मत्ती 23:9 - चेपाङ

⁹ फेरी ल्‍हाव्‍ह्‌दैबाङ्‌कोः मान्‍तालम् सुकायःमा ‘आपा’ ततेः फोल्‍यावःती तोतेःचानी। लाङ्‌काहाङः मुओ परमेस्‍वर्‌ ह ओउःलेः नीङ्‌कोः आपा लेःआः।

मत्ती 23:9 ပူးပေါင်းရင်းမြစ်များ

मत्ती 23:10

फेरी सुइमा नीङ्‌कायः ‘स्‍यालःओ मान्‍ता’ त तोसा ताक्‌तेःचानी। नीङ्‌कायः स्‍यालःओ मान्‍ता यात्‌चाक् ह स्‍याव्‌नाः ओउःपाय् ख्रीस् लेःआः।

मत्ती 6:32

इ थोक्‌लम्‌कायः परमेस्‍वर्‌कायः तय्‍ह्‌मालोलम्‌खे ल्‍हुङ् र्‍याङःतीलेः बोङःनानी नीङ्‌खे ओउःत र्‍याङःसा परल। इ थोक्‌लम्‌पाय् नीङ्‌कायःमा चाहनाः त नीङ्‌कोः परमेस्‍वर्‌ आपाइ चीःलेःनौ बा।

मत्ती 7:11

खेःल नीङ्इ लयःकोः चोःकायः पेतोलेः बयःतेःनानी बा। ओउःत झ्‍यान्‍ते नीङ् पेओ खेःमालोलम्‌खेइपाय् लयःकोः चोःलम्‌कायः पेतो बयःसा चीःतेःनानी त खेःया दोङ्‌सीलेः नीङ्‌कोः परमेस्‍वर्‌ आपाखेइ ओउःकः तेओलम्‌कायः न्‍हाङ्‌तीलेः पेतो बयःनौ।

खबरदुत 22:1

ओउःमयः ङैमाःत मुआक्‌तीको पावुल्इ ओउः इस्राएल् मान्‍ताकोः यहुदी भासा नोःती “अ इस्राएल् मान्‍तालम्‌य ङापाय् नीङ्‌कोः मीक्‌हाङः चीङ्‌ती लयःकायः तोओ नोःचाङः। नीङ्इ पेतो सायःनु दा” त दाय्‍ह्‌ती पावुल्इ तोआथास।

१ कोरीन्‍थी 4:15

ख्रीस्‌कोः काम् जाङ्‌ह्‌तोक्‌हाङः नीङ्‌कायः योतीमा गानाक्‌ती तोतीमा आन नाःतो मान्‍तालम् मुनै यादो। नीङ्‌कोः आपापाय् ङा झुङ्आले स्‍याव्‌नाङः दोह् हायःती दाय्‍ह्‌सा ङाइ येसु ख्रीस्‌कोः पेओ समचार्‌ तोती नीङ्‌कायः रौ जीङः दोःताक्‌नेःआलाङ्‌स।

२ कोरीन्‍थी 6:18

“ङापाय् नाङ्‌कोः आपालेः स्‍याव्‌नाङः नीङ्‌पाय् ङाकोः चोःलम् चोःद्याङ्‌लम् स्‍याव्‌तेःनै” त दाय्‍ह्‌तीमा ओउः ग्‍वम् नाःओ परमेस्‍वर्‌ दाय्‍ह्आ।

हेब्रैनी 12:9

ङीकोः ल्‍हाव्‍ह्‌दैबाङ्‌कोः आपालम्इ ङीकायः न्‍युम्‍ह्‌ताक्‌ती स्‍यान्आतय्‍ही। ओउःमयःकः ङी पेतो एङःतीलेः सायःआतय्‍ह्‌नी ओउःत झ्‍यान्‍ते पेओ जीङः दोःसाकायः ङीकोः लाङ्‌काकोः आपाकायः न्‍हाङ्‌तोलेः ग्‍याती सायःसा खेःतो बा।

१ युहना 3:1

परमेस्‍वर्‌इ इच्‍युक् पेतोलेः राप्‌नाःतय्‍ही ङीकायःपाय् ओउःइ “लौ ङाकोः चोः लेःआः” त दाय्‍ह्‌ती तोनाःतय्‍ही। माः रैस दोङ्‌सीलेः ओउःकोः चोः लेःआः तय्‍ही अरु ल्‍हाव्‍ह्‌दैबाङ्‌कोः मान्‍तालम्इ परमेस्‍वर्‌कायः तय्‍ह्‌माःत झ्‍यान्‍ते ङीकायःमा तय्‍ह्‌तय्‍हीली।