स्यान्ओ मान्तापाय् लयःकोः गुरुकुस् घार्तोलेः चीःसा ह स्याव्लेःनाः। काम् जाङ्ह्ओ मान्तापाय् लयःकोः मालीक्कुस् घार्तीमा ओउः ह ङोस्आनाः। दोङ्सीलेः मान्तालम्इ ङा नीङ्कोः गुरुकायःपाय् ‘लान्कोः राजा लेःआः’ त दाय्ह्ती तोनाःताङः ओउःत खेःया नीङ् ङाकुस् स्यान्ओमयःकायःमा न्हाङ्तोलेः रेव्तो तोतेःनै बा।
मत्ती 23:8 - चेपाङ8 नीङ्खेइपाय् अरुलम्इ नीङ्कायः ‘गुरुय’ त तोसा ताक्तेःचानी यात्चाक् ह नीङ्कोः गुरु स्याव्नाः बा अरु मान्तालम् नीङ्कोः पुःचोङ्लेः स्याव्नै। အခန်းကိုကြည့်ပါ။ |
मत्ती 23:8
34 ပူးပေါင်းရင်းမြစ်များ
ओउःनीस् येसुकुस् नोःकाय्ती मुओ च्यवःती येसुकुस् वाह्ओ सुम्चाक् आन रैती “अ गुरुय ङी इहाङः वाङ्ती मुओ गुच्युक् पेजेःतो। लौ ङीइ सुम्ज्योः झ्युह्रुक् कीम् जाङ्ह्नेःनेःनानाङ्स यात्ज्योः कीम् नाङ्कायः यात्ज्योः मोसाकायः यात्ज्योः एलीयाकायः” त दाय्ह्ती पत्रुस्इ ग्याङ्ह्ती झ्यान्ते दोह् हायःसा चीःमाःत तोआथै।
यात्दीन्हाङः नीकोदेमस्पाय् येसुकःताङ् याह्दीङ्हाङःलेः वाङ्आ। येसुकःताङ् वाङ्ती “लौ गुरुय नाङ्पाय् परमेस्वर्कःसै स्यान्लाङ् वाङ्ओ मान्ता लेःतेःआः बा। नाङ्इ इच्युक् पेओ ग्याङ्ह्राय् जाङ्ह्ती झ्यान्ते परमेस्वर् नाङ्कुस् मुनाः त ङीइ चीःनाङःसु। परमेस्वर्पाय् ओउःकुस् ब्राङ्ती मुमाया सुइमा इ काम् जाङ्ह्सा खाय्नीली” त दाय्ह्ती नीकोदेमस् दाय्ह्आ।
ङापाय् युहना त तोओलेः नीङ्कोः पुः स्याव्ती ङाइ नीङ्कुस् येसुकायः लीह्सीःओ गोरःमानाङः नीङ्कुस्लेः ओउःकोः राजीहाङः मुमानाङः ओउः वाङ्साकायः ल्युङ्ह्तीलेः मुमानाङः। परमेस्वर्कोः नोःराय्मा येसुइ छ्यानःओ कुरामा थोल्ह्ती तोती झ्यान्ते ङापाय् पात्मोस् त तोओ तीःइ तोङःती गम्ओ देस्हाङः थुनतीलेः मुनाङः।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।
ကြော်ငြာတွေ