मत्ती 24:6 - चेपाङ

⁶ फेरी लोन्‍तेमा ‘लौ इहाङःपाय् लदाय् जाङ्‌ह्‌नानी ओहाङःमा लदाय् जाङ्‌ह्‌सा बोङःनानी’ त दाय्‍ह्‌ती नोःओ सायःतेःनानी ओउः कुरा सायःतोक्‌हाङः ल्‍हुङ् र्‍याङःमाःत मुन इत हायःओ स्‍याव्‌सा खेःलेःनाः ओउः बेलाहाङः ल्‍हाव्‍ह्‌दैबाङ्‌कोः द्युम्ओ दीन् वाङ्‌धाङ्‌ल।

मत्ती 24:6 ပူးပေါင်းရင်းမြစ်များ

मत्ती 2:3

ओउःतलेः नोःइतो ओउःमयःकोः नोःराय् सायःती हेरोद् राजामा यरुसालेम्‌कोः मान्‍तालम्‌मा “लौ इ सु राजाकोः चोः खेःचाः” त म्‍हर्‌ती ल्‍हुङ् रुःतो स्‍याव्‌नै।

मत्ती 24:14

ओहाङःसैको ओउः द्युम्ओ दीन्‌कोः ङ्‌हासै परमेस्‍वर्‌कोः राजीकोः पेओ कुरा ल्‍हाव्‍ह्‌दैबाङ्‌हाङः सबै मान्‍तालम्‌कायः चीःताक्‌सा थेङालेः थोल्‍ह्‌ती तोसा खेःतो। थोल्‍ह्‌ती तोआक्‌तीको ओउः द्युम्ओ दीन् वाङ्‌लेःनाः।

मत्ती 26:54

इत हायःसा खाय्‌नाङःसु ओउः ल्‍होक्ओमयः वाङ्‌नै त खेःया ओउः उय्‍ह्‌लेकोः आखरःहाङः रय्‍ह्‌ती लेखओ कुरापाय् ताप्‌सा दोःल” त दाय्‍ह्‌ती येसुइ तोआकान्।

लुका 21:19

ओउःत स्‍याव्‌लेःनाः ङाकायःमा ङाकोः कुराकायःमा फेमाःत नीङ् ल्‍हुङ् ग्रमःत मुलेःतेःनै त खेःया नीङ्‌पाय् दल्‌तेःनै बा।

लुका 21:9

फेरी लोनेःमा ‘लौ इहाङःपाय् लदाय् जाङ्‌ह्‌नानी’ ‘ओहाङः लदाय् जाङ्‌ह्‌सा बोङःनानी’ त दाय्‍ह्‌ती नोःओ सायःतेःनानी ओउः कुरा सायःतोक्‌हाङः रैतेःचनै इत हायःओ ङ्‌हालेः स्‍याव्‌सा खेःतो लेःआः ओउः बेलाहाङःपाय् ल्‍हाव्‍ह्‌दैबाङ्‌कोः द्युम्ओ दीन् वाङ्‌धाङ्‌ल।

लुका 22:37

दोह् हायःती दाय्‍ह्‌सा ओउः उय्‍ह्‌लेकोः आखरःहाङः लेखओ ङाकायः तोओ कुरापाय् द्याह् ताप्‌तो स्‍याव्‌सा खेःनाः ‘ओउः मान्‍ताकायःपाय् पेमालो मान्‍तालम्‌लो लेखालेः न्‍युम्‍ह्‌ताक्‌नाःथै’ त दाय्‍ह्‌ती दाय्‍ह्ओ ङाकायः लेखती मुलेःनाः। ओउः कुरापाय् द्याह् ताप्‌तोलेः स्‍याव्‌नाः बा” त दाय्‍ह्‌ती येसु तोआथास।

युहना 14:1

“लौ ताःताः ल्‍हुङ् र्‍याङःताःनल। परमेस्‍वर्‌कायः ङ्‌हाम्‌तेःनानी ङाकायःमा ङ्‌हाम्‌नाङ्‌स दा।

युहना 14:27

लौ ङा आल्‌तोक्‌हाङः नीङ्‌कायः स्‍याङ्ओ ल्‍हुङ् बयःनेःनाङ्‌स। ङाइ बयःओ स्‍याङ्ओ ल्‍हुङ्‌पाय् अरु ल्‍हाव्‍ह्‌दैबाङ्‌कोः मुओलम्इ बयःसा खाय्‌नीली। लौ ल्‍हुङ् र्‍याङःमामाःत रैमामाःत मुन दा।

२ थेसलोनिकि 2:2

प्रभु वाङ्‌सा खेःओ दीन् “द्याह्‌पाय् दाह्ओ लेःआः” त तोओ सायःतेःआकानी त खेःया “लौ ल्‍हुङ् रुःमामाःत ब्रःमामाःत ल्‍हुङ् धोमाय्‌तो मुन” त तेती तोनेःनाङ्‌स। “ओउः कुरापाय् पावुल्इ परमेस्‍वर्‌कोः ग्‍वालामःसै दोःती स्‍यान्आताङी चेतीहाङः लेखआताङी” त दाय्‍ह्‌ती यात्‌नीस्‌चाक्इ माःती तोनानी यादो।

प्रकाश 6:4

ओउःत तोआक्‌तीको यात्‌ज्‍योः अरु जीम्‌तो दुओ घोरा वाङ्आ। ओउःकोः गीङ्‌हाङः लन्‍ह्ओचाक्‌कायः ल्‍हाव्‍ह्‌दैबाङ्‌कोः मान्‍तालम्‌कायः मीन्‍ह्‌काय्‌ताक्‌सा सात्‌काय्‌ताक्‌सा ग्‍वम्‌मा बयःओ खेःतो ओउःकायः यात्‌ज्‍योः ताङ्‌ह्ओ तरवाल्‌मा बयःओ खेःतो।