मत्ती 24:5 - चेपाङ

⁵ लोन्‍ते नाःतो मान्‍तालम् ‘लौ ओउः वाङ्‌सा खेःओ चाक्‌पाय् ङा लेःआः ङ’ त दाय्‍ह्‌ती माःती ङाकोः मय्‍ङ् पेह्‌ती वाङ्‌नै ओउःमयः दाय्‍ह्ओ कुरा नाःतो मान्‍तालम्इ ङ्‌हाम्‌नानी।

मत्ती 24:5 ပူးပေါင်းရင်းမြစ်များ

मत्ती 24:11

ओहाङःसैको नाःतो माःती तोओलम् ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्‌ती वाङ्‌ती ओउःमयःइ स्‍यान्ओ कुरा नाःतोलम्इ ङ्‌हाम्‌नानी

मत्ती 24:24

लोन्‍तेहाङः मान्‍तालम् ‘लौ ङापाय् ख्रीस् लेःआः’ तमा ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः’ तमा माःती तोती वाङ्‌नै फेरी आन ग्‍याङ्‌ह्‌राय्‌मा जाङ्‌ह्‌नानी। ओउःमयःइ सबैकायःमा थ्‍योन्‍ह्‌ती होम्‌सा बोङःनानी परमेस्‍वर्‌कोः चल्ओमयःकायःमा होम्‌सा बोङःनानी ओउःमयःखेकायः होम्‌सा खाय्‌नीली।

युहना 5:43

“लौ ङा परमेस्‍वर्‌ आपाकःसै वाङ्‌ङोतो नीङ्इ ङाखेकायः रोम्‌सा ग्‍यातेःइली। अरु परमेस्‍वर्‌कःसै वाङ्‌मालो लयःकोः मय्‍ङ्‌हाङः वाङ्ओ मान्‍ताखेकायः नीङ्इ रोम्‌सा ग्‍यातेःनै बा।

युहना 8:24

ओउःत झ्‍यान्‍ते ‘नीङ्‌पाय् रेव्ओ काम् क्‍युम्‍ह्‌माःत सीतेःचै’ त दाय्‍ह्‌ती तोनेःआलाङ्‌स। ङाइ लयःकायःपाय् ‘ङापाय् ओउः लेःआः ङ’ त तोनाङ्‌स ओउः ङाइ तोओ कुरा नीङ्इ ङ्‌हाम्‌तेःनीली ओउःत झ्‍यान्‍ते नीङ् रेव्ओ क्‍युम्‍ह्‌माःत सीतेःचै” त दाय्‍ह्‌ती येसु दाय्‍ह्‌तो

युहना 8:28

ओहाङःसैको “लौ ङा मान्‍ताकोः चोःकायःपाय् नीङ्इ त्‍यावःअ च्‍युन्आक्‌तीको ङाकायःपाय् ‘ओउः लेःआः बा’ त तय्‍ह्‌तेःनाङ्‌स। ङाइ लयःझुङ्आले दोह्‌मा हायःङल। दोह्‌लो ङाकोः आपाइ स्‍यान्‌चाःताङः ओउःलेः ह ङाइ थोल्‍ह्‌ती तोनाङः।

१ युहना 2:18

लौ हौलम्‌य ल्‍हाव्‍ह्‌दैबाङ्‌कोः पुत्ओ दीन्‌लम् दाह्‌खयःनाः। “ख्रीस्‌कोः बीरोत् वाङ्‌नाः” त तोओ सायःतेःआकानी। द्याह्‌पाय् ख्रीस्‌कोः बीरोत्‌लम् नाःतोलेः वाङ्आकाय् ओउःत झ्‍यान्‍ते ओउः ल्‍हाव्‍ह्‌दैबाङ्‌कोः लोन्‌दोकोः दीन् “वाङ्‌खयःआ” त चीःनाःतय्‍ह्‌नी।

१ युहना 2:22

सुखेलो “येसुपाय् ओउः वाङ्‌सा ख्रीस्‌लेः खेःल” त दाय्‍ह्‌ती दाय्‍ह्ओ मान्‍ता लेःआः ओउःपाय् माःरेव् मान्‍ता लेःआः ख्रीस्‌कोः बीरोत्‌लेः स्‍याव्‌नाः। ओउःखेइ परमेस्‍वर्‌ आपाकायःमा ओउःकोः चोःकायःमा ङ्‌हाम्उलु।

१ युहना 4:3

सुसुखेइ “येसु ख्रीस्‌पाय् गलमा मान्‍ता स्‍याव्‌ल” त तोचानी ओउःलेः परमेस्‍वर्‌कोः खेःबाय्‌ल ख्रीस्‌कोः बीरोत्‌कोः कुरा तोओ लेःआः बा। ओउः बीरोत्‌कायःपाय् “वाङ्‌लेःनाः” त दाय्‍ह्ओ सायःतेःआकान् दोङ्‌सीलेः ओउःपाय् ल्‍हाव्‍ह्‌दैबाङ्‌हाङः द्याह् वाङ्‌ती मुलेःआनाः बा।

प्रकाश 13:8

ओउः जाःकायः सबै ल्‍हाव्‍ह्‌दैबाङ्‌कोः मान्‍तालम्इ ताङ्‌ह्‌ताक्‌ती माननानी। सुसुकोः मय्‍ङ्‌पाय् ल्‍हाव्‍ह्‌दैबाङ् जापीनःती न्‍यास्ओ बेलाहाङःसै ओउः ल्‍हाती सात्ओ भेदाकोः चोःइ लेखओ जीङः नाःओलम्‌कोः कीताप्‌हाङः लेखती मुनाः ओउःमयःइ झुङ्आले ओउः जाःकायः माननीली।