‍यान्‍ते सबै जात्‌कोः मान्‍तालम्‌कःताङ् आल्‌ती ङाकोः कुरा स्‍यान्उसु। ओहाङःसैको परमेस्‍वर्‌ आपाकोः मय्‍ङ्‌मा ङाकोः मय्‍ङ्‌मा परमेस्‍वर्‌कोः ग्‍वालामःकोः मय्‍ङ्‌मा पेह्‌ती बाप्‍तीस्‍मा बयःउसु।

मत्ती 3:12

फेरी ओउःइ पेओ मान्‍ताकःसै पेमालो मान्‍ता पेङ्‌कलःसाकायः चुय्‌कोः धान्‍ह्‌लो लेखा चल्‌नौ। पेओ मान्‍तालम्‌खेकायः परमेस्‍वर्‌इ चुय्‌लो लेखा लयःकःताङ् वानःनाःथास पेमालोलम्‌खेकायः धान्‍ह्‌लो लेखा गलमा सीमालो म्‍हेःहाङः ताती वाय्‌नाःथास” त दाय्‍ह्‌तीमा युहनाइ तोआथास।

युहना 10:14

लौ ङापाय् पेओ ह्रामःसा गोथालालो लेखा खेःनाङः बा। ङाइ आपाकायः तय्‍ह्‌लेःनाङः ओउःइ ङाकायः तय्‍ह्‌नाःताङः। ओउःलो लेखालेः ङाइ लयःकोःमयः तय्‍ह्‌नाङःसु ओउःमयःइ ङाकायःमा तय्‍ह्‌नाःताङः। फेरी ङाइ लयःकोःमयःकायः दल्‌ताक्‌सा थेङा सीसामा ग्‍यालेःनाङः।

युहना 10:27

ङाकोःमयःइ भेदालो लेखालेः ङाकोः हाव्‌नयः सायःती ङाकायः गुल्‍ह्‌नाःताङः।

रोमी 2:12

यहुदी खेःमालोलम्‌लो लेखालेः सुसुखेइ परमेस्‍वर्‌इ बयःओ ऐन् चीःमाःत रेव्ओ काम् जाङ्‌ह्‌नानी ओउःपाय् ऐन् चीःमाःत सीती वाय्‌नै। सुसुखेइ यहुदीलम्‌लो लेखालेः ऐन् चीःती रेव्ओ काम् जाङ्‌ह्‌नानी ओउःकायःपाय् ऐन्‌कोः कुरा पेतोलेः जाङ्‌ह्ओया जाङ्‌ह्‌मालोया त तय्‌छनःती योनाःथास।

रोमी 2:16

“लौ परमेस्‍वर्‌इ मान्‍तालम्‌कोः ल्‍हुङ्‌तुक् तय्‌छनःती योसा दीन्‌हाङः ओउःतलेः स्‍याव्‌नाः” त दाय्‍ह्‌ती ङाइ परमेस्‍वर्‌कोः पेओ नोःराय् थोल्‍ह्‌ती तोलेःनाङः।

१ कोरीन्‍थी 4:5

ओउःत झ्‍यान्‍ते प्रभु येसु वाङ्‌धाङ्‌माखाहाङःकायः सुकायःमा तय्‌छनःती योलाम्। लोन्‍ते प्रभु वाङ्‌तोक्‌हाङः ओउःइ सबै मान्‍ताकोः ल्‍हुङ्‌हाङः नुस्ओ च्‍याक्ओ कुरालम् फानःती छ्यानःताक्‌नौ। ओहाङःसैको परमेस्‍वर्‌इ मान्‍ता मान्‍ताकायः लःलयः जोक्‌कायः ओउःमयःकोः काम् जाङ्‌ह्ओकोः कुरा लुङ्‌तीलेः तोनौ।

२ कोरीन्‍थी 5:10

ङीकोः काम् तय्‌छनःती योसाकायः यात्‌नम् दीन्‌हाङः ङी सबै ख्रीस्‌कःहाङः चीङ्‌लाङ् आल्‌सा परनाःतय्‍ही ओहाङःसैको ल्‍हाव्‍ह्‌दैबाङ्‌हाङःकोः मुतोक्‌हाङः ङी पेतो जाङ्‌ह्आतय्‍ह्‌नी त खेःया लोने पेओलेः दोःनाःतय्‍ही। खेःल ङी पेमालो जाङ्‌ह्आतय्‍ह्‌नी त खेःया पेमालोलेः दोःनाःतय्‍ही।