मत्ती 25:10 - चेपाङ

¹⁰ एत तोआक्‌तीको ओउः चीःमालोलम् साहुकःताङ् लेःलाङ् आल्इतो ओउःमयः आल्‌ती लेःतोक्‌हाङः ओउः दुलही वाङ्आ। दुलही वाङ्‌ती ओउः पास्‌जन साती नाःओ द्याङ्‌ह्‌मयःलम्‌खे ओउःकुस् आल्‌ती ओउःकोः कीम्‌ताङ् पोक्आकाय्। पोक्आक्‌तीको कीम्‌कोः धोका राक्ओ खेःतो।

मत्ती 25:10 ပူးပေါင်းရင်းမြစ်များ

मत्ती 24:42

ओउःत खेःया पेतो धय्‌ती ल्‍युङ्‌ह्‌ती मुन नीङ्‌कोः प्रभु गलखा वाङ्‌नाः त नीङ्इ चीःतेःनीली।

मत्ती 24:43

कुःसा बोङःओ चोर्‌लम् ‘द्याह्‌मयः वाङ्‌नै’ त कीम्‌कोः आपाइ चीःसा दोःनाः त खेःया ओउः कीम्‌कोः मान्‍ताइ ल्‍युङ्‌ह्‌ती मुती झ्‍यान्‍ते चोर्‌लम्‌कायः पोक्‌सा दोःताक्उलु। इत नीङ्इ चीःतेःनानी।

मत्ती 24:44

ओउः कीम्‌कोः आपालो लेखा नीङ्‌मा ल्‍युङ्‌ह्‌ती मुसा खेःतेःइतो दोह् हायःती दाय्‍ह्‌सा ओउः मान्‍ताकोः चोः त तोओ नीङ्इ ताःमालो बेलाहाङः वाङ्‌लेःनाः।

मत्ती 25:6

ओहाङःसैको ओउःमयः सबै एनःती लोने दोङ् याह्‌दीङ्‌हाङः ‘लौ दुलही दाह्आ द्याह् ओउःकायः रोम्‌लाङ् आल्‌न दा’ त दाय्‍ह्‌ती गोःआकानी

मत्ती 7:21

ङाकायः ‘लौ प्रभु लेःतेःआः’ त दाय्‍ह्‌ती तोओमयःलम्‌कःहाङः सबै परमेस्‍वर्‌कोः राजीहाङः पोक्‌सा दोःइली। सुसुइ ङाकोः आपा झाक्ओ काम् जाङ्‌ह्‌नानी ओउःमयः झुङ्आले पोक्‌सा दोःनै।

लुका 12:35

लौ घीःती मुन दा कमा वानःओ दीन्‌हाङः ओउः कमा त्‍याक्‌सा थेङा भाव्‌कोः कीम्‌हाङःपाय् ओउःकोः मान्‍तालम् आन चन्‌तायःती मुसा खेःतो ओहाङःसैको भाव् वाङ्ओ बेलाहाङः ओउःकायः पेतो रोम्‌सा खाय्‌नानी। ओउःलो लेखालेः नीङ्‌कोः प्रभु वाङ्‌सा बेलाहाङःकायः ओउःकायः त्‍याक्‌सा थेङा नीङ्‌मा चीङ्‌ती र्‍ययःती मुन।

लुका 13:25

यात् दीन्‌हाङः प्रभुइ ओउः धोकापाय् राक्‌ती गम्‌नौ। ओउः दीन्‌हाङः नीङ् धोका बाहीरताङ् वाङ्‌ती ‘अ प्रभु फोल्‌ताङी दा। ङी पोक्‌सा दोःपाङी’ त नीङ् दाय्‍ह्‌ती तेतेःनै त खेःया ‘खेःल नीङ्‌पाय् गाःहाङःकोः ङाइ तय्‍ह्‌नाङ्‌सल’ त दाय्‍ह्‌ती ओउः त्‍याङ्‌लेःनाः।

कोलसी 1:12

ओउःत झ्‍यान्‍ते परमेस्‍वर्‌ आपाकायः “च्‍युता” त तोनु। ओउःइ लयःकोः पेतो थोङ्ओ राजीकोः ङ्‌हाम्ओलम्‌कुस् नीङ्‌कायःमा मुसा बयःतेःआकाय्।

२ तीमोथी 4:8

द्याह् ङाकोः काम् जाङ्‌ह्‌झ्‍याङ्‌कोः मुलेःनाः। ओउः जाङ्‌ह्‌झ्‍याङ्‌कोः ओउः पेओ तय्‌छनःती योओ प्रभुइ लयः वाङ्‌सा खेःओ दीन्‌हाङः बयःनाःताङः। दोःआक्‌तीको ङापाय् परमेस्‍वर्‌कोः मीक्‌हाङः जय्‌कुमःत स्‍याव्‌नाङः। फेरी ङा ह दोःसा खेःङल ओउःकोः वाङ्‌सा खेःओकायः झाह्‌ती योओलम्‌मा सबै ङालो लेखालेः दोःनै।

१ पत्रुस् 1:13

ओउःत खेःओ ग्रमःत मुती ल्‍हुङ् व्‍हाय्‌तोलेः स्‍याव्‌तेःपै। “येसु ख्रीस्‌कोः थाती वाङ्‌सा दीन्‌हाङः पेतोलेः स्‍याव्‌नाःतय्‍ही” त दाय्‍ह्‌ती ओउः दीन् योसाकायः झाह्‌तोलेःमा चोङाय्‌तोलेःमा ल्‍युङ्‌ह्‌नु।

प्रकाश 1:7

लौ ओउःपाय् मुस्‌हाङःलेः वाङ्‌धै मुलेःनाः। ओउः बेलाहाङःपाय् ओउःकायः सबैइ च्‍यवःसा खाय्‌नानी। ओउःकायः ह्रोङ्‌ह्‌ती सात्ओलम्इमा ओउःकायः च्‍यवःलेःनानी ओहाङःसैको ल्‍हाव्‍ह्‌दैबाङ्‌कोः मान्‍तालम्‌पाय् सबैइ ओउःकायः क्रेस्‌लेःनानी। माः है ओउःतलेः स्‍याव्‌पाः दा।

प्रकाश 19:7

द्याह् म्रोतोमा चोङाय्‌तोमा स्‍याव्‌ती परमेस्‍वर्‌कायः ताङ्‌ह्‌ताक्‌नी दा दोह् हायःती दाय्‍ह्‌सा ओउः भेदाकोः चोःकोः बीहा जाङ्‌ह्‌सा दीन्‌पाय् दाह्ओ लेःआः बा। ओउःकोः वानःसा कमापाय् चीङ्‌धै मुलेःजेःनाः।

प्रकाश 22:20

इ कुरालम् छ्यानःती तोओचाक्‌पाय् “माः है ङापाय् रेन्‍ह्‌तोलेः वाङ्‌नाङः बा” त दाय्‍ह्‌ती दाय्‍ह्‌लेःनाः। माः प्रभु येसुय रेन्‍ह्‌तोलेः वाङ्‌चाक्अ दै।