लौ नीङ् धर्मा स्यान्ओमयःमा फरीसीलम्मा लोनेतेः आन न्युम्ह्तोतेः स्याव्तेःनै बा। दोह् हायःती दाय्ह्सा नीङ्इ ब्रेह्ओ लेइ नोःती दाय्ह्तेःनै नीङ्इ परमेस्वर्कोः राजीहाङः आल्सा ल्याम् जुगाङ् पाङ्गती अरु राजीहाङः मुसा बोङःओलम्कायःमा नीङ्इ पोक्सा ताक्तेःनीली नीङ् लयःमा पोक्ती मुसा ग्यातेःइली।
मत्ती 23:15 - चेपाङ15 लौ नीङ् धर्मा स्यान्ओमयःमा फरीसीलम्मा लोनेतेः न्युम्ह्तेःनानी बा दोह् हायःती दाय्ह्सा नीङ्इ ब्रेह्ओ लेइ नोःती दाय्ह्तेःनै यातैचाक्कायः नीङ्कोः लयःकोः धर्मा स्यान्सा थेङा नीङ् ल्हाव्ह्दैबाङ्कोः चार् दोवाताङ् आल्सा ग्यातेःइतो ओउः मान्ताइ नीङ्कोः स्यान्ओ ङ्हाम्आक्तीको नीङ्सै न्हाङ्तोलेः पेमालो स्याव्नाः बा। အခန်းကိုကြည့်ပါ။ |
मत्ती 23:15
17 ပူးပေါင်းရင်းမြစ်များ
ओहाङःसै ओउःकःताङ् नाःतो फरीसीलम्मा सादुकी त तोओलम्मा वाङ्आकाय्। युहनाइ ओउःमयः वाङ्ओ च्यवःती “लौ नीङ् कुयः युक्कोः चोःलेःतेः खेःतेःनै। नीङ्पाय् इहाङः वाङ्ती ‘रेव्ओ काम् जाङ्ह्झ्याङ्कोः न्युम्ह्ताक्ओसै दल्सा दोःलेःनाः’ त म्हर्तेःनै यादो। इत हायःसा सुइ तोतेःआकाय्। परमेस्वर्इ न्युम्ह्ताक्ओसै नीङ् गत हायःती क्रव्सा खाय्तेःनानी र।
‘लौ सुसु लयःकोः मान्ताकःताङ् ल्हुङ् ह जीक्ती मुचनै ओउःमा न्युम्ह्तोलेः स्याव्नाः’ त दाय्ह्ती ङाखेइ तोनेःनाङ्स बा। फेरी सुसुइ लयःकोः मान्ताकायः ‘वाःतकलङ्’ त दाय्ह्ती तोचानी ओउःकायःलेः सभाकोः मान्तालम्इ न्युम्ह्ताक्सा स्याव्नाः। सुसुइ लयःकोः मान्ताकायः ‘लौ नाङ्कायः परमेस्वर्इ स्राप्तेःनाः’ त दाय्ह्ती तोचानी ओउःलेः नरककोः म्हेःहाङः सीलाङ् आल्खेःनै।
नीङ्खे लयः सैतान् आपाकःसै वाङ्ती ओउःकोः मोह्हाय्ओ काम्लम् जाङ्ह्तेःनानी बा। ओउः सैतान्पाय् ङ्हाहाङःसै सात्रेव् खेःतो। ओउःपाय् दोङ् कुरा गलमा झाक्ल ओउःत झ्यान्ते दोङ् कुरा तोती जुगाङ्मा वाह्ल। ओउःपाय् माःरेव् ल्हुङ्तुक् लेःआः बा गलमा माःती तोती वाह्नाः। माः रैस ओउःखे माःरेव्मयःकोः आपा लेःआः।
ओहाङःसैको ओउः थनःओ कीम्कोः मीतीङ् खाय्आक्तीको नाःतो यहुदीलम्मा अरु जात्कोः परमेस्वर्कायः झाह्ओलम्इमा पावुल् नीस् साथीचाःकायः गुल्ह्आकानी। गुल्ह्आक्तीको ओउःनीस्इ इ गुल्ह्ओ मान्तालम्कायःपाय् “लौ परमेस्वर्कोः कुरा फेमाःत ङ्हाम्ती ओउःइ बयःओ पेओ जीङः दोःती मुन” त दाय्ह्ती ओउःनीस्इ स्यान्आथास।
ओहाङःसैको अन्तीयोक् इकोनीयुम् सहर्नीस्सै वाङ्ओ यहुदीलम् ओउः लीस्त्र सहर्ताङ् दाह्ती वाङ्आकाय्। दाह्ती वाङ्आक्तीको ओउःमयःइ ओउः लीस्त्र सहर्कोः मान्तालम्कायः फोल्यावःती होम्ती ओउःमयःइ पावुल्कः ल्हुङ् मल्ह्तो स्याव्ताक्आकानी। ल्हुङ् मल्ह्तो स्याव्आक्तीको ओउः सहर्कोः मान्तालम्इ पावुल्कायः बाङ्इ आप्दा आप्दा “द्याह् सीओ लेःआः” त म्हर्ती ओउःकायः सहर् बाहीरसै ह्र्युत्ती वाय्ती गम्लाङ् आलःआथै।
ओहाङःकोः “बेरोया सहर्हाङःमा पावुल्इ प्रभु येसुकोः कुरा स्यान्ती तोलेःनौ” त सायःती ओउः थेसालोनीकाकोः पेमालो यहुदीलम्मा बेरोया सहर्ताङ् वाङ्ती ओहाङःकोः मान्तालम्कायः हुम्ताक्ती “लौ ओउःनीस्इ पेमालो स्यान्नाःच ओउःनीस्कायः रुनःपाःथाच” त होम्काय्ती तोआथास। ओउःत थ्योन्ह्ती तोती ओउःमयःइ पावुल् साथीचाःकः ल्हुङ् मल्ह्ताक्आकानी
एत तोओ कुरा सबै म्रोती सायःआकानी ओहाङःसैको ओउःमयःइ सात्जन छ्युङ्ह्आथास। यात्चाक् स्तीफन् त तोओ ओउःखे परमेस्वर्कायः आन ङ्हाम्ती परमेस्वर्कोः ग्वालामःमा आन दोःओ खेःतो। स्तीफन् त तोआमा फीलीप् प्रोखुरस् नीकानोर् तीमोन् पार्मेनास्मा यात्चाक् अन्तीयोक् सहर्सै वाङ्ओ परमेस्वर्कायः झाह्ओ नीकोलवुस् त तोओमा इ सात्जनकायः छ्युङ्ह्ती ओउः बारजन येसुइ छ्युङ्ह्ओमयःकःताङ् वानःती चीङ्ताक्आथास।
नीङ्कायः यहुदीकोः पुन् तात्ओ जाङ्ह्सा बोङःओलम्इ आङ्कोः बाहीरकोः कुरा ह जाङ्ह्सा झाक्नै। ओउःत हायःतीलेः ओउःमयःइ “ ‘ख्रीस्लेः क्ल्याय्ओ सीङःहाङः सीती झ्यान्ते ओउःइ पुन् तात्ओ कुरा वाय्आकान्’ त दाय्ह्ती तोनाःतय्ह्नी त खेःया अरुइ लीह्सीःओ बयःचाःतय्ही ओउःत झ्यान्ते एत तोलाम्” त दाय्ह्ती ओउः क्ल्याय्ओ सीङःकोः कुराखे तोमाःत आङ्कोः पुन् तात्ओ कुराखे जाङ्ह्नानी।
ကြော်ငြာတွေ