मत्ती 24:47 - चेपाङ

⁴⁷ ओउःकः म्रोती झ्‍यान्‍ते दोङ्‌सी दाय्‍ह्‌भनाङ् ओउः नोकरीकायः मालीक्इ लयःकोः कीम्‌कोः काम्‌लम् माल्‌ताल्‌लम् योसाकायःमा जुगाङ् ल्‍हीन्‍ह्‌तीलेः बयःनाःथै।

मत्ती 24:47 ပူးပေါင်းရင်းမြစ်များ

मत्ती 24:46

ओहाङःसैको ओउः मालीक्‌पाय् लोक्‌तो आल्आक्‌तीको द्यान्‍ह्‌ती पाय्‍ह्‌ती वाङ्‌तोक्‌हाङः ओउः नोकरीइपाय् काम् पेतो जाङ्‌ह्‌धै मुओ च्‍यवःनौ त खेःया ओउः नोकरीकः मालीक्‌पाय् आन झाक्‌ती म्रोनाः।

मत्ती 24:48

खेःल ओउः नोकरीपाय् ल्‍हुङ् पेमालो स्‍याव्‌ती ‘लौ ङाकोः मालीक् रेन्‍ह्‌तोलेः पाय्‍ह्‌ल’ त म्‍हर्‌ती

मत्ती 25:21

पाय्‍क्आक्‌तीको ‘लौ आन पेतोतेः हायःजेःतेःआकान् रैस। इ मीओ काम्‌पाय् नाङ्इ पेतोलेः हायःतेःआकान् त झ्‍यान्‍ते ङाइ अरु ताङ्‌ह्ओ काम् बयःनेःनाङ् लौ ङाकुस् चोङाय्‌ती मुअ’ त दाय्‍ह्‌ती ओउःकोः मालीक् दाय्‍ह्आ।

मत्ती 25:23

पाय्‍क्आक्‌तीको ‘लौ आन पेतोतेः हायःजेःतेःआकान् रैस। इ मीओ काम्‌पाय् नाङ्इ पेतोलेः हायःतेःआकान् ओउःत त झ्‍यान्‍ते ङाइ अरु ताङ्‌ह्ओ काम्‌लम् बयःनेःनाङ्। लौ ङाकुस् चोङाय्‌ती मुअ’ त दाय्‍ह्‌ती ओउः मालीक् दाय्‍ह्आ।

लुका 12:37

सुसु मान्‍तालम् प्रभु वाङ्‌तोक्‌हाङःपाय् चीङ्‌ती र्‍ययःती मुलेःनै ओउःमयःलेः चोङाय्‌तो स्‍याव्‌लेःनै। दोङ्‌सी दाय्‍ह्‌भनाङ् ओउः मान्‍तालम्‌कायः ओउः प्रभुइ लयःलेः चीङ्‌ती जेःगा जेःसाकायः दोल्‌कावःआथास।

लुका 12:44

दोङ्‌सीलेः ओउः नोकरीकायः मालीक्इ लयःकोः कीम्‌कोः सबै माल्‌ताल्‌लम् योसाकायः जुगाङ् ल्‍हीनःतीलेः बयःनाःथै।

लुका 19:17

‘नाङ्इ पेतोतेः हायःतेःआकान् रैस। लौ नाङ्इ इ मीओ काम् पेतो जाङ्‌ह्‌तेःआकान् त झ्‍यान्‍ते ङाइ नाङ्‌कायः दस् सहर्‌कोः मन्‍तरी काम् बयःनेःनाङ्’ त दाय्‍ह्‌ती ओउः राजाइ तोआकान्।

युहना 12:26

सुलो ङाकोः काम् जाङ्‌ह्‌सा ग्‍याचै ओउःपाय् ङाकुस् वाह्‌पै। ङा गाःहाङः गाःहाङः मुचाङः ओहाङः ङाकोः काम् जाङ्‌ह्ओलम्‌मा मुनै। सुसुइ ङाकोः काम् जाङ्‌ह्‌चानी ओउःकायःलेः ङाकोः आपाइ ताङ्‌ह्‌ताक्‌नाःथास” त दाय्‍ह्‌ती येसुइ तोआथास।

२ तीमोथी 2:12

ङीइ लीह्‌सीःओ गोरःनाःतय्‍ही त खेःया ओउःकुस्‌लेः हुकुम् बयःसा मान्‍ता स्‍याव्‌नाःतय्‍ही। ओउःकायः ङी “ओउःकोः मान्‍तापाय् खेःतय्‍हीली” त दाय्‍ह्‌ती क्‍लेत्‌ती तोनाःतय्‍ही त खेःया ओउःइलेः ङीकायःमा क्‍लेत्‌नाःतय्‍ही।

१ पत्रुस् 5:4

ओहाङःसैको सबैकायः स्‍यालःती स्‍यास्‌ती गम्ओ येसु ख्रीस्‌कोः द्यान्‍ह्‌ती वाङ्‌सा दीन्‌हाङः नीङ्‌पाय् ओउः आन पेओमा ताङ्‌ह्ओमा गलमा मीह्‌मालो काम् जाङ्‌ह्‌झ्‍याङ्‌कोः दोःतेःनै।

प्रकाश 21:7

सुसु रेव्ओकायः क्‍लीमःनानी ओउःकायः ङाइ इतलेः बयःलेःनाङः। ङापाय् ओउःकोः परमेस्‍वर्‌लेः स्‍याव्‌नाङः ओउःपाय् ङाकोः चोःलेः स्‍याव्‌नै।

प्रकाश 3:21

सुसुइ रेव्ओकायः क्‍लीमःनानी ओउःकायः ङाकुस् राजा च्‍युङःसा थाव्‌हाङः मुसा दोःताक्‌नाङः। ओउःतलेः ङाइमा रेव्ओकायः क्‍लीमःआक्‌तीको ङाकोः आपाकोः राजा च्‍युङःसा थाव्‌हाङः ओउःकुस् मुसा दोःआलाङः’