मत्ती 24:10 - चेपाङ

¹⁰ ओउःत झ्‍यान्‍ते नाःतो ङ्‌हाम्ओ मान्‍तालम्इ ङाकायः फेनाःताङः लःलयःमयःकः ल्‍हुङ् जीक्‌तो स्‍याव्‌ती लयःमयःकायः सात्‌लाङ् दाक्‌नानी।

मत्ती 24:10 ပူးပေါင်းရင်းမြစ်များ

मत्ती 10:21

ओहाङःसैको लोनेः मान्‍ताइपाय् लयःकोः पुःचोङ्‌कायः लयःकोः चोःकायः सात्‌साकायः दाक्‌नानी चोःइपाय् लयःकोः आमा आपाकः अह्र्ती झ्‍यान्‍ते ओउःमयःकायः सात्‌सा बोङःनानी

मत्ती 11:6

लौ सुसुइपाय् गलकायःमा ङाकायः ल्‍हुङ् क्रोङ्‌तोलेः ङ्‌हाम्‌नानी ओउःलेः ल्‍हुङ् चोङाय्‌तो स्‍याव्‌नै” त दाय्‍ह्‌ती येसुइ तोआथाच।

मत्ती 13:21

लोने परमेस्‍वर्‌कोः काम् जाङ्‌ह्‌साकायः लीह्‌सीःओ बेला वाङ्‌नाः त खेःया ओउः कुरा फेनानी। इलो खेःओ मान्‍तालम् रुत् ज्‍युम्‍ह्‌ती आलःमालो बाङ् ह्र्युङ्‌हाङः दीह्ओ बीया चोयालो लेखा मुनै।

मत्ती 13:57

“लौ परमेस्‍वर्‌कोः कुरा छ्यानःओ मान्‍ताकायःपाय् गाःहाङःमा मान्‍तालम्इ ताङ्‌ह्‌ताक्‌थातो लयःकोः देस्‌कोः मान्‍तालम् कीम्‌कोः मान्‍तालम् ह ओउःकः झाक्इली” त दाय्‍ह्‌ती येसुइ तोआथास।

मत्ती 24:11

ओहाङःसैको नाःतो माःती तोओलम् ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्‌ती वाङ्‌ती ओउःमयःइ स्‍यान्ओ कुरा नाःतोलम्इ ङ्‌हाम्‌नानी

मर्‌कस् 13:12

ओउः बेलाहाङःमा आपाचोङ्‌लम् पुःचोङ्‌लम् लःलयःमयःकायः सात्‌लाङ् दाक्‌नानी चोःलम्इमा लःलयःकोः आमा आपाकःताङ् चीङ्‌ती ओउःमयःकायः सात्‌साकायः दाक्‌नाःथास।

लुका 21:16

ओउः बेलाहाङःमा नीङ्‌कोः लयःकोः मान्‍तालम्‌पाय् नीङ्‌कोः लयःकोः आमा आपालम्इमा पुःचोङ् हौचोङ्‌लम्इमा क्‍वालम्इमा नीङ्‌कायः गाल्‌तुम्‌ती नीङ्‌कोः दुस्‍मान्‌लम्‌कःताङ् ल्‍हालाङ् दाक्‌तेःनै बा। दाक्‌ती ल्‍हाआक्‌तीको नीङ्‌कायःपाय् सु ना सु सात्‌मातेःनै।

२ तीमोथी 1:15

फाय्‍गेलस्‌मा हेर्‌मोगेनस्‌मा सबै असीया जील्‍लाहाङः मुओलम्इमा ङाकायः फेआताङः। एत नाङ्इ चीःतेःनौ।

२ तीमोथी 4:10

देमस्इ तेन्‌छ्याङ्‌कोः ल्‍हाव्‍ह्‌दैबाङ्‌कोः कुरा झाक्‌ती झ्‍यान्‍ते ङाकायः फेआताङः ओउःपाय् थेसालोनीका सहर्‌ताङ् आल्ओआः। क्रेसेन्‍स्‌खे गालाती जील्‍लाताङ् आल्आ तीतस्‌खे आने दाल्‍मातीया जील्‍लाताङ् आल्आ।

२ तीमोथी 4:16

ङाकोः मुत्‍ध स्‍याव्‌तोक्‌हाङः सुइमा ङाकायः लव्‍ह्‌ताङःल सबै ङाकायः फेती क्रव्आकाय्। एत हायःसा थेङा ओउःमयःकायः प्रभुइ गाल्‌तुम्‌ती नोःलाम्।