मत्ती 22:33 - चेपाङ

³³ ओउःत तोओ सायःती ओउः हुम्‌ती मुओलम् “ओउःइ आन व्‍हाय्‌तोलेः तोनौ बा” त दाय्‍ह्‌ती ग्‍याङ्‌ह्‌ती नोःकाय्आकाय्।

मत्ती 22:33 ပူးပေါင်းရင်းမြစ်များ

मत्ती 22:22

येसु एत व्‍हाय्‌तोलेः त्‍याङ्ओ सायःती ओउःमयः आन ग्‍याङ्‌ह्‌ती पाय्‍ह्आकाय्।

मर्‌कस् 12:17

“ओउःत झ्‍यान्‍ते ओउः पैसापाय् सीजर्‌ राजाकोः लेःआः माःर। दोह् खेःयामा सीजर्‌कोः मुलेःनाः ओउःखेलेः सीजर्‌कायः पाय्‍क्‌पाः। दोह् खेःयामा परमेस्‍वर्‌कोः खेःनाः ओउःखेलेः परमेस्‍वर्‌कायः पाय्‍क्‌पाः” त दाय्‍ह्‌ती येसु त्‍याङ्आ। येसु एत व्‍हाय्‌तोलेः त्‍याङ्आ सायःती ओउःमयः आन ग्‍याङ्‌ह्आकाय्।

मर्‌कस् 6:2

लयःकोः देस्‌ताङ् वाङ्आक्‌तीको ओउः यहुदीकोः धोओ दीन्‌हाङः येसु ओउःमयःकोः थनःओ कीम्‌हाङः पोक्‌ती ओहाङः हुम्‌ती मुओलम्‌कायः स्‍यान्आथास। स्‍यान्‌ती मुतोक्‌हाङः ओउः हुम्‌ती सायःओलम् आन ग्‍याङ्‌ह्आकाय् “इजा इलो व्‍हाय्‌तो नोःसा चीःओ गाःसै दोःआ रैस। गत हायःती इइ आन ताङ्‌ह्ओ काम्‌लम् जाङ्‌ह्‌सा खाय्‌नौ।

लुका 2:47

“लौ इच्‍युक् दीन् ज्‍याङःधाङ्‌मालो मान्‍तापाय् गत हायःती इलो खेःओ कुरा व्‍हाय्‌तोलेः चीःसा खाय्‌नौ र” त म्‍हर्‌ती ओउः स्‍यान्ओ मान्‍तालम् ग्‍याङ्‌ह्आकाय्।

लुका 4:22

ओहाङःसैको येसुइ इतलेः आन व्‍हाय्ओमा क्‍लोनःती तोओ कुरा स्‍यान्‌ती झ्‍यान्‍ते सायःओलम्इ आन ग्‍याङ्‌ह्आकाय् “ओउःपाय् इहाङःकोः युसेफ् त तोओकोः चोः लेःआः माःर” त दाय्‍ह्‌ती नोःकाय्आकाय्।

युहना 7:46

“ओउःइ तोओ नोःराय्‌पाय् अरु सुइमा तोआक्‌ल सायःधार्‌नालेः ङीइ चुम्‌सा खाय्‌ङुसुलु” त दाय्‍ह्‌ती सीपाहीलम् त्‍याङ्आकाय्।