मत्ती 23:11 - चेपाङ

¹¹ नीङ्‌कःगन सुखेलो अरुसै ताङ्‌ह्‌लेःनाः ओउःइलेः अरुकायः नोकरी काम् जाङ्‌ह्‌सा खेःतो।

मत्ती 23:11 ပူးပေါင်းရင်းမြစ်များ

मत्ती 23:10

फेरी सुइमा नीङ्‌कायः ‘स्‍यालःओ मान्‍ता’ त तोसा ताक्‌तेःचानी। नीङ्‌कायः स्‍यालःओ मान्‍ता यात्‌चाक् ह स्‍याव्‌नाः ओउःपाय् ख्रीस् लेःआः।

मर्‌कस् 9:35

ओउःमयः त्‍याङ्‌सा ग्‍यामाःत झ्‍यान्‍ते येसु च्‍युङःती ओउः बारजन गोत्‌ती वानःती “लौ सुखेलो ‘ङापाय् अरुसै ताङ्‌ह्‌लेःनाङः’ त म्‍हर्‌चै ओउःलेः सबैकोः नोकरी स्‍याव्‌ती अरुसै मीतो स्‍याव्‌जेःपै” त येसु दाय्‍ह्‌ती

१ कोरीन्‍थी 9:19

मान्‍ताकःहाङः ङाकोः मालीक्‌पाय् नाःबाय्‌ल ख्रीस्‌कोः कुरा ङ्‌हाम्‌ताक्‌साकायः ङाइ सबैकोः नोकरीलेः स्‍याव्‌नाङः।

२ कोरीन्‍थी 11:23

ओउःमयःपाय् ख्रीस्‌कोः नोकरीलम्‌या लौ ङा न्‍हाङ्‌तोलेः ओउःकोः नोकरी लेःआः ङ। माः है “ओउःमयःसै ङाइ न्‍हाङ्‌तोलेः काम् जाङ्‌ह्‌लेःनाङः” त दोङ् कुरा दाय्‍ह्‌ती नोःसा खाय्‌लेःनाङः। खाय्‌सापाय् खाय्‌लेःनाङः एत नोःधार्‌ना ङा ब्रःओ मान्‍तालो लेखा नोःनाङः। फेरी ओउःमयःसै अरुलम्इ ङाकायः नाःतोलेः घान्आताङः नाःतोलेः झ्‍याल्‍खानहाङः काआताङः नाःतोलेः सात्‌खेःआताङः।

२ कोरीन्‍थी 4:5

ङीइ थोल्‍ह्‌ती तोओपाय् लयःकायः ताङ्‌ह्‌ताक्‌ती तोओलेः खेःङीसीली ओउःपाय् खेःल “येसु ख्रीस्‌पाय् ङीकोः प्रभु लेःआः” तमा थोल्‍ह्‌ती तोमानाङःसु। फेरी “येसुकोः काम् जाङ्‌ह्‌साकायः नीङ्‌कोः नोकरीपाय् ङी लेःआः” तमा तोमानाङःसु।

गालाती 5:13

लौ पुःचोङ् हौचोङ्‌य ओउः ऐन् जाङ्‌ह्ओ फेसाकायः परमेस्‍वर्‌इ गोत्‌तेःआकाय्। ओहाङःसैको ओउः ऐन् फेसापाय् फेताक्‌तेःआकाय् ओउःत स्‍याव्आक्‌तीको लयःकोः ल्‍हुङ्‌कोः पेमालो मोह्‌हाय्ओ कुरा जाङ्‌ह्‌माःत अरुकायः राप्‌ती पेओ काम् जाङ्‌ह्‌नु दा।